Kanton Soltau

De Kanton Soltau weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Soltau.

Historie

De Ümgegend von Soltau hett vör de Franzosentied to en Reeg verscheden Rebeden höört: de Amtsvaagdien Snevern un Neenkerken von dat Amt Rodenborg in dat Hartogdom Bremen un dat Amt Ebstörp, de Amtsvaagdien Fambossel un Bargen un de Amtsvaagdie Amelkusen von dat Amt Winsen in dat Förstendom Lümborg. Dat hett allens in dat Kurförstendom Hannover legen. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Kanton Soltau een von de teihn Kantons in’n Distrikt Horborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Soltau is opdeelt worrn op de Mairien Soltau un Neenkerken in’n Kanton Wasra (Distrikt Neenborg, Departement von de Wersermünnen) un de Mairie Lauenbrüch in’n Kanton Töst un de Mairie Behrn in’n Kanton Garlstörp (Distrikt Lümborg, Departement von de Elvmünnen).

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.

Mairien

De Kanton weer indeelt in 13 Mairien:

• Mairie Soltau: Soltau mit de Möhl, Böhmheid, Ahlften, Frielingen, Wiegen, Ellng, Falshoorn, Horn, Leitzen
• Mairie Münster: Munste, Ilster, Alwern, Heidkraug, Breloh, Töpen
• Mairie Bocken: Bocken, Ooster-Ehlbäck, Wester-Ehlbäck, Rehrhoff, Swimmbeck, Stimbeck, Grebenhoff, Hützel
• Mairie Bissen: Bissen, Steenkenhöben, Bossel, Behrn
• Mairie Wils: Wils, Sellhorn, Babenhabenbeck, Neernhabenbeck, Einem, Ehrhoorn, Wintemaur, Reinsählen, Baal, Issell
• Mairie Timmerloh: Timmerloh, Deimen, Harm, Dibbern, Hambossel, Heinhoff, Hoop, Stübeckshorn, Hötzen, Emmingen, Öön
• Mairie Willbaukel: Willbaukel, Mai, Brümmerhoff, Serei, Harwer, Abelbeck, Tiegenbrock, Bassel, Haebenbrauk, Penshoorn
• Mairie Teinderp: Teinderp, Weier, Loh, Marbossel, Messhuusen, Neehuus, Mittelstenderp, Weusthoff, Nodderp, Meinern, Grootenholt, Lüttenholt, Willern, Barmbrauk, Almhoff, Bockhofen
• Mairie Meinholt: Meinholt, Rergen, Halmen, Reinen, Witzendörp, Meyerhoff
• Mairie Snevern: Snevern, Hansahlen, Höpen, Zoarn, Meyerhoff, Vöden, Hasselhoff, Gallhorn, Stimbeck
• Mairie Woltern: Woltern, Reimen, Gröps, Hillen, Surbossel, Langwedel, Häbe, Schaal, Pietz, Möhr, Bockhäbe, Benninghöben, Tütsbarg
• Mairie Jillhorn: Jillhorn, Vahlzen, Langloh, Vorwark, Hämsen, Fraas, Wieckhost, Schüllern, Brookhoff, Sprengel, Königshoff, Liest
• Mairie Kempen: Kempen, Schworgen, Täwel, Grauen

Footnoten

Kantons in’n Distrikt Horborg (Königriek Westfalen, 1810–1811)

Horborg | Hittfeld | Winsen | Garlstörp | Soltau | Visselhöövd | Töst | Mesborg | Buxthu | Willemsborg