Bookholt (Landkreis Horborg)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 21244 | |
| Vörwahl: | 04181 | |
| Geograafsche Laag: | Koordinaten:53° 20′ N, 9° 53′ O53° 20′ N, 9° 53′ O | |
|
| ||
Bookholt (hoochdüütsch Buchholz) is en Stadt in de Gemeen Bookholt in’n Landkreis Horborg, Neddersassen.
Geografie
[ännern | Bornkood ännern]Bookholt liggt in de Hoge Heid an’n Oostrand von de Swarten Bargen, an’n Övergang von de Horbörger Bargen, wat de Noorddel von de Swarten Bargen is, na de Lohbargen, wat de Süüddeel is. In’n Süüdwesten von de Stadt liggt de Bruunsbarg. Dat Water ut Bookholt flütt över Steenbeek un Reindörper Beek na Süden hen na de Seev af.
De Naveröörd sünd Dangersen, Dibbersen un Vaans in’n Noorden, Eekel, Klecken, Nee-Eekel un Büüns in’n Noordoosten, Eekstüüv un Bendstörp in’n Oosten, Itzenbüttel, Jesborg, Oosterbarg un Reindörp in’n Süüdoosten, Seppens un Holm-Seppens in’n Süden, Sprötz un Trill in’n Süüdwesten, Meilsen, Dreest un Winzendörp in’n Westen un Mienenbüddel in’n Noordwesten. De Öörd Steenbeek in’n Noordwesten un Suurhoop in’n Süden sünd al meist mit Bookholt tohoopwussen.
Historie
[ännern | Bornkood ännern]Dat Dörp Bookholt kummt üm 1450 in dat Winsener Schatzregister as Bockholte toeerst in de Oorkunnen vör.
Ganz wichtig för Bookholt weer, as de Iesenbahn 1874 keem. Vörher weer de Oort noch en lütt Dörp. Mit’n Bahnhoff an de Bahnlienen Hamborg-Bremen un Wittenbarg-Bookholt is Bookholt gau wussen. De Bahnlien Bookholt-Soltau keem dor 1901 noch to.
An’n 15. Juli 1958 hett Bookholt de Stadtrechten kregen. To’n 1. Januar 1960 hett sik de Stadt denn op hoochdüütsch offiziell Buchholz in der Nordheide nöömt.
In’n Eersten Weltkrieg sünd 53 Soldaten[1] ut Bookholt fullen oder vermisst un in’n Tweten Weltkrieg 52.[2]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en gröttern Landkreis Horborg worrn.
De Stadt Bookholt hett sik an’n 1. Juli 1972 mit de Gemenen Dibbersen, Sprötz, Steenbeek, Trill, Seppens un Holm to de Gemeen Bookholt tohoopslaten. Ok Delen von de Gemenen Lüll (en Deel von Holm-Seppens) un Itzenbüttel (dat Dörp Reindörp) sünd mit an de ne’e Gemeen kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[3] | 15 Füürsteden |
| 1812[4] | 17 |
| 1824[5] | 22 Füürsteden |
| 1848[6] | 217 Lüüd, 28 Hüüs |
| 1885[7] | 671 |
| 1. Dezember 1910[8] | 1.434 |
| 1925[7] | 2.136 |
| 1933[7] | 2.679 |
| 1939[7] | 3.110 |
Religion
[ännern | Bornkood ännern]Bookholt is siet de Reformatschoon 1527 evangeelsch-luthersch präägt (vörher weer dat Deel von dat Bisdom Veern). De Stadt hett twee luthersche Karken. De Paulus-Kark is 1892 grünnt worrn un de Johannis-Kark 1967. Bevör Bookholt sien eerste egene Kark kregen hett, weer dat Deel von dat Kaspel von de Mauritius-Kark in Hittfeld.
För de Kathoolschen is de Petrus-Kark in de Lümbörger Straat tostännig, de 1937 boot worrn is.
De Gemeen von de Christuskark in de Bremer Straat höört to’n Bund Evangeelsch-Freekarkliche Gemenen un de Gemeen von de Fredenskark in de Soltauer Straat to’n Bund Freekarkliche Pingstgemenen. De Fredenskark is von 2005, de Gemeen gifft dat aver al siet 1952. De Christliche Versammlung Bookholt bedrifft en Gemeenhuus in de Suurhoper Straat. De neeapostoolsche Gemeen in de Middelstraat is 1932 grünnt worrn. Se höört to de Neeapostoolsche Kark in Noorddüütschland.
Gemeenvörstehers/Börgermeesters
[ännern | Bornkood ännern]| Tied | Naam | Partei |
|---|---|---|
| 1869–1873 | Hans-Heinrich Eggers | |
| 1873–1880 | Johann Heinrich Koch | |
| 1880–1885 | Hans-Heinrich Eggers | |
| 1885–1894 | (Peter?) Rehm | |
| 1894–1900 | Adolf Behrens | |
| 1900–1906 | P. H. Albers | |
| 1906–1919 | Adolf Behrens | |
| 1919–1921 | Wilhelm Meister | |
| 1921–1924 | Hermann Burgdorf | DVP |
| 1924–1928 | Otto Meyer | |
| 1928 | Hermann Soltau | |
| 1928–1933 | Oskar Dost | |
| 1933–1935 | Theodor Mahler | NSDAP |
| 1935–1945 | Rudolf Meyer | NSDAP |
| 1945–1946 | Otto Meyer | |
| 1946–1947 | Adolf Meyer | Unafhängig |
| 1947–1948 | Heinrich Fricken | SPD |
| 1948–1950 | Peter Cohrs | DP |
| 1950–1955 | Adolf Meyer | |
| 1955–1956 | Friedrich Diekmann | |
| 1956–1961 | Ludwig Kröger | UWG |
| 1961 | Wilhelm Prehn | FDP |
| 1961–1976 | Adolf Matthies |
Kultur
[ännern | Bornkood ännern]En Denkmaal för de Fullenen ut’n Eersten Weltkrieg steiht in Bookholt op’n Marktplatz un för de ut’n Tweten op’n Olen Karkhoff. Dat Denkmaal op’n Karkhoff is ok för 18 dode Dwangsarbeiders dor.
