Borgzittens

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Borgzittens
Laag vun Borgzittens in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zittens
Gemeen: Tiss
Inwahners:
Postleettall: 27419
Vörwahl: 04282
Geograafsche Laag:
Koordinaten:53° 17′ N, 9° 33′ O
53° 17′ N, 9° 33′ O

Borgzittens (hoochdüütsch Burgsittensen) is en Eddelgood un Oort in de Gemeen Tiss (Samtgemeen Zittens) in’n Landkreis Rodenborg, Neddersassen.

Geografie[ännern | Bornkood ännern]

Borgzittens liggt an de Oost, dicht bi de Steed, an de de Borgzittenser Beek un de Kalver Beek in de Oost münnen doot. In’n Süüdoosten doot de Naturschuulrebeden Tister Buernmoor un Ekelmoor liggen.

De Naveröörd sünd Kalf in’n Noorden, Herwigshoff in’n Noordoosten, Veloh in’n Oosten, Avensermoor un Everstörpermoor in’n Süüdoosten, Stemmen in’n Süden, Appel un Homersen in’n Süüdwesten, Zittens in’n Westen un Tiss in’n Noordwesten.

Historie[ännern | Bornkood ännern]

Dat Goodshuus is 1856 boot worrn. Den 10.000 m² groten Goodspark hett Franz Christian Schaumburg plaant.

Nadem Alexander von Schulte sien Besitt dörbrocht harr, hett 1880 de Kloosterkamer Hannover siene Länner köfft.

Bet 1933 weer Georg Weidenhöfer Pächter von dat Good Borgzittens. 1931 is de Moorbahn Borgzittens anleggt worrn, mit de bet 1999 Törf ut dat Moor transporteert worrn is.

In’n Eersten Weltkrieg sünd twee Soldaten ut Borgzittens fullen oder vermisst.[1]

Goodsherrn[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Borgzittens weer en Goodsbezirk un is 1928 Deel von de Gemeen Tiss worrn.

Inwahnertall[ännern | Bornkood ännern]

Johr Inwahners
1793-00-001793[2] 1 Füürsteed
1824-00-001824[3] 1 Füürsteed
1848-00-001848[4] 19 Lüüd. 2 Hüüs
1871-12-011. Dezember 1871[5] 43 Lüüd. 5 Hüüs
1910-12-011. Dezember 1910[6] 96

Religion[ännern | Bornkood ännern]

Borgzittens is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Zittens an de Kark.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Borgzittens löppt de Landsstraat 142, de in’n Westen na Zittens un Zeven geiht un in’n Oosten in Wist bi Töst an de Bundsstraat 75 ran. In’n Noorden geiht de Kreisstraat 149 von de L 142 af na Kalf un Freetz an de L 130.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so veer Kilometer in’n Noordwesten von Borgzittens.

De nächste Bahnhoff is so bi 13 Kilometer wied weg in’n Oosten de Bahnhoff Töst an de Bahnlien Hamborg–Bremen. Fröher hett dat in de Neegd ok en Bahnhoff an de Bahnlien Wilst–Töst geven. Dat weer een Kilometer in’n Noorden de Bahnhoff Tiss. Personenverkehr hett dat dor von 1917 bet 1971 geven.

Footnoten[ännern | Bornkood ännern]

  1. http://www.denkmalprojekt.org/dkm_deutschland/sittensen.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 212: https://books.google.de/books?id=jN5QAAAAcAAJ&pg=PA212
  3. C. H. Jansen: Statistisches Handbuch des Königreichs Hannover. 1824, Sied 104: http://books.google.de/books?id=tG0AAAAAcAAJ&pg=RA1-PA104
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172
  6. http://www.gemeindeverzeichnis.de/gem1900/gem1900.htm?hannover/XXOOLK.htm