Trill

Vun Wikipedia
Zur Navigation springen Zur Suche springen
Wapen/Flagg Koort

Wapen vun Trill

Trill
Laag vun Trill in Düütschland
Basisdaten
Bundsland: Neddersassen
Landkreis: Horborg
Gemeen: Bookholt
Inwahners:
Hööchd: 51 m över NN
Postleettall: 21244
Vörwahl: 04186
Geograafsche Laag:
Koordinaten:53° 19′ N, 9° 48′ O
53° 19′ N, 9° 48′ O

Trill (hoochdüütsch Trelde) is en Dörp in de Gemeen Bookholt in’n Landkreis Horborg, Neddersassen. Binnen de Gemeen billt de Oort en egene polietsche Oortschop.

Bi Trill höört ok de lüttjeren Öörd Suurhoop un Triller Barg mit bi.

Geografie[ännern | Bornkood ännern]

Dat Water ut dat Rebeed flütt över Triller Beek un Sprötzer Beek na de Eest hen af.

De Naveröörd sünd Winzendörp un Klauenborg in’n Noorden, Triller Barg, Meilsen un Brumhagen in’n Noordoosten, Bookholt un Suurhoop in’n Oosten, Sprötz in’n Süüdoosten, Lohbargen in’n Süden, Kakenstörp in’n Süüdwesten un Boitschen un Dreest in’n Noordwesten.

Historie[ännern | Bornkood ännern]

Trill kummt 1105 as Trintla toeerst in de Oorkunnen vör.

In’n Eersten Weltkrieg sünd teihn Soldaten ut Trill fullen oder vermisst un in’n Tweten Weltkrieg 48.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Kakenstörp in’n Kanton Töst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Töst in’n Kanton Töst.

De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

De Oort hett fröher tohoop mit Kakenstörp, Dreest un Sprötz un de lüttjeren Öörd Brumhagen un Lohbargen en egen Gemeen billt. Later sünd Sprötz un Kakenstörp egenstännige Gemenen worrn. De Gemeen Trill is an’n 1. Juli 1972 mit de Gemeenreform in Neddersassen Deel von de Gemeen Bookholt worrn. Binnen de Gemeen billt Trill nu en Oortschop mit egen Oortsraad un Oortsbörgermeester.

Inwahnertall[ännern | Bornkood ännern]

Oort Trill:

Johr Inwahners
1791-00-001791[2] 3 Füürsteden
1812-00-001812[3] 87
1824-00-001824[4] 15 Füürsteden
1848-00-001848[5] 126 Lüüd. 21 Hüüs
1871-12-011. Dezember 1871[6] 171 Lüüd. 26 Hüüs

Gemeen Trill:

Johr Inwahners
1871-12-011. Dezember 1871[7] 626 Lüüd. 100 Hüüs
1885-12-011. Dezember 1885[8] 598 Lüüd. 100 Hüüs
1905-12-011. Dezember 1905[9] 581 Lüüd. 103 Hüüs
1910-12-011. Dezember 1910[10] 609
1925-00-001925[11] 337
1933-00-001933[11] 352
1939-00-001939[11] 350

Religion[ännern | Bornkood ännern]

Trill is evangeelsch-luthersch präägt un höört to dat Kaspel von de Krüüzkark in Sprötz. Düsse Kark is eerst in dat 20. Johrhunnert boot worrn. Vörher hett de Oort to dat Kaspel von de Andreas-Kark in Hullnst tohöört.

För de Kathoolschen is de St.-Petrus-Kark in Bookholt tostännig.

De Karkhoff Trill liggt an de Sandstraat.

Wapen[ännern | Bornkood ännern]

Dat Wapen von Trill wiest en veerdeelt Schild in rood un sülver un dor op en gollen Hartschild mit dree blaue Halen.

Oortsraad[ännern | Bornkood ännern]

Oortsraad
Johr \ Partei Tall CDU SPD FDP Gröne BL
2011 7 3 3 1
2016 7 2 1 1 1 2
Liddmaten
  • 2011:
    CDU: Stefan Fedderke, Gerhard Martens, Olav Otto
    SPD: Udo Blanck, Wolfgang Passig (dat drüdde Mandaat, dat de SPD wunnen hett, kunn nich besett warrn)
    FDP: Nicole Bracht-Bendt
  • 2016:
    CDU: Astrid Albers-Pestke, Gerhard Martens
    SPD: Wolfgang Passig
    FDP: Nicole Bracht-Bendt
    Gröne: Marcus Christ
    BL: Thomas Ruch, Imme-Janne Schoof

Oortsbörgermeesters[ännern | Bornkood ännern]

Tied Naam Partei
Gerhard Martens CDU

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht an de Triller Dörpstraat.

Verenen[ännern | Bornkood ännern]

De Schüttenvereen Trill un Ümgegend is 1921 grünnt worrn un de Sportvereen SV Trill-Kakenstörp 1950.

Weertschop un Infrastruktur[ännern | Bornkood ännern]

Trill hett en egene freewillige Füürwehr, de 1935 grünnt worrn is.

Verkehr[ännern | Bornkood ännern]

An Trill vörbi löppt de Bundsstraat 75, de in’n Noordoosten an Bookholt langs na Ninndörp geiht un in’n Süüdwesten över Kakenstörp un Töst na Scheeßl un Rodenborg. In Triller Barg krüüzt sik de B 75 un de B 3. De B 3 föhrt in’n Noorden över Mienenbüddel un Raad na Ilsdörp un Öbergünn un in’n Süden över Sprötz un Will op Snevern un Soltau to. Von de B 75 na Noordwesten geiht de Kreisstraat 40 na Dreest, Dierstörp un Hullnst.

De nächste Autobahn is de Autobahn 1 (Afsnidd HamborgBremen). De Opfohrt 44 Raad liggt so söven Kilometer in’n Noorden von Trill an de B 3.

De nächste Bahnhoff is so bi twee Kilometer wied weg in’n Süüdoosten de Bahnhoff Sprötz an de Bahnlien Hamborg–Bremen.

Scholen[ännern | Bornkood ännern]

De Kinner ut Trill gaht na de Grundschool Sprötz-Trill, de twee Standöörd in Sprötz un Trill hett. Bet to dat Schooljohr 2005/2006 weren de beiden Standöörd noch egenstännige Scholen.

Lüüd[ännern | Bornkood ännern]

De Politikerin Nicole Bracht-Bendt leevt in Trill un is dor ok in’n Oortsraad aktiv.

Literatur[ännern | Bornkood ännern]

  • Wilhelm Marquardt: 1105-1978: Bötersheim, Drestedt, Kakenstorff, Trelde: Chronik ehemaliger Gemeinden. 1979

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 230
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 604
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78
  10. Inwahnertallen op gemeindeverzeichnis.de
  11. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Trill. Mehr Biller, Videos oder Audiodateien to’t Thema gifft dat bi Wikimedia Commons.