Landkreis Horborg
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Winsen | |
| Bundsland: | Neddersassen | |
| Flach: | 1.244,64 km² | |
| Inwahners: | 252.776 (31. Oktober 2019) | |
| Inwahnerdicht: | 203,1 Inwahners pro km² | |
| Geograafsche Laag: | 53° 19′ N, 9° 58′ O | |
| Grenzen bi OSM: | 2083497 
| |
| Kennteken: | WL | |
| Kreisslötel: | 03 3 53 | |
| Gemenen in’n Kreis: | 42 | |
| Landraad: | Rainer Rempe (CDU) | |
| Websteed: | www.landkreis-harburg.de | |
| NUTS-Code: | DE933 | |
 | ||
De Landkreis Horborg (hoochdüütsch Harburg) is en Landkreis in Neddersassen. He hett 252.776 Inwahners (Stand 31. Oktober 2019).
Geografie
[ännern | Bornkood ännern]De Landkreis Horborg liggt bi de Elv in’n Süüdoosten von dat Elv-Werser-Dreeeck.
In’n Noorden is de Stadt Hamborg. Na Noordoosten to grenzt de Kreis an’n Kreis Hertogdom Loonborg, in’n Süüdoosten an’n Landkreis Lümborg un in’n Süden an’n Landkreis Heidkreis. In’n Westen liggt de Landkreis Rodenborg un in’n Noordwesten de Landkreis Stood.
Historie
[ännern | Bornkood ännern]De Landkreis is 1932 grünnt worrn, as de Kreise Winsen un Horborg to en ne’en Kreis tohoopslaten worrn sünd. Mit dat Groot-Hamborg-Gesett hett sik de Kreis denn an’n 1. April 1937 temlich ännert. De Gemenen Finkwarder, Fischbeek, Francop, Good Moor, Karkwarder, Langenbeek, Marmsdörp, Neefeld, Neegraven, Neeland, Oolwarder, Rönnborg, Sinsdörp un de Oort Overhaken ut de Gemeen Over sünd dorbi von’n Kreis Horborg na Hamborg wesselt.
De eersten söven Johr hett dat Rebeed offiziell Kreis Horborg heten. Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Horborg op Landkreis Horborg ännert.
Mit dat Gesett över de Neegliederung von de Gemenen in’n Ruum Horborg[1] un dat Gesett över de Neegliederung von de Gemenen in’n Ruum Cuxhoben/Land Hadeln/Stood[2] (Gemeenreform in Neddersassen) sünd to’n 1. Juli 1972 en Reeg Gemenen in’n Landkreis to gröttere Gemenen tohoopleggt worrn. Ünner annern de Eenheitsgemenen Vosshusen, Rosengoorn un Seevdaal sünd dorbi billt worrn.
Aver ok de Butengrenzen von’n Landkreis hebbt sik ännert:
- De Gemeen Bövermeschacht ut’n Landkreis Lümborg is Deel von de Gemeen Meschacht worrn.
- De Gemenen Abendörp, Bütel un Tesp ut’n Landkreis Lümborg sünd to de Gemeen Tesp tohoopleggt worrn, de an’n Landkreis Horborg keem.
- De Gemenen Hoov un Moorenn sünd ut’n Landkreis Horborg na de Gemeen Jörk in’n Landkreis Stood wesselt.
- De Gemenen Doans, Eindörp, Imbeek, Ketzendörp und Öbergünn sünd ut’n Landkreis Horborg na de Gemeen Buxthu in’n Landkreis Stood wesselt. Welk enkelte Stücken Land güngen an de Gemeen Vosshusen.
Mit dat Gesett över de Neegliederung von de Gemenen in’n Ruum Lümborg[3] hebbt sik to’n 1. März 1974 de Butengrenzen noch wedder ännert:
- De Gemenen Handörp, Radbrouk un Wittörp sünd in’n Landkreis Lümborg wesselt.
