Röndahl
Dit Woort hett noch annere Bedüden: kiek dorför ünner Uno Röndahl.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21376 | |
| Vörwahl: | 04172 | |
| Geograafsche Laag: | Koordinaten:53° 12′ N, 10° 13′ O53° 12′ N, 10° 13′ O | |
|
| ||
Röndahl (hoochdüütsch Röndahl) is en lütten Oort in de Gemeen Solzhusen (Samtgemeen Solzhusen) in’n Landkreis Horborg, Neddersassen. De Oort höört polietsch al von öllers bu Puunsen mit bi.
Geografie
[ännern | Bornkood ännern]De Oort liggt in de Lümbörger Heid an’n Westrand von’n Gellser Anfang un en beten mehr as 500 Meter in’n Oosten von de Luh. En 418 Hektar groot Rebeed ümto is as Landschopsschuulrebeed Röndahl schuult.
De Naveröörd sünd Westergellsen un Karkgellsen in’n Noordoosten, Sugellsen in’n Oosten, Wetzen in’n Süüdoosten, Puunsen in’n Süüdwesten, Eyndörp in’n Westen un Solzhusen un Luhmöhlen in’n Noordwesten.
Historie
[ännern | Bornkood ännern]Röndahl kummt an’n 27. September 1124 as Reindale toeerst in de Oorkunnen vör, as Paapst Calixt II. den Besitt von dat Klooster Rastäe bestätigt.[1]
In’n Däänsch-Sweedschen Krieg von 1657/1658 sünd de Dänen in dat Rebeed infullen.[1] Dorbi is ok Röndahl utplünnert worrn. De Hoff leeg nu för 150 Johr wööst.[1]
An’n 8. September 1771 is de Hoff denn in en Arventinshoff ümwannelt worrn.[1]
Later hett de Hoff de Familie Reemtsma tohöört.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Karkgellsen in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Johren 1852 bet 1859 hett de Oort för en Tied to dat Amt Solzhusen höört. Na 1885 weer dat in’n Kreis Winsen un 1932 is dat Deel von’n Kreis Horborg worrn.
De Oort is an’n 1. Juli 1972 as Deel von de Gemeen Puunsen mit de Gemeenreform in Neddersassen an de Gemeen Solzhusen kamen.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 1 Füürsteed |
| 1824[3] | 1 Füürsteed |
| 1848[4] | 14 Lüüd, 1 Huus |
| 1. Dezember 1871[5] | 2 Lüüd, 1 Huus |
Religion
[ännern | Bornkood ännern]Röndahl is evangeelsch-luthersch präägt un höört to dat Kaspel von de Johannis-Kark in Solzhusen.
För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Röndahl löppt en lüttjere Straat na Puunsen an de Landsstraat 234, de in’n Noorden na Solzhusen un Winsen geiht un in’n Süden över Betzendörp na Amelkusen an de Bundsstraat 209 ran.
De nächste Autobahn is de Autobahn 7 (Afsnidd Hamborg–Hannover). De Opfohrt 41 Äästörp liggt so ölven Kilometer in’n Westen von Röndahl an de K 5.
De nächste Bahnhoff is so bi 19 Kilometer wied weg in’n Oosten de Bahnhoff Düütsch Äwern an de Bahnlien Hamborg–Hannover. Von 1906 bet 1970 hett dat in de Neegd in Eyndörp an de Bahnlien Winsen–Hützel ok en Bahnhoff mit Personenverkehr geven. De weer söss Kilometer wied weg in’n Westen.
Footnoten
[ännern | Bornkood ännern]- ↑ a b c d http://www.salzhausen.de/portal/seiten/roendahl-9000150-20190.html
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 193
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 514
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134