Wetzen

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wetzen

Wetzen
Laag vun Wetzen in Düütschland
Basisdaten
Bundsland: Neddersassen
Landkreis: Lümborg
Samtgemeen: Amelkusen
Gemeen: Olndörp
Inwahners: 338 (2003-03-011. März 2003)
Hööchd: 48 m över NN
Postleettall: 21385
Vörwahl: 04132
Geograafsche Laag:
Koordinaten:53° 10′ N, 10° 14′ O
53° 10′ N, 10° 14′ O

Wetzen (hoochdüütsch Wetzen) is en Dörp in de Gemeen Olndörp (Samtgemeen Amelkusen) in’n Landkreis Lümborg, Neddersassen.

Geografie[ännern | Bornkood ännern]

De Oort liggt in de Lümbörger Heid op dat rechte Över von de Luh.

De Naveröörd sünd Röndahl un Westergellsen in’n Noorden, Karkgellsen un Sugellsen in’n Noordoosten, Örzen un Emsen in’n Oosten, Drögennindörp in’n Süüdoosten, Marßen in’n Süden, Olndörp in’n Süüdwesten, Rulfsen un Raben in’n Westen un Puunsen in’n Noordwesten.

Historie[ännern | Bornkood ännern]

Grootsteengraff bi Wetzen

To de öllsten Funnen op dat Rebeed von dat Dörp höört de Grootsteengräver op’n Strietbarg.

Wetzen kummt 1192 toeerst in de Oorkunnen vör.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Heinsen in’n Kanton Bienbüddel höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Karkgellsen in’n Kanton Garlstörp.

De Oort hett vör 1852 to de Amtsvaagdie Amelkusen in dat Amt Winsen tohöört. Von 1852 bet 1859 hett de Oort to dat Amt Solzhusen höört un von 1859 bet 1885 wedder to dat Amt Winsen. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort weer fröher en egenstännige Gemeen. De Gemeen is an’n 1. Juli 1972 Maat von de Samtgemeen Solzhusen worrn. De Gemeen is aver al an’n 1. März 1974 mit de Gemeenreform in Neddersassen ut’n Landkreis Horborg in’n Landkreis Lümborg wesselt. De Gemeen is oplööst worrn un weer denn Deel von de Gemeen Olndörp. Se weer ok nich mehr Maat von de Samtgemeen Solzhusen. Se weer as Deel von de Gemeen Olndörp nu in de Samtgemeen Amelkusen.

Inwahnertall[ännern | Bornkood ännern]

Johr Inwahners
1791-00-00 1791[1] 9 Füürsteden
1824-00-00 1824[2] 10 Füürsteden
1848-00-00 1848[3] 155 Lüüd. 14 Hüüs
1871-12-011. Dezember 1871[4] 160 Lüüd. 18 Hüüs
1885-12-011. Dezember 1885[5] 168 Lüüd. 18 Hüüs
1905-12-011. Dezember 1905[6] 142 Lüüd. 16 Hüüs
1910-12-011. Dezember 1910[7] 161
1925-00-00 1925[8] 180
1933-00-00 1933[8] 167
1939-00-00 1939[8] 173

Religion[ännern | Bornkood ännern]

Wetzen is evangeelsch-luthersch präägt un höört to dat Kaspel von de Martin-Kark in Raben.

För de Kathoolschen is de Marien-Kark in Lümborg tostännig.

De Doden warrt op’n Karkhoff Wetzen begraven, de an de Straat An’n Olenbarg liggt. De Karkhoff is 1946 anleggt worrn. Vörher sünd de Lüüd bi de Kark in Raben begraven worrn. En Kapell hett de Karkhoff 1966 kregen.

Börgermeesters[ännern | Bornkood ännern]

  • 1852–1876: Peter Christoph Warner
  • 1876–1907: Heinrich Beeken
  • 1907–1934: Hermann Peter Blank
  • 1934–November 1944:Karl Krögers
  • November 1944–August 1945: Karl Schlüter sen. (vertredungswies för Krögers, de an de Front weer)
  • August 1945–1974: Karl Krögers

Kultur[ännern | Bornkood ännern]

In Wetzen steiht en Denkmaal för de Fullenen ut de twee Weltkrieg’.[9] Dat Denkmaal is 1952 anleggt worrn.

Verenen[ännern | Bornkood ännern]

De Schüttenvereen Wetzen un Ümgegend is 1934 grünnt worrn.

Weertschop un Infrastruktur[ännern | Bornkood ännern]

Wetzen hett en egene freewillige Füürwehr, de 1934 grünnt worrn is.

Verkehr[ännern | Bornkood ännern]

Dör Wetzen löppt de Kreisstraat 20, de in’n Noordoosten na de K 10 geiht un in’n Westen na de Landsstraat 234 un wieder na Raben. De K 10 föhrt in’n Noorden na Sugellsen un Karkgellsen un in’n Süüdoosten na Örzen an de Bundsstraat 209 un na Emsen un Melbeck. De L 234 löppt in’n Noorden över Puunsen, Solzhusen un Gastää na Winsen un in’n Süden över Olndörp un Amelkusen na Wriel. Von de K 20 in Wetzen geiht in’n Süüdoosten de K 23 af na Marßen un wieder na Drögennindörp an de B 209. En lüttjere Straat föhrt in’n Noorden ok noch na Röndahl.

De nächste Autobahn is de Autobahn 7 (Afsnidd HamborgHannover). De Opfohrten 41 Garlstörp (an de K 5) un 42 Ebendörp (an de L 212) doot all beid so 13 Kilometer in’n Westen von Wetzen liggen.

De nächste Bahnhoff is so bi 18 Kilometer wied weg in’n Noordoosten de Bahnhoff Lümborg an de Bahnlien Hamborg–Hannover. Von 1913 bet 1975 hett dat ok op de Bahnlien Lümborg–Soltau Personenverkehr geven. De Bahnhoff Drögennindörp leeg in disse Tied söss Kilometer in’n Süüdoosten.

Scholen[ännern | Bornkood ännern]

De Kinner ut Wetzen sünd vör 1709 gornich oder in Raben na School gahn. Twüschen 1709 un 1712 hett dat denn den eersten Schoolmeester in Wetzen geven. De School harr toeerst noch keen egen Schoolhuus un weer in en Hüßelhuus ünnerbrocht. Eerst 1822 is dat eerste Schoolhuus boot worrn. De Volksschool in Wetzen hett 1975 dichtmaakt. Sietdem gaht de Kinner op de Grundschool Soosdörp.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 248
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 660
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186
  7. Inwahnertallen op gemeindeverzeichnis.de
  8. 8,0 8,1 8,2 Inwahnertallen op verwaltungsgeschichte.de
  9. Onlineprojekt Gefallenendenkmäler

Weblenken[ännern | Bornkood ännern]

Commons-logo.svg Wetzen. Mehr Biller, Videos oder Audiodateien to’t Thema gifft dat bi Wikimedia Commons.