- De Gemenen Raben, Rulfsen un Soosdörp sünd to de ne’e Gemeen Soosdörp tohoopleggt worrn, de an’n Landkreis Lümborg keem.
- De Gemeen Wetzen is Deel von de Gemeen Olndörp in’n Landkreis Lümborg worrn.
Wapen
[ännern | Bornkood ännern]Dat Wapen wiest op gollen Grund en blauen Lööw mit rode Tung un rode Klauen, de en sülvern Slötel in de Poten höllt un von twölf rode Harten ümgeven is. De Lööw kummt ut dat lümbörgsche Wapen.
Inwahnertallen
[ännern | Bornkood ännern]| Johr | Inwahners |
|---|---|
| 1933 | 78.499 |
| 1939 | 65.031 |
| 1946 | 116.488 |
| 1950 | 120.270 |
| 1960 | 113.200 |
| 1969 | 147.000 |
| 1980 | 184.400 |
| 1990 | 197.500 |
| 31. Dezember 2010 | 246.868 |
Politik
[ännern | Bornkood ännern]Kreisdag
[ännern | Bornkood ännern]In’n Kreisdag doot 62 Lüüd sitten.
| Johr | CDU | SPD | Gröne | Wählergemeenschop | Linke | FDP | Fre’e Wählers Seevedaal | enkelt Kannedaat (wählt för de Piratenpartei) |
|---|---|---|---|---|---|---|---|---|
| 9. September 2001 | 28 | 22 | 5 | 2 | - | 5 | - | - |
| 10. September 2006 | 27 | 18 | 6 | 3 | 1 | 6 | 1 | - |
| 11. September 2011 | 24 | 19 | 10 | 3 | 1 | 3 | 1 | 1 |
Landrääd
[ännern | Bornkood ännern]| Landraad | Partei | Tied |
|---|---|---|
| Heinrich Graf von Bernsdörp | DDP/DStP | 1932–1934 |
| Waldow Ritzler | NSDAP | 1934–1944 |
| nüms | 1944–1946 | |
| Alfred Strack | 1946 | |
| Wilhelm Bahlburg | DP | 1946–1949 |
| Philipp Helbach | SPD | 1949–1951 |
| Hermann Hartmann | DP | 1951–1952 |
| Karl Buchholz | DP | 1952 |
| Fritz Broistedt | DP | 1952–1956 |
| Otto Wilhelm Schneider | NLP/DP | 1956–1961 |
| Karl Buchholz | DP | 1961–1964 |
| Philipp Helbach | SPD | 1964–1968 |
| Otto Schäfer | CDU | 1968–1973 |
| Otto Gellersen | CDU | 1973–1996 |
| Jens-Rainer Ahrens | SPD | 1996–2001 |
| Norbert Böhlke | CDU | 2001–2003 |
| Axel Gedaschko | CDU | 12. Januar 2003–31. Januar 2006 |
| Joachim Bordt | FDP | 31. Januar 2006–14. September 2014 |
| Rainer Rempe | CDU | 15. September 2014– |
Böverkreisdirekters
[ännern | Bornkood ännern]| Naam | Tied |
|---|---|
| Alfred Strack | 1946–1947 |
| Hans-Joachim Olschock | 1948–1949 |
| Andreas Dehn | 1950–1978 |
| Hans-Joachim Röhrs | 1978–1994 |
| Hans-Bodo Hesemann | 1994–17. Juli 2002 |
Kultur
[ännern | Bornkood ännern]1954 hett de Landkreis en Patenschop för den Kreis Pillkalle in Oostprüßen övernahmen. Dat heet, dat de Landkreis sik insett för dat Wohren von de Kultur un Geschicht von de Lüüd, de na’n Tweten Weltkrieg ut’n Kreis Pillkalle flücht un verdreven worrn sünd un sik in de Kreisgemeenschop Schloßberg/Pillkalle tohoopslaten hebbt.
Städer un Gemenen
[ännern | Bornkood ännern]
Inwahners an’n 31. Dezember 2010.
