Otter (Landkreis Horborg)

Vun Wikipedia
Wapen/Flagg Koort
Wapen unbekannt
Otter
Laag vun Otter in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Otter
Inwahners:
Postleettall: 21259
Vörwahl: 04182
Geograafsche Laag:
Koordinaten:53° 14′ N, 9° 44′ O
53° 14′ N, 9° 44′ O

Karte

De Dörpladen Schüünhoff in Otter

Otter (hoochdüütsch Otter) is en Dörp in de Gemeen Otter (Samtgemeen Töst) in’n Landkreis Horborg, Neddersassen.

De Öörd Riepshoff, Schillingsbossel un Knick höört polietsch al von öllers bi Otter mit bi. De Oort Wümmgrund liggt ok op oold Otterer Rebeed, is aver eerst in dat 20. Johrhunnert anleggt worrn.

Geografie[ännern | Bornkood ännern]

Otter liggt in de Lümbörger Heid. In’n Westen liggt de 101 Meter hoge Otterbarg. Dör den Oort flütt de Otterer Beek, de in’n Süden in’n Todtgraven münnt, de wedder en Stück wieder in de Wümm münnt. Dat Moor, wat in’n Süden an de Wümm liggt, is as Naturschuulrebeed Böver Wümmdaal schuult.

De Naveröörd sünd Schillingsbossel un Knick in’n Noorden, Hinkenbossel un Kamperlien in’n Noordoosten, Kamp in’n Oosten, Haßel, Lütt un Groot Todtshorn in’n Süüdoosten, Wessloh in’n Süden, Schiel, Host, Wümmgrund un Königsmoor in’n Süüdwesten, Dreehusen in’n Westen un Riepshoff, Depenbrook, Wist un Töst in’n Noordwesten.

Historie[ännern | Bornkood ännern]

Otter kummt 1319 as Otter toeerst in de Oorkunnen vör.

In’n Eersten Weltkrieg sünd 21 Soldaten ut Otter fullen oder vermisst un in’n Tweten Weltkrieg 51.[1]

Dat letzte Gasthuus in’t Dörp, de Gasthoff Gerlach, hett 2015 dichtmaakt.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 bi de Gemeenreform in Neddersassen mit de Gemeen Todtshorn tohoopgahn un Deel von de nu gröttere Gemeen Otter worrn.

Inwahnertall[ännern | Bornkood ännern]

Johr Inwahners
1793-00-001793[2] 22 Füürsteden
1812-00-001812[3] 241
1824-00-001824[4] 45 Füürsteden
1848-00-001848[5] 301 Lüüd, 54 Hüüs
1871-12-011. Dezember 1871[6] 316 Lüüd, 63 Hüüs
1910-12-011. Dezember 1910[7] 449
1925-00-001925[8] 514
1933-00-001933[8] 508
1939-00-001939[8] 521

Religion[ännern | Bornkood ännern]

Otter is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Otter an de Hauptstraat.

Verenen[ännern | Bornkood ännern]

De Schüttenvereen Otter is 1908 grünnt worrn.

Weertschop un Infrastruktur[ännern | Bornkood ännern]

Otter hett en egene freewillige Füürwehr.

In dat Dörp gifft dat keen Supermarkt. De eenzige Laden is de Dörpladen Schüünhoff.

Verkehr[ännern | Bornkood ännern]

Dör Otter löppt de Kreisstraat 41, de in’n Noorden an de Landsstraat 141 ran geiht un in’n Süüdwesten in Wümmgrund an de K 23 ran. De K 23 löppt in’n Westen dör Königsmoor na de Bundsstraat 75 un in’n Süüdoosten in’n Landkreis Heidkreis as K 31 över Host, Wessloh un Issell na Snevern. Na Kamp un dor an de L 141 geiht de K 66. De L 141 wedder geiht in Noordwesten na Töst an de B 75 un von dor wieder na Hullnst un in’n Süüdoosten na Will an de B 3. De B 3 löppt in’n Süden op Snevern un Soltau to. De B 75 geiht von Töst ut in’n Süüdwesten na Lauenbrüch, Scheeßl un Rodenborg un in’n Noordoosten an Bookholt langs na Ninndörp.

De nächste Autobahn is de Autobahn 1. De Opfohrt 46 Heidenau liggt knapp 15 Kilometer in’n Noordwesten von Otter an de K 15 un de Opfohrt 45 Hullnst knapp 15 Kilometer in’n Noorden an de L 141.

De nächste Bahnhoff is so bi veer Kilometer wied weg in’n Noorden de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Otter gaht na de Grundschool Otter op School. Nadem se mit de Grundschool trech sünd, gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Lüüd[ännern | Bornkood ännern]

De Singersche Florence Joy is in Otter opwussen. De Tontechniker, Musiker un Produzent Axel Ermes leevt in Otter.

Footnoten[ännern | Bornkood ännern]

  1. http://www.denkmalprojekt.org/dkm_deutschland/otter_ns.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 179: https://books.google.de/books?id=jN5QAAAAcAAJ&pg=PA179
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
  4. C. H. Jansen: Statistisches Handbuch des Königreichs Hannover. 1824, Sied 476: http://books.google.de/books?id=tG0AAAAAcAAJ&pg=PA476
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131
  7. http://www.gemeindeverzeichnis.de/gem1900/gem1900.htm?hannover/harburg.htm
  8. a b c http://www.verwaltungsgeschichte.de/harburg.html

Weblenken[ännern | Bornkood ännern]