Lütt Meckels

Vun Wikipedia
Wapen/Flagg Koort
Wapen unbekannt
Lütt Meckels
Laag vun Lütt Meckels in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Zittens
Flach: 14,58 km²
Inwahners: 923 (31. Dezember 2022)
Hööchd: 33 m över de See
Postleettall: 27419
Vörwahl: 04282
Geograafsche Laag:
Koordinaten:53° 18′ N, 9° 27′ O
53° 18′ N, 9° 27′ O
Grenzen bi OSM: 1079026 1079026
Gemeenslötel: 03 3 57 032
Öörd in de Gemeen: 3
Börgermeester: Heiko Schmeichel (Börgerlist)
Websteed: www.klein-meckelsen.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Lütt Meckels in’n Landkreis Rodenborg (Koort lett sik anklicken)

Lütt Meckels (hoochdüütsch Klein Meckelsen) is en Oord un Gemeen in de Samtgemeen Zittens in’n Landkreis Rodenborg (Wümm) mit 923 Inwahners (Stand 31. Dezember 2022). Neven Lütt Meckels sülvst höört ok de Oordsdelen Maschhorst un Langenfelden to de Gemeen.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Lütt Meckels is 1388 to’n eersten mol as Lütken Meckelstede in en Oorkunn nöömt warrn, üm 1500 warrt vun 14 Hüüs un üm un bi 70 Inwahners bericht. Twüschen 1806 un 1814 is dat Rebeet üm Lütt Meckels vun de Franzosen besett. As Napoleon en Straat vun Bremen na Hamborg boen lett, warrt ok Lütt Meckelser to Hand- un Spanndeensten rantogen. Later, 1850, warrt de eerste plaasterte Straat in Lütt Meckels boot. To’n End vun’n Tweeten Weltkrieg – rund dree Weken för’t Kriegsend – is Lütt Meckels vun de Briten mit ungefäähr 100 Panzers besett worrn.

De Oord Lütt Meckels is al tweemol bi den Wettstriet „Unser Dorf soll schöner werden“ Bundssieger worrn. Dat weer in de Johren 1971 un 2001.

Religion[ännern | Bornkood ännern]

Lütt Meckels is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Lütt Meckels sett sik mit de Börgermeesterin ut 9 Lüüd tohopen. De letzte Kommunalwahl weer 2016:

Partei 2016 2011 2006 2001
CDU 5 6
SPD 2 2 4 3
Börgerlist 7 7

Börgermeesters[ännern | Bornkood ännern]

Tied Börgermeester Partei
1972-1981 Hinrich Fahjen
1981-1991 Johann Bahlburg
1991-2011 Ilse Ropers CDU
2011- Heiko Schmeichel Börgerlist

Wapen[ännern | Bornkood ännern]

Dat Wapen vun Lütt Meckels wiest en spleten Schild. De linke Siet is dör en sülvern, bülgigen Balken ’n beten schraag in root un gröön ünnerdeelt. Dat rode Feld baven nimmt twee Drüttel in un wiest ein golden Möhlenrad, dat in den sülvern Bülgenbalken induukt. De rechte Siet is sülvern un wiest op’n roden Toornkopp de gröne Spitz vun en Karktoorn mit en golden Wederflögel.

Verkehr[ännern | Bornkood ännern]

Lütt Meckels liggt an de K 123 de Ippens mit Groot Meckels verbinnt, un dor an de L 142 anslutt, de na Zittens föhrt. In Zittens gifft dat mit de Opfohrt 47 Zittens en Ansluss an de A 1 (Afsnidd HamborgBremen).

Kultur un Inrichten[ännern | Bornkood ännern]

Bildung[ännern | Bornkood ännern]

Lütt Meckels hett en Grundschool, de 1966 as Middelpunktschool inweiht weern, nadem in de Dörpsscholen in Groot un Lütt Meckels, Vierden un Ippens dicht maakt worrn sünd. As veer Johr later ok de School in Woonst slaten worrn is, weer denn Lütt Meckels to en Grundschool ümfunktschoneert. 1992 kreeg de School en nee’t Dack un is utwiet un moderniseert worrn. Ok an den Schoolhof is siet dem eeniges Maakt worrn. De School richt in’t Johr eenige Fiern ut un hett ok en Reeg an Arbeitsgemeenschoppen un Projekten för de Schölers praat, as t. B. en Theater-AG oder ok en plattdüütschen Leeswettstriet, de all twee Johren stattfinnt.