- Bookholt, Stadt (38.735)
- Rosengoorn (13.477)
- Seevedaal (42.213)
- Stell (11.044)
- Vosshusen (20.846)
- Winsen, Stadt (34.247)
* Sitz der Samtgemeindeverwaltung
|
|
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör den Noorden von’n Landkreis Horborg löppt de Autobahn 1, de in’n Westen na Bremen geiht un in’n Noorden na Hamborg. In de Midd von’n Landkreis löppt von Süden von Hannover her de Autobahn 7 op Hamborg in’n Noorden to. Düsse beiden Autobahnen sünd dör de Autobahn 261 noch wedder verbunnen. Na Oosten hen löppt de Autobahn 39 an de Kreisstadt Winsen langs na Lümborg. De plaante Autobahn 26 raakt dat Kreisrebeed blots op en lütt Enn in’n Noordwesten. Dor geiht ok de Bundsstraat 73 langs. De B73 is bi Buxthu mit de Bundsstraat 3 verbunnen, de dör den Westen von’n Landkreis löppt un in’n Süden na Soltau föhrt. De Bundsstraat 75 löppt von de A 1 af na Rodenborg in’n Süüdwesten. Dör de Samtgemeen Elvmasch in’n Noordoosten von’n Landkreis löppt de Bundsstraat 404, de in’n Noorden över de Elv na Geesthacht geiht un in’n Süden an de A 39 anslütt.
De Landkreis Horborg is as Dreger tostännig för üm un bi 425 Kilometer Kreisstraten un 300 Kilometer Radweeg (Kreisstraten in’n Landkreis Horborg).
Polizei
[ännern | Bornkood ännern]De Landkreis Horborg billt binnen de Polizeidirekschoon Lümborg von de Polizei Neddersassen de Polizeiinspekschoon Horborg, de siet 2009 in Bookholt sitten deit. De Polizeiinspekschoon Horborg in Bookholt, dat Polizeikommissariat Winsen un dat Polizeikommissariat Seevdaal in Hittfeld sünd 24 Stünnen an’n Dag besett. De annern Polizeistatschonen hebbt blots in de Week to normale Warktieden apen. Polizeistatschonen gifft dat in: Jesborg, Töst, Hullnst, Ninndörp, Mäkelfeld, Vosshusen, Hanstää, Meschacht, Stell un Solzhusen.
Tosätzlich gifft dat noch dat Autobahnkommissariat Winsen, dat 24 Stünnen an’n Dag apen hett un för de Autobahnen 1, 7, 39 un 261 in’n Landkreis Horborg tostännig is.
De Noodrööp ünner de Telefonnummer 110 kaamt in de Insatzleidstell in Bookholt an un warrt von dor an de tostännigen Deenststellen wiedergeven.
Footnoten
[ännern | Bornkood ännern]- ↑ Gesetz zur Neugliederung der Gemeinden im Raum Harburg, 27. Juni 1972
- ↑ Gesetz zur Neugliederung der Gemeinden im Raum Cuxhaven/Land Hadeln/Stade, 27. Juni 1972
- ↑ Gesetz zur Neugliederung der Gemeinden im Raum Lüneburg, 28. Mai 1973
Ammerland | Auerk | Groafschup Bentem | Bronswiek | Celle | Chöttingen | Cloppenborg | Cuxhoben | Deefholt | Demost | Emden | Emsland | Freesland | Gifhorn | Goslär | Hameln-Purmunt | Region Hannober | Heidkreis | Helmstidde | Hilmessen | Holsminne | Horborg | Leer | Lüchow-Dannenbarg | Lümborg | Nienborg | Northeim | Ollnborg (Land) | Ollnborg (Stadt) | Oosterholt | Ossenbrügge (Land) | Ossenbrügge (Stadt) | Paane | Rodenborg (Wümm) | Schaumborg | Soltgitter | Stood | Uelzen | Vechte | Veern | Wersermarsch | Willemshaben | Wittmund | Wulfenbüttel | Wulfsborg