Kanton Garlstörp

Vun Wikipedia

De Kanton Garlstörp weer as Kanton en Verwaltungsrebeed in de Franzosentied (1810-1813). De Seet weer Garlstörp.

Historie[ännern | Bornkood ännern]

Dat Rebeed hett vörher to dat Förstendom Lümborg (Kurförstendom Hannover) höört un hett dor to dat Amt Winsen tohöört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Garlstörp een von de Kantons in’n Distrikt Horborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Garlstörp weer nu een von de acht Kantons, ut de de Distrikt Lümborg in dat Departement von de Elvmünnen tohoopsett weer.

1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 wedder dor.

De Kanton harr 6947 Inwahners[1] un weer indeelt in dree Mairien:

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 59