Bevern (Bremervöör)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Bevern

Bevern
Laag vun Bevern in Düütschland
Basisdaten
Bundsland: Neddersassen
Landkreis: Rodenborg
Gemeen: Bremervöör
Flach: 21,16 km²
Inwahners: 1.219 (2015-01-3131. Januar 2015)
Inwahnerdicht: 57,6 Inwahners pro km²
Postleettall: 27432
Vörwahl: 04761
Geograafsche Laag:
Koordinaten:53° 27′ N, 9° 11′ O
53° 27′ N, 9° 11′ O
IsheimOostendörpMehdörpHönau-LindörpSprekensMinstPlönjeshusenÖölmNeer-OchenhusenBevernHeesdörpBremervöör
Laag von Bevern (Bremervöör) in de Gemeen Bremervöör (Koort lett sik anklicken)

Tegelee Paap in Bevern

Bevern is en Dörp in de Gemeen Bremervöör, in’n Landkreis Rodenborg, Neddersassen.

Geografie[ännern | Bornkood ännern]

De Naveröörd sünd Heesdörp in’n Noorden, Byhusen un Malst in’n Oosten, Plönjeshusen in’n Süüdoosten, Sandbossel in’n Süüdwesten, Minst un Sprekens in’n Westen un Bremervöör in’n Noordwesten.

De Oort Bokel, de dicht bi Bevern an dat Süüdöver von de Bever liggt, warrt vondaag mehrstendeels as Deel von Bevern ansehn.

Historie[ännern | Bornkood ännern]

Bevern kummt 986 in en Oorkunn von König Otto III. toeerst vör. De Naam kummt von de Bever, de dör Bevern un in Bremervöör in de Oost flütt. An den Beek hett dat fröher veel Bevers geven.

De Tegelee von Bevern kummt 1535 in de Oorkunnen toeerst vör un is vondaag as Histoorsche Tegelee Paap en Museum.

In’n Eersten Weltkrieg sünd 46 Soldaten ut Bevern fullen oder vermisst un in’n Tweten 76[1].

Bevern weer von’n 1. Januar 1971 bet 1974 Maat von de Samtgemeen Oostdaal un is an’n 1. März 1974 denn bi de Gemeenreform in Neddersassen mit de Gemeen Bremervöör tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[2] 33 Füürsteden
1848-00-001848[3] 414 Lüüd. 64 Hüüs
1910-12-011. Dezember 1910[4] 630
1925-00-001925[5] 696
1933-00-001933[5] 722
1939-00-001939[5] 741
2005-03-3131. März 2005 1.269
2009-12-3131. Dezember 2009[6] 1.229
2015-01-3131. Januar 2015[7] 1.219

Wapen[ännern | Bornkood ännern]

Dat Wapen wiest op grönen Grund en sülvern Bever, wat op den Naam von dat Dörp wiest.

Politik[ännern | Bornkood ännern]

Bevern hett binnen de Gemeen Bremervöör en egen Oortsraad mit söven Maten. Oortsbörgermeester is Mathias Betz.

Tied Oortsbörgermeester
-2011 Uwe Hildebrandt
2011- Mathias Betz

Religion[ännern | Bornkood ännern]

Bevern is evangeelsch-luthersch präägt un billt en egen Kaspel mit de Hillig-Krüüz-Kark, to dat ok Plönjeshusen un Mintenborg tohöört.

Toeerst hett dat Dörp to dat Kaspel von de Petrus-Kark in Mulsen höört. 1341 is de Kapell von Bevern denn to en Kark mit egen Pastoor worrn. Bevern weer ok en Wallfohrtsoord, an den Valerius verehrt worrn is.

In’n Dörtigjohrigen Krieg is Bevern in’n Oktober 1627 ansteken worrn un kumplett mit de gootsche Kark afbrennt. De Kark is denn 1642 wat lütter wedder opboot worrn.

1877 weer de Kark so slecht worrn, dat se ehr afbraken un en ne’e boot hebbt, de an’n 14. März 1880 inwieht worrn is. De Örgel hett Johann Hinrich Röver boot.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht bi de Kark.

In de Ümgegend is de Oort ok dör de Disko ta-töff bekannt.

Verenen[ännern | Bornkood ännern]

De Turn- un Sportvereen (TSV) Bevern is 1921 grünnt worrn. De höögste Speelklass, de de Footballers bi’n TSV betherto reckt hebbt, weer 2007/2008 de Bezirksoberliga Lümborg.

De Freewillige Füürwehr Bevern is Swoorpunktfüürwehr binnen de Gemeen Bremervöör.

Weertschop un Infrastruktur[ännern | Bornkood ännern]

De Volksbank Oosterholt-Scharmbeek hett in Bevern in de Krüüzstraat 8 en Filiaal.

Verkehr[ännern | Bornkood ännern]

Bevern liggt an de Bundsstraat 71, de in’n Noorden na Bremervöör un in’n Süden na Selsen löppt. Na Heesdörp geiht de Kreisstraat 107. Lüttjere Straten gifft dat ans na Sandbossel, Minst, Plönjeshusen un Malst.

Von 1908 bet 1968 weer Bevern en Bahnhoff an de Bahnlien von Bremervöör na Rodenborg.

Scholen[ännern | Bornkood ännern]

In Bevern hett dat bet 2014 de Grundschool Bevern geven mit veer Schoolmeesters un 59 Schölers (Stand 2010). Dat Schoolhuus is 1914 boot worrn. De Schölers gaht von dat Schooljohr 2014/2015 af an na de Grundschool Tingo.

Literatur[ännern | Bornkood ännern]

  • August Bachmann, Dr. Elfriede Bachmann: Bevern bei Bremervörde: geschichtlicher Überblick und Quellenveröffentlichung. Sülvsverlag Heimatbund Rodenborg, 1980

Weblenken[ännern | Bornkood ännern]

Commons-logo.svg Bevern (Bremervöör). Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. http://www.denkmalprojekt.org/dkm_deutschland/bremervoerde-bevern_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 55: http://books.google.de/books?id=tG0AAAAAcAAJ&pg=PA55
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  4. http://www.gemeindeverzeichnis.de/gem1900/gem1900.htm?hannover/bremervoerde.htm
  5. a b c http://www.verwaltungsgeschichte.de/bremervoerde.html
  6. Bremervörde und die Ortschaften, archiveert in dat Internet Archive
  7. Bremervörde und die Ortschaften