Hämsen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hämsen
Laag vun Hämsen in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Inwahners:
Postleettall: 29640
Vörwahl: 05199
Geograafsche Laag:
Koordinaten:53° 4′ N, 9° 48′ O
53° 4′ N, 9° 48′ O

Hämsen (hoochdüütsch Hemsen) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Langloh.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt in’n Noorden över’n Dannhostgraven na de Veers hen af un in’n Süden över’n Rönnbeek na de Böhm. In’n Noordoosten liggt dat Pietzmoor, dat Deel von dat Naturschuulrebeed Lümbörger Heid is.

De Naveröörd sünd Snevern in’n Noorden, Fraas in’n Noordoosten, Häbe in’n Oosten, Surbossel in’n Süüdoosten, Gröps in’n Süden, Langloh un Vorwark in’n Süüdwesten un Schüllern, Wieckhost un Dannhost in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Jillhorn in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört un is in dat Johr denn in dat ne’e Amt Snevern wesselt. Dit Amt hett blots söven Johr bestahn. Von 1859 bet 1885 hett Hämsen to dat Amt Soltau höört. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Heidkreis heten deit.

De Oort hett von öllers bi de Gemeen Langloh bihöört, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Hämsen binnen de Gemeen to de Oortschop Langloh, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 50
1824-00-001824[3] 6 Füürsteden
1848-00-001848[4] 64 Lüüd. 9 Hüüs
1871-12-011. Dezember 1871[5] 77 Lüüd. 11 Hüüs
1885-12-011. Dezember 1885[6] 70 Lüüd. 11 Hüüs
1905-12-011. Dezember 1905[7] 74 Lüüd. 11 Hüüs

Religion[ännern | Bornkood ännern]

Hämsen is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Weertschop un Infrastruktur[ännern | Bornkood ännern]

För Hämsen is de freewillige Füürwehr Langloh tostännig, de ehr Sprüttenhuus aver in Hämsen hett.

Verkehr[ännern | Bornkood ännern]

Dör Hämsen löppt de Kreisstraat 33, de in’n Noordwesten na Snevern un Zoarn an de Landsstraten L 171 un L 170 ran geiht un in’n Süden över Gröps na Woltern an de K 24. De K 33 warrt krüüzt von de K 26, de in’n Oosten över Fraas na Häbe föhrt un in’n Süüdwesten över Langloh un Vahlzen na Jillhorn un Neenkerken.

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so twölv Kilometer in’n Oosten von Hämsen an de B 3.

De nächste Bahnhoff is so bi fiev Kilometer wied weg in’n Noorden de Bahnhoff Snevern an de Heidbahn. Fröher hett dat in Hämsen ok en lüttjen Bahnhoff an de Heidbahn geven, de 2010 aver dichtmaakt worrn is.

Scholen[ännern | Bornkood ännern]

De Kinner ut Hämsen gaht in Snevern op de Grundschool an’t Pietzmoor.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 104
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 268
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153