Lengenbossel

Vun Wikipedia
Wapen/Flagg Koort
Wapen unbekannt
Lengenbossel
Laag vun Lengenbossel in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Zittens
Flach: 5,08 km²
Inwahners: 502 (31. Dezember 2022)
Hööchd: 39 m över de See
Postleettall: 27419
Vörwahl: 04282
Geograafsche Laag:
Koordinaten:53° 18′ N, 9° 31′ O
53° 18′ N, 9° 31′ O
Grenzen bi OSM: 1079018 1079018
Gemeenslötel: 03 3 57 034
Öörd in de Gemeen: 2
Börgermeester: Hermann Stemmann (WFB)
Websteed: www.sittensen.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Lengenbossel in’n Landkreis Rodenborg (Koort lett sik anklicken)

Lengenbossel is en Oort un Gemeen vun de Samtgemeen Zittens in’n Landkreis Rodenborg (Wümm) mit 502 Inwahners (Stand 31. Dezember 2022). To de Gemeen höört neven den Hööftoort sülvst ok noch dat Dörp Freetz.

Geografie[ännern | Bornkood ännern]

De Gemeen Lengenbossel grenzt in’n Süüden an Zittens an. Beid Dörper sünd ümgeven vun Wischen, Weiden un Feller un sünd dormit teemlich landweertschaplich prägt. In’n Noorden grenzt dat Vierdener Holt un de Thörenwoold an dat Rebeet. Dör de naturschöne Gegend föhrt utschillert Rad- un Wannerweeg. Inn Süden un Osten ward de Földmark dörch de Autobohn von de Dörpers Zittens un Tist afgrenzt. Dörch dat Rebeet fleht ook no de Ramm.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

In dat Gemeenrebeet gifft dat mehrere Funnen ut de Jungsteentiet as Heerdkuhlen oder Urnengrafffelder, de ut de Tiet vun ungefähr 2000 v. Chr. stammt. In jüngerer Tiet sünd in de Glimmertoonkuhl in Freetz eenige Skeletten vun fossil Walen ut dat Miozän funnen worrn.

De Oort Freetz is 1236 to’n eersten mol as tho dem Fredesloh nöömt worrn.

Üm 1500 ward Lengbossel dat ierste mohl erwähnt. De iersten bekannten Inwohners werrn Curt Ehlers und Johann Vyths in Johr 1581.

1729 wohnen in Lengenbossel Johann Brunkhorst, Jochim Mahnken und Stoffer Vieths.

1755 hett de Oort dree Hüüs und 24 Inwohners.

Bitt 1806 hett de Dörpers Lengenbossel, Freetz, Tist und Kalv een Schoolgemeenschaft hat. Een Winterhalfjohr wöer de School in Tist, dat anner in Kalv. 1806 wöer dat nu so, datt de Tister Burns een Wohnhus för jümehr Liehrer boun wült. De Kalver Burns wöert dormit ober nicht inverstohn. Ann End köm de Lengenbosselers no Tist un de Freetzers no Kalv no de School.

Twischen 1842 und 1858 is denn de Gemeenheetsdeelung und Verkoppelung erfolgt.

1934 is de Autobohn bout won, een groot Hinderniss för de Lengenbosseler Schoolkinner. Ut de domoligen Sicht wöer dat gliekdüer ween, ob Man nu bloots een Brück över de Autobohn bout harr oder gliek een gant nejes Schoolhus in Lengenbossel.

In de föftigerjohrs harr de Mürger Jochen Schultz ut Zittens vunn Burn Wilhelm Rathje „Stoffers Willi“ een Stück Land, Achter sien Koben kööpt, üm dor Sand und Kies to den Huusbou, aftoboun. Inn Loop vun de is ut dissen lütte Baggerlock een grooten Dieck worn.[1]

Inwohnertahlen[ännern | Bornkood ännern]

*dorto sind över eenhunnert Flüchtlings ut Oostdütschland mit inrekend.

