Riepshoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21259 | |
| Vörwahl: | 04182 | |
| Geograafsche Laag: | Koordinaten:53° 15′ N, 9° 42′ O53° 15′ N, 9° 42′ O | |
|
| ||
Riepshoff (hoochdüütsch Riepshof) is en Oort in de Gemeen Otter (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Otter mit bi.
Geografie[ännern | Bornkood ännern]
Riepshoff liggt twüschen de Oost in’n Noorden un de Wümm in’n Süden. In’n Süden liggt ok dat Naturschuulrebeed Böver Wümmdaal un in’n Süüdoosten de Otterbarg.
De Naveröörd sünd Quellen un Depenbrook in’n Noorden, Töst, Knick un Schillingsbossel in’n Noordoosten, Otter, Wümmgrund, Host un Schiel in’n Süüdoosten, Dreehusen un Königsmoor in’n Süüdwesten un Wümm, Töst-Land un Wist in’n Noordwesten.
Historie[ännern | Bornkood ännern]
Dat öllste Gebüüd in Riepshoff is de Schaapstall von 1779, de 1983/1984 an sien hüdige Steed versett worrn is. De Stall is de eenzige Stännerbahlenbo ut ole Tieden, de in’n Landkreis Horborg noch nableven is.
De Honnigspieker von 1688 is 1953 afboot un in dat Butenmuseum an’n Kiekbarg wedder opboot wornr.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
De Oort is as Deel von de Gemeen Otter an’n 1. Juli 1972 mit de Gemeenreform in Neddersassen an de nu gröttere Gemeen Otter kamen.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 2 Füürsteden |
| 1812[2] | 16 |
| 1824[3] | 2 Füürsteden |
| 1848[4] | 20 Lüüd, 3 Hüüs |
| 1. Dezember 1871[5] | 19 Lüüd, 3 Hüüs |
Religion[ännern | Bornkood ännern]
Riepshoff is evangeelsch-luthersch präägt un höört to dat Kaspel von de Johannes-de-Döper-Kark in Töst.
För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Von Riepshoff ut gifft dat lüttjere Straten na Wist in’n Noorden an de Bundsstraat 75, na Otter in’n Oosten an de Kreisstraat 41 un över Dreehusen na Königsmoor an de Kreisstraat 23. De B 75 geiht in’n Süüdwesten na Lauenbrüch, Scheeßl un Rodenborg un in’n Noordoosten över Kakenstörp na Bookholt. Över Otter besteiht Ansluss an de B 3, de so acht Kilometer in’n Oosten liggt un in’n Süden na Snevern un Soltau föhrt.
De nächste Autobahn is de Autobahn 1. De Opfohrt 46 Heidenau liggt so 13 Kilometer in’n Noordwesten von Riepshoff.
De nächste Bahnhoff is so bi fiev Kilometer wied weg in’n Noordoosten de Bahnhoff Töst an de Bahnlien Hamborg–Bremen.
Scholen[ännern | Bornkood ännern]
De Kinner ut Riepshoff gaht na de Grundschool Wist. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 192: https://books.google.de/books?id=jN5QAAAAcAAJ&pg=PA192
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
- ↑ C. H. Jansen: Statistisches Handbuch des Königreichs Hannover. 1824, Sied 510: http://books.google.de/books?id=tG0AAAAAcAAJ&pg=PA510
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131
