Woltern

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Woltern
Laag vun Woltern in Düütschland
Basisdaten
Bundsland: Neddersassen
Landkreis: Heidkreis
Gemeen: Soltau
Inwahners:
Postleettall: 29614
Vörwahl: 05191
Geograafsche Laag:
Koordinaten:53° 2′ N, 9° 50′ O
53° 2′ N, 9° 50′ O

Woltern (hoochdüütsch Wolterdingen) is en Dörp in de Gemeen Soltau in’n Landkreis Heidkreis, Neddersassen. Binnen de Gemeen Soltau billt Woltern en polietsche Oortschop.

To Woltern höört ok von öllers al de lütten Öörd Wieheholt un Huckenrieth mit to. Woltern sülvs besteiht ut dat ole Dörp Woltern un de Siedlung Woltern an’n Bahnhoff.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över de Böhm af. In’n Noorden liggt dat Naturschuulrebeed Böhmdaal bi Huckenrieth.

De Naveröörd sünd Surbossel un Huckenrieth in’n Noorden, Deimen, Hambossel, Heinhoff un Dibbern in’n Oosten, Öön in’n Süüdoosten, Ahlften in’n Süden, Wiegen in’n Süüdwesten, Ellgen un Levern in’n Westen un Wieheholt, Reimen un Gröps in’n Noordwesten.

Historie[ännern | Bornkood ännern]

Woltern kummt 1245 toeerst in de Oorkunnen vör, as de Kapell in Woltern grünnt worrn is.

Von 1934 af an hett bi dat Dörp dat Lager Woltern bestahn.

In’n Eersten Weltkrieg sünd 18 Soldaten ut Woltern fullen oder vermisst un in’n Tweten Weltkrieg 57.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Soltau in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Neenkerken (Ünnervaagdie Woltern) in dat Amt Rodenborg tohöört un denn von 1852 bet 1859 to dat Amt Snevern. Von 1859 bet 1885 weer dat in dat Amt Soltau un na 1885 in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Landkreis Heidkreis heet.

De Oort hett fröher en Buurschop billt un later en Gemeen. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Soltau worrn. Sietdem billt de Oort en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[2] 16 Füürsteden
1812-00-001812[3] 216
1848-00-001848[4] 273 Lüüd. 37 Hüüs
1871-12-011. Dezember 1871[5] 262 Lüüd. 46 Hüüs
1885-12-011. Dezember 1885[6] 248 Lüüd. 48 Hüüs
1905-12-011. Dezember 1905[7] 354 Lüüd. 56 Hüüs
1910-12-011. Dezember 1910[8] 368
1925-00-001925[9] 367
1933-00-001933[9] 387
1939-00-001939[9] 458

Religion[ännern | Bornkood ännern]

Kark in Woltern

Woltern is evangeelsch-luthersch präägt un billt mit de Hillig-Geist-Kark en egen Kaspel.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Oortsvörsteihers[ännern | Bornkood ännern]

  • –2011: Gunter Bostelmann
  • 2011–: Andreas Buhr

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Woltern dicht bi de Kark.

Verenen[ännern | Bornkood ännern]

De Schüttenvereen Woltern is 1905 grünnt worrn.

Weertschop un Infrastruktur[ännern | Bornkood ännern]

Woltern hett en egene freewillige Füürwehr.

De Heide-Park liggt twee Kilometer in’n Oosten von dat Dörp.

Verkehr[ännern | Bornkood ännern]

Dör Woltern löppt de Kreisstraat 24, de in’n Noordwesten na Reimen un Schüllern geiht un in’n Süüdoosten an de K 1 ran un von dor as K 9 wieder na Öön un Harbe. De K 1 weer bet 2014 noch Deel von de Bundsstraat 3. Se löppt in’n Noorden över Huckenrieth un Hillen na Häbe an de B 3 un in’n Süden över Ahlften na Soltau an de B 71. In Woltern twiegt von de K 24 na Westen de K 40 af, de över Wieheholt un Jilbern na Neenkerken geiht. Tosätzlich föhrt von Woltern in’n Noorden de K 33 över Gröps un Hämsen na Snevern.

De nächste Autobahn is de Autobahn 7 (Afsnidd HamborgHannover). De Opfohrt 44 Soltau-Oost liggt so negen Kilometer in’n Süüdoosten von Woltern an de B 71.

Woltern liggt mit’n Bahnhoff Woltern an de Heidbahn.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 257
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Woltern. Mehr Biller, Videos oder Audiodateien to’t Thema gifft dat bi Wikimedia Commons.