Basdaal

Vun Wikipedia
Wapen/Flagg Koort
Wapen unbekannt
Basdaal
Laag vun Basdaal in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Geestborn
Flach: 32,34 km²
Inwahners: 1456 (31. Dezember 2022)
Hööchd: 24 m över de See
Postleettall: 27432
Vörwahl: 04766
Geograafsche Laag:
Koordinaten:53° 27′ N, 9° 0′ O
53° 27′ N, 9° 0′ O
Grenzen bi OSM: 1079025 1079025
Gemeenslötel: 03 3 57 004
Öörd in de Gemeen: 3
Börgermeester: Ulrich Elend (SPD)
Websteed: www.basdahl.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Basdaal in’n Landkreis Rodenborg (Koort lett sik anklicken)

Basdaal (oder Basdohl) is en Oort un Gemeen in de Samtgemeen Geestborn in’n Landkreis Rodenborg (Wümm). In de Gemeen leeft 1456 Inwahners (Stand 31. Dezember 2022), de sik op de Oortsdelen Basdaal, Öös un Volkmarst verdeelt.

Geografie[ännern | Bornkood ännern]

Dat Gemeenrebeet vun Basdaal liggt in’n Noorden vun’n Landkreis un in’n Süüden vun de Samtgemeen. Na Noorden grenzt de Gemeen Hipst an un in’n Oosten de Gemeen Oerel. Na Süüden hen liggt de Eenheitsgemeen Gnarrenborg. Na Westen to liggt de Landkreis Cuxhoben mit sien Gemeen Karkwist.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Vun Basdaal is bekannt, dat dor vun’t 14. bit to’n 17. Johrhunnert in’n „Hollen Grund“ an’n Steengraven de Landdaag vun de Ridderschop, de Städer un de Geistlichkeit un’t Arzbisdom Bremen afhollen worrn sünd. För de Afkumst vun den Naam vun Basdahl gifft dat dree Theorien. To’n een künn dat afleidt wesen vun’t sass’sche Bosedahl, wat so vell heet as „Wahnsteed an’n breeden Daalgrund“, to’n annern künn Bas- ok Weiden- oder Linnenholt bedüden, un Basdaal as Linnendaal översett waarn, tomol Linnen in dat Rebeet goot wassen doot. De drüdde Mööglichkeit is en olle Legennen, wona to de Tiet, as de Völkerwannern insett hett, twee Resen losgahn sünd un de een en groden Steen mitnahmen hett. De anner meen, se wulln so weit gahn, as he den Steen drägen künn. Und as de eerste Rees em nich mehr drägen künn, segg de annere: „Den smiet em batz daal!“ En groden Steen liggt in de Neeg vun’t Breemsche Ridderhuus.

De Oortsdeel Oese is bekannt as de fröheee Sitt vun dat Adelsgeslecht vun Issendörp. In Oese steiht en olle Hoffanlaag mit Linnenallee un Watergravens, wat as Good Poggmöhlen bekannt is. Wat een sik ankieken schüll is aver vör allen de Patronatskark ut dat Johr 1577/78, de vun de Ridder Christoph vun Issendörp in Backsteen boet worrn is.

In de Feldmark vun Volkmarst hett dat ok in vörhistoorsche Tiet Mischen un Wahnsteden geven.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett fröher to dat Patrimonialgericht Öös höört, dat later in dat Gericht Beverst opgahn is. 1851 is ut dat Gericht Beverst dat Amt Beverst billt worrn. Aver al 1852 is Basdaal denn in dat Amt Bremervöör wesselt. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.

De Gemeen Öös is 1929 oplööst un Deel von de Gemeen Basdaal worrn. To’n 1. Oktober 1949 is Öös aver wedder en egenstännige Gemeen worrn.[1] Dat hett denn bet to’n 1. März 1974 duurt, bet mit de Gemeenreform in Neddersassen de Gemeen Öös wedder Deel von de Gemeen Basdaal worrn is.

