Töst-Land

Vun Wikipedia
Wapen/Flagg Koort
hett keen Wapen
Töst-Land
Laag vun Töst-Land in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Töst
Inwahners:
Postleettall: 21255
Vörwahl: 04182
Geograafsche Laag:
Koordinaten:53° 15′ N, 9° 39′ O
53° 15′ N, 9° 39′ O

Karte

Töst-Land (hoochdüütsch Tostedt-Land) is en Oort in de Gemeen Töst (Samtgemeen Töst) in’n Landkreis Horborg, Neddersassen.

Geografie[ännern | Bornkood ännern]

Töst-Land liggt twüschen de Oost in’n Noorden un de Wümm in’n Süden. In’n Süden liggt ok dat Naturschuulrebeed Böver Wümmdaal.

De Naveröörd sünd Wist in’n Noorden, Quellen, Depenbrook un Riepshoff in’n Oosten, Dreehusen in’n Süüdoosten, Königsmoor in’n Süden, Wümm in’n Westen un Eversdörpermoor un Veloh in’n Noordwesten.

Historie[ännern | Bornkood ännern]

Töst-Land is eerst in dat 20. Johrhunnert as Moorkolonie von Töst ut grünnt worrn. Dat enkelte Huus in’n Süüdwesten von Töst-Land hett dor al vörher stahn un höört ok vondaag noch to’n Oort Wümm in de Gemeen Wist. Dat Huus billt en Exklaav binnen dat Töster Rebeed.

Religion[ännern | Bornkood ännern]

Töst-Land is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De eenzige Straat ut Töst-Land weg löppt in’n Noorden twüschen Wümm un Wist an de Bundsstraat 75. De B 75 geiht in’n Süüdwesten na Lauenbrüch, Scheeßl un Rodenborg un in’n Noordoosten över Kakenstörp na Bookholt.

De nächste Autobahn is de Autobahn 1. De Opfohrt 46 Heidenau liggt so 14 Kilometer in’n Noorden von Töst-Land.

De nächste Bahnhoff is so bi söven Kilometer wied weg in’n Noordoosten de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Töst-Land gaht na de Grundschool Wist. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.