Stemmen (Neddersassen)

Vun Wikipedia
Wapen/Flagg Koort

Wapen vun Stemmen

Stemmen
Laag vun Stemmen in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Fintel
Flach: 24,63 km²
Inwahners: 824 (31. Dezember 2022)
Hööchd: 29 m över de See
Postleettall: 27389
Vörwahl: 04267
Geograafsche Laag:
Koordinaten:53° 13′ N, 9° 33′ O
53° 13′ N, 9° 33′ O
Grenzen bi OSM: 357987 357987
Gemeenslötel: 03 3 57 046
Öörd in de Gemeen: 5
Börgermeester: Reinhard Trau (WG)
Websteed: www.stemmen.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Stemmen (Neddersassen) in’n Landkreis Rodenborg (Koort lett sik anklicken)

Stemmen is en Oort un Gemeen in de Samtgemeen Fintel in’n Landkreis Rodenborg (Wümm) mit 824 Inwahners (Stand 31. Dezember 2022). De plattdüütsche Spraak is in Stemmen noch wiet verbreedt. Blangen den Kaarnoort Stemmen hört to de Gemeen noch de Oortsdelen Stemmerfeld, Rode Moor, Nedderveeh un Dreehusen.

Geografie[ännern | Bornkood ännern]

Stemmen liggt in’n Noordoosten vun de Samtgemeen mit de Navergemenen Helsch in’n Westen un Lauenbrüch na’n Süüden hen. In’n Noorden grenzt Stemmen an de Samtgemeen Zittens mit de Gemenen Tiss un Zittens. De Rest vun’t Rebeet grenzt an den Landkreis Horborg.

De Karnoort Stemmen is en Hopendörp ümgeven vun grote Ekenbööm. In’n Oosten löpt de Stroom Wümm dör de Feldmark vun de Gemeen, de to’n groten Deel ünner Naturschuul steiht un en moje Kulturlandschap mit wiete Moorflachen dorstellt. An’n bekannsten dorvun is woll dat Ekelmoor. An’n süüdlichen Rand liggt de hööchste Punkt vun de Feldmark mit 39 m. Na’n Oosten hen grenzt de Gemeen Stemmen direkt an de Lüünborger Heid an.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Dat eerste mol in en Oorkunnen nöömt worrn is Stemmen in’t 8. Johrhunnert. Butdem sünd in dat Rebeet enige archoloogsche Funnen maakt worrn, de dorop hendüüt, dat Stemmen en Historie hett, de teemlich wiet torüch recken deit.

Religion[ännern | Bornkood ännern]

Stemmen is evangeelsch-luthersch präägt un höört to dat Kaspel von de Martin-Luther-Kark in Lauenbrüch. De Kark is 1957 boot un 1970 egenstännig worrn. Vörher hett de Oort to dat Kaspel von de Lucas-Kark in Scheeßl tohöört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik[ännern | Bornkood ännern]

Gemeenraat[ännern | Bornkood ännern]

Siet de Kommunalwahl 2016 sett sik de Gemeenraat as folgt tosamen:

Partei 2016 2011 2006
SPD 3 3 2
WG 5 6 7
Gröne 1

Wapen[ännern | Bornkood ännern]

Dat Wapen vun Stemmen wiest en golden Wapenschild, dat vun en blau Bülgenband schraag vun links baven na rechts ünnen ünnerdeelt warrt. Dat Band steiht för de Wümm, de dör dat Gemeenrebeet fleet. De bövere Hälft wiest fief gröne Eckern as Teken för den Karnoort un de veer wieteren Oortdelen, de de Gemeen billt. De ünnere Hälft wiest en swarten Barkhahn, de bit in de 1960er Johren in de Moorrebeden ümto nestelt un dor leevt hebbt.

Kultur[ännern | Bornkood ännern]

Stemmen is bannig ländlich präägt un hett sik dissen Charakter ok bewohrt. De plattdüütsche Spraak warrt pleegt un ok de olen Hoffnaams. In de Gemeen gifft dat en Reeg Wekenennhüüs de to de Naherholen deent. De Gemeen ligt in en schööne Kulturlandschap, de to’n Wannern oder Radföhren inlaadt. In de letzten Johren sünd de dree Schaapställ, de dat in’n Süüden vun de Gemeen noch gifft, dör den Heimatvereen Stemmen wedder restaureert worrn nu stellt en histoorsch Goot dor.

Verkehr[ännern | Bornkood ännern]

De Gemeen Stemmen warrt vun de B 75 dörlopen, de Hamborg un Bremen mitenanner verbinnen deit. In’n Süden kummt man doröver na Scheeßl, in’n Noorden föhrt de B 75 na Wist in’n Landkreis Horborg. Över de K 212 kummt man na Lauenbrüch un wieter na Snevern. Över Helsch kummt man ok gau op de L 130, de wieter na Zittens föhrt. Dor gifft dat de Opfohrt 47 Zittens op de A 1 (Afsnidd HamborgBremen).