Freetz

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Freetz
Laag vun Freetz in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zittens
Gemeen: Lengenbossel
Inwahners:
Postleettall: 27419
Vörwahl: 04282
Geograafsche Laag:
Koordinaten:53° 19′ N, 9° 32′ O
53° 19′ N, 9° 32′ O

Freetz (hoochdüütsch Freetz) is en Dörp in de Gemeen Lengenbossel (Samtgemeen Zittens) in’n Landkreis Rodenborg, Neddersassen.

Geografie[ännern | Bornkood ännern]

In’n Noordoosten von Freetz liggt dat Töhrenholt, wat en Deel von’n Forst Borgzittens is.

De Naveröörd sünd Woonst in’n Noorden, Ramshuus un Kallmoor in’n Noordoosten, de Herwigshoff un Kalf in’n Süüdoosten, Tiss in’n Süden, Zittens un Lengenbossel in’n Süüdwesten, Nüddel un Lütt Meckels in’n Westen un Vierden in’n Noordwesten.

Historie[ännern | Bornkood ännern]

Freetz kummt 1263 as tho dem Fredesloh toeerst in de Oorkunnen vör.

Von 1893 bet 1967 hett dat in Freetz en Tegelee geven, de ut Glimmertoon Tegels maakt hebbt. In de Toonkuhl sünd över de Tied ok mehrmaals ole Knaken von Waals ut dat Tertiär funnen worrn, ünner annern von Eurhinodelphis longirostris.[1]

In’n Eersten Weltkrieg sünd 14 Soldaten ut Freetz fullen oder vermisst.[2]

Verwaltungsgeschicht[ännern | Bornkood ännern]

Gedenksteen to de Tied as egenstännige Gemeen 1949 bet 1974

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Üm 1850 rüm hett de Oort en Gemeenverband mit Lengenbossel billt, later üm 1875 denn aver mit Kalf. To’n 1. Oktober 1949 is de Oort denn egenstännige Gemeen worrn.[3]

De Oort is an’n 1. März 1974 mit de Gemeenreform in Neddersassen an de Gemeen Lengenbossel kamen.

Inwahnertall[ännern | Bornkood ännern]

Johr Inwahners
1793-00-001793[4] 4 Füürsteden
1824-00-001824[5] 3 Füürsteden
1848-00-001848[6] 46 Lüüd. 10 Hüüs
1871-12-011. Dezember 1871[7] 38 Lüüd. 7 Hüüs
1949-10-011. Oktober 1949[3] 219

Religion[ännern | Bornkood ännern]

Freetz is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht in Zittens vör de Kark.

Weertschop un Infrastruktur[ännern | Bornkood ännern]

Freetz hett en egene freewillige Füürwehr.

Verkehr[ännern | Bornkood ännern]

Dör Freetz löppt de Kreisstraat 149, de in’n Süüdoosten na Kalf an de Landsstraat 142 geiht un in’n Westen an de L 130. De L 130 geiht in’n Noordoosten na Sounsiek, Obbens un Hornborg un in’n Süden na Zittens un Scheeßl. Na Vierden geiht von de L 130 na Noordwesten de K 134 af. De L 142 löppt in’n Oosten na Wist bi Töst an de Bundsstraat 75.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so dree Kilometer in’n Süüdwesten von Freetz.

De nächsten Bahnhööv sünd so bi 17 Kilometer wied weg in’n Süüdoosten de Bahnhoff Töst an de Bahnlien Hamborg–Bremen un in’n Noordoosten de Bahnhoff Obbens an de Bahnlien Bremerhoben–Buxthu. Fröher hett dat in de Neegd ok Bahnhööv an de Bahnlien Wilst–Töst geven. Dat weren veer Kilometer in’n Süüdwesten de Bahnhoff Zittens un veer Kilometer in’n Süüdoosten de Bahnhoff Tiss. Personenverkehr hett dat dor von 1917 bet 1971 geven.

Footnoten[ännern | Bornkood ännern]

  1. http://freetz.de/historisches_aus_freetz.html
  2. http://www.denkmalprojekt.org/dkm_deutschland/sittensen.htm
  3. a b Neues Archiv für Niedersachsen. Band 3, W. Dorn, 1949, Sied 871
  4. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 77: https://books.google.de/books?id=jN5QAAAAcAAJ&pg=RA1-PA77
  5. C. H. Jansen: Statistisches Handbuch des Königreichs Hannover. 1824, Sied 192: http://books.google.de/books?id=tG0AAAAAcAAJ&pg=PA192
  6. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170

Weblenken[ännern | Bornkood ännern]

Commons-logo.svg Freetz. Mehr Biller, Videos oder Audiodateien to’t Thema gifft dat bi Wikimedia Commons.