Depenbrook

Vun Wikipedia
Zur Navigation springen Zur Suche springen
Wapen/Flagg Koort

Wapen vun Depenbrook

Depenbrook
Laag vun Depenbrook in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Töst
Inwahners:
Postleettall: 21255
Vörwahl: 04182
Geograafsche Laag:
Koordinaten:53° 15′ N, 9° 42′ O
53° 15′ N, 9° 42′ O

Depenbrook (hoochdüütsch Tiefenbruch) is en lütten Oort in de Gemeen Töst (Samtgemeen Töst) in’n Landkreis Horborg, Neddersassen.

Geografie[ännern | Bornkood ännern]

Depenbrook liggt direkt an de Oost.

De Naveröörd sünd Quellen in’n Noorden, Töst in’n Noordoosten, Schillingsbossel un Knick in’n Oosten, Otter un Wümmgrund in’n Süüdoosten, Riepshoff in’n Süden, Dreehusen in’n Süüdwesten, Töst-Land un Wümm in’n Westen un Wist in’n Noordwesten.

Historie[ännern | Bornkood ännern]

Depenbrook is de Naam von dat Moorland in’n Süden von Wist, dör dat de Oost flütt. Eerst 1953 is an’n Oostrand von dit Rebeed en Hoffsteed anleggt worrn, de denn den Naam Depenbrook kregen hett. Vondaag besteiht de Oort ut en Handvull Hüüs.

Verwaltungsgeschicht[ännern | Bornkood ännern]

De Oort is an’n 1. Juli 1972 as Deel von de Gemeen Töst mit de Gemeenreform in Neddersassen an de nu gröttere Gemeen Töst kamen.

Religion[ännern | Bornkood ännern]

Depenbrook is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Depenbrook föhrt Straten na Süüdoosten över Riepshoff na Otter oder över Schillingbossel na de Landsstraat 141 un na Noorden över Quellen na Wist oder Töst an de Bundsstraat 75 ran. De L 141 geiht in’n Noorden na Töst (mit Ansluss an de B 75) un Hullnst un in’n Süüdoosten bi Will an de Bundsstraat 3, de denn in Süden na Snevern un Soltau to löppt. Von Töst ut löppt de B 75 in’n Süüdwesten na Lauenbrüch, Scheeßl un Rodenborg un in’n Noordoosten över Kakenstörp an Bookholt langs na Ninndörp.

De nächste Autobahn is de Autobahn 1. De Opfohrt 46 Heidenau liggt so twölv Kilometer in’n Noordwesten von Depenbrook an de K 15.

De nächste Bahnhoff is so bi fiev Kilometer wied weg in’n Noordoosten de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Depenbrook gaht na de Grundschool Wist op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.