Inwahnertall[ännern | Bornkood ännern]

Johr Inwahners
1793-00-001793[2] 30 Füürsteden
1812-00-001812[3] 199
1824-00-001824[4] 35 Füürsteden
1848-00-001848[5] 222 Lüüd, 40 Hüüs
1871-12-011. Dezember 1871[6] 290 Lüüd, 52 Hüüs
1910-12-011. Dezember 1910[7] 324
1925-00-001925[8] 368
1933-00-001933[8] 666
1939-00-001939[8] 675
1949-10-011. Oktober 1949[1] 749

Religion[ännern | Bornkood ännern]

Basdaal is evangeelsch-luthersch präägt un höört to dat Kaspel von de Christophorus-Kark in Öös. Vör 1891 hett de Oort noch to dat Kaspel von de Johannes-de-Döper-Kark in Karkwist höört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Basdaal besteiht ut ölven Lüüd. Siet de letzten Kommunalwahl in’n September 2011 sett de sik as folgt tohopen:

Partei 2016 2011 2006
CDU 2 3
SPD 7 6
Wählergemeenschop 11 2 2

Börgermeester[ännern | Bornkood ännern]

De Börgermeester vun de Gemeen is Ulrich Elend vun de SPD, sien Viez is Hans-Hermann Riggers vun de CDU, de tweet Viez is Heiko Wendte vun de SPD.

Wapen[ännern | Bornkood ännern]

Dat Wapen vun Basdaal hett de Form vun en Schild, dat hoochkant splitt is. Dat wiest vörn twee rode krüüzte Slötel op sülvern Grund. Achtern warrt en sülvern Swert mit golden Knauf op roden Grund wiest, wat dat Teken för de Gerichtsborkeit is.

Stadtpartnerschoppen[ännern | Bornkood ännern]

An’n 2. Oktober 1990 hett de Gemeen en Partnerschop slaten mit den Oort Beetzendörp in Sassen-Anholt.

Kultur[ännern | Bornkood ännern]

Schüttenhuus von de Schüttensellschop Basdaal in’n Oortsdeel Kluust

In de Gemeen Basdahl gifft dat en grode Tall vun Verenen, in de man sien Freetiet mit annere Lüüd tosamen gestalten kann. De Freewillige Füerwehr is in jeden Oortsdeel vertreden un blangento gifft dat ok noch en Jöögdfüerwehr. Hooch schreven warrt ok de Musik: Blangen de Füerwehrkapell, gifft dat in den Oortsdeel Öse en Karkenchor un en Posaunenchor. De Füerwehr hett bito noch en Speelmannstog.

Schüttenverenen oder -sellschoppen gifft dat ok in jeden Oortsdeel, dorto kummt en Rietvereen, de Sportvereen Basdaal-Volkmarst, de Motorradsportclub „Asphaltritter Basdahl“ un annere.

Weertschop un Infrastruktur[ännern | Bornkood ännern]

De Volksbank Oosterholt-Scharmbeek hett in Basdaal in de Bremervörer Straat 4 en Filiaal.

Verkehr[ännern | Bornkood ännern]

Dör de Gemeen verloopt de beiden Bundsstraten B 71 un B 74. De Oortsdeel Basdaal liggt an de B 71, ruchweg in de Mitt twüschen Beverst un Bremervöör. In’n Noorden vun Basdaal twiegt de B 74 af un verlööpt vun dor na Süüden in Richt Oosterholt-Scharmbeck.

Bito hett Basdaal ok en Bahnhoff, de vun de Gemeen as de wohrschienlich lüttste Bahnhoff vun Neddersassen betekent warrt. Bedeent warrt de regelmatig vun den Moorexpress.

Scholen[ännern | Bornkood ännern]

De Kinner ut Basdaal gaht na Grundschool op de Basdaler Hermann-von-Issendörp-School. Na de 4. Klass wesselt se för de Oberschool op de School Geestborn in Örel oder op dat Gymnasium Bremervöör.

Literatur[ännern | Bornkood ännern]

  • Martin Blanken, ‎Diedrich Hildebrandt: Basdahl mit Kluste, Oese, Poggemühlen und Volkmarst: die Geschichte der Dörfer, der Höfe und ihrer Familien. Volksbank Gnarrenborg, 1984

Footnoten[ännern | Bornkood ännern]

  1. a b Neues Archiv für Niedersachsen. Band 3, W. Dorn, 1949, Sied 871
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 17: https://books.google.de/books?id=jN5QAAAAcAAJ&pg=RA1-PA17
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103: http://books.google.de/books?id=Q 5OAAAAcAAJ&pg=PA103
  4. C. H. Jansen: Statistisches Handbuch des Königreichs Hannover. 1824, Sied 40: http://books.google.de/books?id=tG0AAAAAcAAJ&pg=RA1-PA40
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 148: http://books.google.de/books?id=eOI-AAAAcAAJ&pg=PA148
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144
  7. http://www.gemeindeverzeichnis.de/gem1900/gem1900.htm?hannover/bremervoerde.htm
  8. a b c http://www.verwaltungsgeschichte.de/bremervoerde.html

Weblenken[ännern | Bornkood ännern]

Basdaal. Mehr Biller, Videos oder Audiodateien to’t Thema gifft dat bi Wikimedia Commons.