Volksbank Oosterholt-Scharmbeek

De Volksbank eG Oosterholt-Scharmbeek is en Volksbank mit Seet in Oosterholt-Scharmbeek. De Bank höört to’n Genossenschaftsverband un hett 20 Filialen plus 7 SB-Filialen in de Landkreise Oosterholt un Rodenborg (Ooltkreis Bremervöör). Den Vörstand billt Mathias Knoll un Jan Mackenberg, de Vörsitter von’n Opsichtsraad is Andreas Rolf-Pissarczyk.

De BLZ is 291 623 94 un de BIC GENO DEF1 OHZ. De Bilanzsumm weer an’n 31. Dezember 2016 1247 Millionen Euro, de Inlagen 907 Millionen Euro un de Kunnenkredite 965 Millionen Euro. De Bank hett 248 Mitarbeiders, 27.650 Maten un 65.332 Kunnen (Stand 31. Dezember 2016).

Blangen den Hauptsitt in Oosterholt-Scharmbeek hett de Volksbank ok noch Filialen in Basdaal, Bevern, Bremervöör, Eversdörp, Falkenbarg, Gnarrenborg, Grasbarg, Hambargen, Heesdörp, Heilshoorn, Hipst, Hönau-Lindörp, Leendaal, Ne’enkarken, Öölm, Oosterholt, Örel, Pennigbüttel un Wallhöben.

Historie

De hüdige Volksbank Oosterholt-Scharmbeek hett sik 2002 billt, as de dree Volksbanken Oosterholt-Scharmbeek, Bremervöör un Gnarrenborg dör Fusion tohoopgahn sünd.

Volksbank Oosterholt-Scharmbeek

De Spoor- un Lehnkass eGmbH in Scharmbeek is an’n 18. Mai 1906 von 45 Lüüd grünnt worrn. Se hett sik 1934 mit de Oosterholter Genossenschaftskass tohoopdaan. Bet 1999 is de Bank noch mit en Reeg annere Volksbanken ut de Region tohoopgahn un hett toletzt den Naam Volksbank Oosterholt-Scharmbeek dragen. 2002 hett sik de Volksbank Oosterholt-Scharmbeek mit de Volksbank Bremervöör un de Volksbank Gnarrenborg tohoopdaan un dormit dat hüdige Ünnernehmen billt.