1755 1801 1848 1871 1900 1925 1950 1973 1993
Inwohners 24 39 46 52 58 120 233* 211 210
Hüüs 3 7 9 9

Religion[ännern | Bornkood ännern]

Lengenbossel is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Lengenbossel sett sik ut söss Liddmaten tohopen. De Sitten sünd siet de letzten Kommunalwahl 2016 so verdeelt:

Partei 2016 2011 2006 2001
CDU 4 3 5 5
SPD 1 1 1 2
WFB 2 2
Parteilos 1 1

Rebeet[ännern | Bornkood ännern]

De hüütige Gemeen Lengenbossel besteiht siet 1974. To sünd de vörmols egenstännigen Gemenen Lengenbossel un Freetz in’n Rahmen vun de Gemenenreform tohopenleggt worrn. Freetz weer siet 1949 egenstänig wesen, nadem dat vörher (vun 1848 an) to Kalf höört harr. Die hüütige Gemeen is vun de Flach un vun de Inwahnertall her de lüttste in de Samtgemeen Zittens.

Wapen[ännern | Bornkood ännern]

Dat Wapenschild is blau un wiest över en goldenen ut Stroh flochten Immenkorf dree Immen. De bövere is vun den Korf afwennt, de beiden ünneren sünd to em henwennt.

De Ursprung von dat Wapen is mit de Imkeree begründet, de dat in Lengenbossel al siet dat 19. Johrhunnert geben Dää, nu ober ook al lang verschwunnen is.

Vereins[ännern | Bornkood ännern]

Friewillige Füerwehr[ännern | Bornkood ännern]

Sowohl in Freetz as ook in Lengbossel gifft dat jeweils een friewillige Füerwehr.

De friewillige Füerwehr von Lengenbossel is 1957 gründet worn un hett Tor Tied 34 aktiven Mitgleeders. Siet de dörtigerjohrs geevt dat mern in Ort een Schlaukturn, de nu aber worr all lang afrieden is. 1974 is een nejen Füerwehrhus bout worn. Inn Rohmen von Boo von dat Döerpsgemeenschaftshus 2008 is dor ook een Fohrtügbox för een groot Füerwehrauto mit an kummt.

De Brandmeister von Lengbossel is Klaus Roesch, de von Freetz Jörg Cöllen.

Kulturelles Leben[ännern | Bornkood ännern]

Döerpsfest[ännern | Bornkood ännern]

Meist inn August gifft dat een groot Döerpsfest biet Döerpsgemeenschaftshus mit Musik und Danz för jedeneen.

Füerwehrfest[ännern | Bornkood ännern]

Inn Sommer gifft dat een Füerwehrfest, dat von friewilligen Füerwehr Lengenbossel utdrogen ward. Dorbi gifft dat een Wettkampf twischen den Füerwehrns ut de Börd Zittens. An End ward no Deef Bit in de Nacht fiert.

Klönschnack[ännern | Bornkood ännern]

De Klönschnack is een in een Dröppunkt in een olen, ümbouten Schwienstall. Jeden Lengenbosseler kann dissen för lütte ode groote Fiern anmieten.

Wirtschaft[ännern | Bornkood ännern]

In de Gemeen Lengenbossel gifft dat een groot Industrierebeet. In dissen gifft dat vörallem Ünnenehmens ut de Metallverarbeitung, Ober ook annere Sooken.

Doröber hinut gifft dat in de Gemeen no dree landwirtschaftliche Bedreef, von de twee Melkveeh, in een Legehennens holen dein.

In Freetz gifft dat een Deerklinik, de Sick up Päär spezialisiert har.

Verkehr[ännern | Bornkood ännern]

De Oort Lengenbossel liggt direkt an de A 1 (Afsnidd HamborgBremen), wo man över de Anslussteed 47 Zittens gau ropföhren kann. Beid Dörper leegt dicht bi de L 130, de vun Zittens ut na Noorden in’n Landkreis Stood föhrt.

Footnoten[ännern | Bornkood ännern]

  1. Die Vergangenheit. In: Die Elemente der nächsten Zukunft der Medicin. DE GRUYTER, Berlin, Boston, ISBN 978-3-11-170842-3 (doi.org [afropen an’n 9. April 2020]).

Websteed[ännern | Bornkood ännern]