Verenen
[ännern | Bornkood ännern]Bookholt hett en egene freewillige Füürwehr, de an’n 10. Januar 1903 grünnt worrn is, un en Schüttenvereen von 1901.
Weertschop un Infrastruktur
[ännern | Bornkood ännern]Bookholt gellt as Middelzentrum för de Öörd in de Ümgegend.
Dat Krankenhuus Bookholt liggt in de Midd von Bookholt an’n Möhlenbarg.
De Footgängerzoon in Bookholt hett Enn August 1987 apenmaakt.[9] Dor höört Delen von de Straten Brede Straat, Adolfstraat un Thomasweg to.
Weertschop
[ännern | Bornkood ännern]De Volksbank Lümborger Heid hett en Filial in Bookholt. De Volksbank Bookholt hett von 1955 bet 2000 bestahn, is denn aver dör Fusionen in de Volksbank Lümborger Heid opgahn. De Spoorkass Horborg-Buxthu hett ok en Reeg Filialen in Bookholt.
Verkehr
[ännern | Bornkood ännern]An Bookholt langs löppt de Bundsstraat 75, de in’n Noordoosten över Ninndörp un Tötsen na Horborg geiht un in’n Süüdwesten över Töst un Scheeßl na Rodenborg. In’n Westen von Bookholt krüüzt de B 75 sik mit de B 3, de in’n Noorden över Ilsdörp an de B 73 ran löppt un in’n Süden över Sprötz un Will an Snevern langs na Soltau geiht.
In’n Süden geiht de Kreisstraat 28 na Holm-Seppens, in’n Oosten de K 54 na Bendstörp, in’n Süüdoosten de K 83 na Lüll un Jesborg un in’n Noordoosten de K 61 na Eekel.
De nächste Autobahn is de Autobahn 1. De Opfohrt 42 Bookholt-Dibbersen liggt so fiev Kilometer in’n Noorden von Bookholt. Dichtbi liggt ok dat Bookholter Krüüz. Dor drippt de A 1 op de A 261.
De Bahnhoff Bookholt liggt an de Bahnlienen Hamborg–Bremen un Bookholt–Soltau. Fröher leeg de Oort ok an de Bahnlien Wittenbarg–Bookholt, de aver na’n Tweten Weltkrieg nich mehr wieder bedreven worrn is. Von disse Bahnlien is blot noch dat Stück von Bookholt na Jesborg na, dat nu Deel von de Bahnlien na’n Rangeerbahnhoff Maschen is (Göderümgehungsbahn Hamborg).
De Bahnlien Bookholt–Harsfeld is von 1902 bet 1968 bedreven worrn.
Scholen
[ännern | Bornkood ännern]1855 is in de Brede Straat en School för 90 Schölers boot worrn.
Vondaag hett Bookholt söss Grundscholen, een Oberschool, twee Schoolzentren mit Gymnasium un Realschool), Beroopscholen, een Integreerte Gesamtschool un een Förderschool mit’n Swoorpunkt Lehren un een Kreisvolkshoogschool (KVH).
Freetied
[ännern | Bornkood ännern]Dat Bad Bookholt in’n Oosten von de Stadt warrt von de Stadtwarken Bookholt bedreven.
Literatur
[ännern | Bornkood ännern]- Walter Kludas: Buchholz. Gesicht und Geschichte eines Heide-Ortes. rutgeven von de Stadtverwaltung Bookholt, Bookholt 1981
- Diekhöner, Kreidner, Hoffmeister, Wiborg: Buchholz 1925–1945. Die verschwiegenen 20 Jahre. Buchholz 1986
- Werner Voß, Thekla Scharsig: Das Dorf Buchholz (in der Nordheide) im Spiegel alter Urkunden. Voß, Rosengarten-Sottorf 1997 (Sottorfer Hefte; 2)
- Buchholz in der Nordheide. Mit Texten von Martina Jürgens und Fotografien von Michael Zapf, Medien-Verlag Schubert, Hamburg 2004
- Buchholzer Schriften. rutgeven von’n Geschichts- un Museumsvereen Bookholt un Ümgegend e. V., PD-Verlag, Heidenau siet 2006
Footnoten
[ännern | Bornkood ännern]- ↑ http://www.denkmalprojekt.org/2009/buchholz_i_d_nordheide_wk1_ns.htm
- ↑ http://www.denkmalprojekt.org/dkm_deutschland/buchholz_nordheide_wk1u2_zwangsarbeiter_ns.htm
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 40: https://books.google.de/books?id=jN5QAAAAcAAJ&pg=RA1-PA40
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
- ↑ C. H. Jansen: Statistisches Handbuch des Königreichs Hannover. 1824, Sied 98: http://books.google.de/books?id=tG0AAAAAcAAJ&pg=PA98
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ a b c d http://www.verwaltungsgeschichte.de/harburg.html
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ http://www.abendblatt.de/hamburg/harburg/article925123/Buchholz-so-sah-es-einmal-aus.html