Herwigshoff

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Herwigshoff
Laag vun Herwigshoff in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zittens
Gemeen: Tiss
Inwahners:
Postleettall: 27419
Vörwahl: 04282
Geograafsche Laag:
Koordinaten:53° 18′ N, 9° 36′ O
53° 18′ N, 9° 36′ O

De Herwigshoff (hoochdüütsch Herwigshof) is en Hoff in de Gemeen Tiss (Samtgemeen Zittens) in’n Landkreis Rodenborg, Neddersassen.

Geografie[ännern | Bornkood ännern]

In’n Süden von’n Herwigshoff münnt de Heidenauer Au in de Oost un in’n Noordwesten liggt dat Töhrenholt. De Hoff liggt twüschen de Naturschuulrebeden Groot Everstörper Moor in’n Noorden, Groot Moor bi Wist in’n Süüdoosten un Tister Buernmoor in’n Süüdwesten.

De Naveröörd sünd Kallmoor in’n Noorden, Evsdörp un Avens in’n Noordoosten, Wüstenhöben in’n Oosten, Wist un Veloh in’n Süüdoosten, Borgzittens in’n Süüdwesten, Kalf in’n Westen un Freetz un Ramshuus in’n Noordwesten.

Historie[ännern | Bornkood ännern]

De Herwigshoff is in dat 19. Johrhunnert as Vörwark von dat Good Borgzittens grünnt worrn.

In de Nacht op’n 5. Juni 2004 is en Brand utbraken in en Schüün op’n Herwigshoff. Dorbi hett dat en Schaden von en poor hunnertdusend Euro geven.[1]

Siet 2006 sitt de Vereen Music Community op’n Herwigshoff, de Musikers ünnerstütten deit. Sietdem hett dat dor ok en Reeg Musikfestivals geven, ünner annern dat Oakfield-Festival un dat Seifenblasen-Festival.

Verwaltungsgeschicht[ännern | Bornkood ännern]

De Hoff hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Oort is 1928 as Deel von’n Goodsbezirk Borgzittens an de Gemeen Tiss kamen.

Religion[ännern | Bornkood ännern]

De Herwigshoff is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Herwigshoff is över lüttjere Straten verbunnen mit de Landsstraat 142, de in’n Westen na Zittens un Zeven geiht un in’n Oosten in Wist bi Töst an de Bundsstraat 75 ran. In Borgzittens geiht de Kreisstraat 149 von de L 142 af na Kalf un Freetz an de L 130.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so söss Kilometer in’n Westen von’n Herwigshoff.

De nächste Bahnhoff is so bi 16 Kilometer wied weg in’n Süüdoosten de Bahnhoff Töst an de Bahnlien Hamborg–Bremen. Fröher harr de Hoff ok en egen lütten Bahnhoff an de Bahnlien Wilst–Töst. Personenverkehr hett dat dor von 1917 bet 1971 geven.

Footnoten[ännern | Bornkood ännern]

  1. Geschichte der Feuerwehr Tiste