Veloh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21258 | |
| Vörwahl: | 04180 | |
| Geograafsche Laag: | Koordinaten:53° 17′ N, 9° 37′ O53° 17′ N, 9° 37′ O | |
|
| ||
Veloh (hoochdüütsch Vaerloh) is en Dörp in de Gemeen Heidenau (Samtgemeen Töst) in’n Landkreis Horborg, Neddersassen. De Oort höört al von öllers bi Evsdörp mit bi.
Geografie[ännern | Bornkood ännern]
En poor hunnert Meter af von Veloh in’n Süden flütt de Oost langs, in de in’n Westen de Au münnt. In’n Oosten liggt dat Naturschuulrebeed Groot Moor bi Wist.
De Naveröörd sünd Kallmoor un Barkenbüschen in’n Noorden, Evsdörp, Avens un Wüstenhöben in’n Noordoosten, Töst un Wist in’n Oosten, Töst-Land un Wümm in’n Süüdoosten, Borgzittens in’n Westen un Kalf un de Herwigshoff in’n Noordwesten.
Historie[ännern | Bornkood ännern]
Veloh hett von öllers her blots ut twee Hööv bestahn. Eerst in dat 20. Jorhunnert sünd dor noch twee Hööv an’n Rand von dat Grote Moor tokamen, von de een aver al op dat Rebeed von de Gemeen Töst liggt.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
Veloh hett von öllers to de Gemeen Evsdörp tohöört. 1929 hebbt sik Avens un Evsdörp tohoopslaten un de ne’e Gemeen Heidenau billt.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 2 Füürsteden |
| 1812[2] | 16 |
| 1824[3] | 2 Füürsteden |
| 1848[4] | 23 Lüüd, 2 Hüüs |
| 1. Dezember 1871[5] | 23 Lüüd, 2 Hüüs |
Religion[ännern | Bornkood ännern]
Veloh is evangeelsch-luthersch präägt un höört siet 1977 to dat Kaspel von de Maria-Magdalena-Kark in Evsdörp. Vörher hett de Oort to dat Kaspel von de Andreas-Kark in Hullnst tohöört.
För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Dör Veloh löppt de Landsstraat 142, de in’n Westen na Zittens un Zeven geiht un in’n Oosten na Wist an de Bundsstraat 75. De B 75 geiht denn wieder in’n Süüdwesten na Lauenbrüch, Scheeßl un Rodenborg un in’n Noordoosten över Töst un Kakenstörp na Bookholt. Lüttjere Straten gifft dat ans in’n Süden över Avensermoor na Wümm an de B 75 ran un in’n Noordoosten na Evsdörp.
De nächste Autobahn is de Autobahn 1. De Opfohrt 46 Heidenau liggt so söven Kilometer in’n Noorden von Veloh.
De nächste Bahnhoff is so bi negen Kilometer wied weg in’n Süüdoosten de Bahnhoff Töst an de Bahnlien Hamborg–Bremen. Fröher hett dat in Tiss ok en Bahnhoff an de Bahnlien Wilst–Töst geven. Dor hett dat von 1917 bet 1971 Personenverkehr geven. Disse Bahnhoff weer veer Kilometer in’n Westen.
Scholen[ännern | Bornkood ännern]
De Kinner ut Veloh gaht na de Grundschool Wist op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 233: https://books.google.de/books?id=jN5QAAAAcAAJ&pg=PA233
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
- ↑ C. H. Jansen: Statistisches Handbuch des Königreichs Hannover. 1824, Sied 614: http://books.google.de/books?id=tG0AAAAAcAAJ&pg=PA614
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131