Vahlzen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Vahlzen
Laag vun Vahlzen in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners:
Postleettall: 29643
Vörwahl: 05195
Geograafsche Laag:
Koordinaten:53° 3′ N, 9° 46′ O
53° 3′ N, 9° 46′ O

Vahlzen (hoochdüütsch Vahlzen) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Sprengel.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över Jilberner Beek un Hahnenbeek na de Wiedau hen af. In’n Süüdoosten liggt dat Naturschuulrebeed Hünengräverheid bi Langloh.

De Naveröörd sünd Schüllernbrookhoff un Schüllern in’n Noorden, Wieckhost, Vorwark un Langloh in’n Noordoosten, Reimen un Wieheholt in’n Süüdoosten, Levern in’n Süden, Jilbern in’n Süüdwesten, Jillhorn in’n Westen un Sprengel un Königshoff in’n Noordwesten.

Historie[ännern | Bornkood ännern]

In de Neegd von Vahlzen weer an’n 28. Juni 1519 de Slacht bi Soltau, de as letzte grote Ridderslacht gellt.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Jillhorn in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort hett von öllers bi de Gemeen Sprengel mit bihöört, de an’n 1. März 1974 mit de Gemeenreform in Neddersassen Deel von de Gemeen Neenkerken worrn is. Sietdem is Vahlzen binnen de Gemeen Deel von de Oortschop Sprengel, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1812-00-001812[2] 52
1824-00-001824[3] 7 Füürsteden
1848-00-001848[4] 58 Lüüd. 8 Hüüs
1871-12-011. Dezember 1871[5] 61 Lüüd. 13 Hüüs
1885-12-011. Dezember 1885[6] 71 Lüüd. 14 Hüüs
1905-12-011. Dezember 1905[7] 68 Lüüd. 12 Hüüs

Religion[ännern | Bornkood ännern]

Vahlzen is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Weertschop un Infrastruktur[ännern | Bornkood ännern]

För Vahlzen is de freewillige Füürwehr Sprengel mit tostännig.

Verkehr[ännern | Bornkood ännern]

Dör Vahlzen löppt de Kreisstraat 26, de in’n Süüdwesten över Jillhorn na Delsen an de Landsstraat 171 ran geiht un in’n Noordoosten över Langloh na Hämsen. De K 26 warrt in Jillhorn von de K 23 krüüzt, de in’n Noorden na Sprengel an de L 171 geiht un in’n Süden na Jilbern an de Bundsstraat 71. De L 171 löppt in’n Noordoosten över Schüllern na Snevern un in’n Süüdwesten na Delsen bi Neenkerken an de B 71.

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so 15 Kilometer in’n Oosten von Vahlzen an de B 3.

De nächste Bahnhoff is so bi acht Kilometer wied weg in’n Süüdoosten de Bahnhoff Woltern an de Heidbahn.

Scholen[ännern | Bornkood ännern]

De Kinner ut Vahlzen gaht na de Grundschool Neenkerken.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 233
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 614
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154