Seppens

Vun Wikipedia
Zur Navigation springen Zur Suche springen
Wapen/Flagg Koort

Wapen vun Seppens

Seppens
Laag vun Seppens in Düütschland
Basisdaten
Bundsland: Neddersassen
Landkreis: Horborg
Gemeen: Bookholt
Inwahners:
Postleettall: 21244
Vörwahl: 04181
Geograafsche Laag:
Koordinaten:53° 18′ N, 9° 52′ O
53° 18′ N, 9° 52′ O

Seppenser Möhl in de Tied üm 1900

Seppens (hoochdüütsch Seppensen) is en Dörp in de Gemeen Bookholt in’n Landkreis Horborg, Neddersassen. Binnen de Gemeen höört de Oort to de polietsche Oortschop Holm-Seppens.

To Seppens höört ok de Seppenser Möhl.

Geografie[ännern | Bornkood ännern]

Seppens liggt an’n Noordoostrand von de Lohbargen un an’n Steenbeek, de von dor an denn ok Seppenser Beek heet. In’n Westen is dat Naturschuulrebeed Bruunsbarg.

De Naveröörd sünd Bookholt in’n Noorden, Reindörp un de Reindörper Oosterbarg in’n Noordoosten, Jesborg in’n Oosten, Wiedenhoff, Lüll, Weih un Thälsdörp in’n Süüdoosten, de Seppenser Möhl, Holm, Holm-Seppens un Wörm in’n Süden, Hökel un Lohbargen in’n Süüdwesten un Sprötz un Suurhoop in’n Noordwesten.

Historie[ännern | Bornkood ännern]

De Seppenser Möhl an’n Seppenser Beek kummt 1581 toeerst in de Oorkunnen vör.

As 1901 de Heidbahn anleggt worrn is, schullen de beiden Öörd Seppens un Holm blots een Bahnhoff kriegen un nich jeder een. Dorüm is de Bahnhoff op halven Weg twüschen de beiden Öörd anleggt worrn. Rund üm’n Bahnhoff sünd denn ne’e Hüüs boot worrn, de vondaag den separaten Oortsdeel Holm-Seppens billen doot.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Bookholt worrn. Binnen de Gemeen höört Seppens nu to de Oortschop Holm-Seppens.

Inwahnertall[ännern | Bornkood ännern]

Johr Inwahners
1793-00-001793[1] 5 Füürsteden
1812-00-001812[2] 94
1824-00-001824[3] 11 Füürsteden
1848-00-001848[4] 126 Lüüd. 15 Hüüs
1871-12-011. Dezember 1871[5] 204 Lüüd. 31 Hüüs
1910-12-011. Dezember 1910[6] 203
1925-00-001925[7] 264
1933-00-001933[7] 325
1939-00-001939[7] 403

Religion[ännern | Bornkood ännern]

Seppens is evangeelsch-luthersch präägt un höört siet 1977 to dat Kaspel von de Martin-Luther-Kark in Holm-Seppens. Vörher hett de Oort bet 1959 to dat Kaspel von de Martins-Kark in Jesborg tohöört un von 1959 bet 1977 to dat Kaspel von de Nikodemus-Kark in Handörp.

För de Kathoolschen is de St.-Petrus-Kark in Bookholt tostännig.

Wapen[ännern | Bornkood ännern]

Dat Wapen von Seppens wiest op blauen Grund en sülvern Rad, dor ünner dree sülvern Lienen un noch wedder dor ünner en sülvern Posthoorn.

Börgermeesters[ännern | Bornkood ännern]

  • 1948–1972: Richardt Heuer

Kultur[ännern | Bornkood ännern]

Museumsdörp Seppens[ännern | Bornkood ännern]

In de ole Dörpschool von Seppens, de 1880 boot worrn is, hett 1980 de Geschichts- un Museumsvereen Bookholt un Ümgegend en lütt Heimatmuseum apenmaakt. Bi de Dörpschool sünd mit de Tied denn ok dat Buurnhuus Sniers Hus ut Resbossel (1986), en Backhuus ut Kamp, en Dörfohrtschüün ut Otter, de Smeed ut Lürken (2013) un en Immentuun (2012) opboot worrn.

2012 hett dat Gelänn den Naam Museumsdörp Seppens kregen.

Weertschop un Infrastruktur[ännern | Bornkood ännern]

Bi Seppens liggt de Golfclub Bookholt.

För Seppens is de Freewillige Füürwehr Holm mit tostännig.

Verkehr[ännern | Bornkood ännern]

Dör Seppens löppt de Kreisstraat 28, de in’n Noorden na Bookholt geiht un in’n Süden dör Holm-Seppens na Holm un Inzmöhlen.

De nächste Autobahn is de Autobahn 1. De Opfohrt 42 Dibbersen liggt so acht Kilometer in’n Noorden von Seppens.

De nächste Bahnhoff is so bi twee Kilometer wied weg in’n Süden de Bahnhoff Holm-Seppens an de Heidbahn. De Bahnhoff Bookholt an de Bahnlien Hamborg–Bremen liggt dree Kilometer in’n Noorden.

Scholen[ännern | Bornkood ännern]

De Kinner gaht vondaag op de Möhlenschool Holm-Seppens na Grundschool.

Literatur[ännern | Bornkood ännern]

  • Geschichten und Bilder aus Holm, Seppensen und Holm-Seppensen. Geschichts- un Museumsvereen Bookholt un Ümgegend, 1991
  • Hans Leopold: Dorfschule Seppensen, der Weg von der Volksschule zum Museum 2018,132 S., ISBN 978-3-00-060882-7

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 210: https://books.google.de/books?id=jN5QAAAAcAAJ&pg=PA210
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  3. C. H. Jansen: Statistisches Handbuch des Königreichs Hannover. 1824, Sied 558: http://books.google.de/books?id=tG0AAAAAcAAJ&pg=PA558
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132
  6. http://www.gemeindeverzeichnis.de/gem1900/gem1900.htm?hannover/harburg.htm
  7. a b c http://www.verwaltungsgeschichte.de/harburg.html