Neenkerken

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Neenkerken
Laag vun Neenkerken in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners: 2.661 (2014-12-1515. Dezember 2014)
Hööchd: 69 m över NHN
Postleettall: 29643
Vörwahl: 05195
Geograafsche Laag:
Koordinaten:53° 2′ N, 9° 43′ O
53° 2′ N, 9° 43′ O

Schröershoff in Neenkerken

Neenkerken (hoochdüütsch Neuenkirchen) is de Hauptoort von de Gemeen Neenkerken in’n Landkreis Heidkreis, Neddersassen. Binnen de Gemeen billt dat Dörp en egen polietsche Oortschop.

Bi Neenkerken höört ok de lüttjen Öörd Holtmannshoff un Hertel mit bi.

Geografie[ännern | Bornkood ännern]

De Oort liggt in de Lümbörger Heid op dat linke Över von’n Hahnenbeek.

De Naveröörd sünd Schworgen un Delsen in’n Noorden, Jilbern in’n Noordoosten, Limbeek un Levern in’n Oosten, de Scheperhoff, Wiegen, Falshoorn un Leitzen in’n Süüdoosten, Frielingen un Eitze in’n Süden, Holtmannshoff, Behningen un Drögenbossel in’n Süüdwesten, Hertel, Rutenmöhl un Hartböhn in’n Westen un Platenkamp, Täwel un Brochdörp in’n Noordwesten.

Historie[ännern | Bornkood ännern]

Gebüüd an de Hauptstraat in Neenkerken

De Oort kummt 1283 as Vrybann Nienkerken toeerst in de Oorkunnen vör.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Neenkerken in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort weer fröher en egenstännige Buurschop un Gemeen, de an’n 1. März 1974 mit de Gemeenreform in Neddersassen Deel von de vergrötterte Gemeen Neenkerken worrn is. Sietdem billt Neenkerken binnen de Gemeen en Oortschop mit egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[1] 41 Füürsteden
1812-00-001812[2] 413
1824-00-001824[3] 66 Füürsteden
1848-00-001848[4] 456 Lüüd. 68 Hüüs
1871-12-011. Dezember 1871[5] 444 Lüüd. 82 Hüüs
1885-12-011. Dezember 1885[6] 424 Lüüd. 78 Hüüs
1905-12-011. Dezember 1905[7] 621 Lüüd. 108 Hüüs
1910-12-011. Dezember 1910[8] 706
1925-00-001925[9] 727
1933-00-001933[9] 781
1939-00-001939[9] 996

Religion[ännern | Bornkood ännern]

Bartholomäus-Kark

Neenkerken is evangeelsch-luthersch präägt un billt mit de Bartholomäus-Kark en egen Kaspel.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

De Karkhoff Neenkerken liggt in de Straat Op’n Hoorn an’n Oostrand von’n Oort.

Oortsraad[ännern | Bornkood ännern]

Oortsraad
Johr \ Partei Tall CDU SPD BU FDP
2011 7 3 2 1 1
2016 7 4 3
Liddmaten
  • 2011:
    CDU: Birte Delventhal, Friedrich Lange jun., Thomas Stöckmann
    SPD: Jörg Kremser, Lars Strehse
    BU: Wilfried Ehlers
    FDP: Wilhelm Lindenberg
  • 2016:
    CDU: Jörg Andermann, Torben Baden, Sandra Schröder, Thomas Stöckmann
    SPD: Jörg Kremser, Irina Nagorni, Oliver Schinschick

Oortsbörgermeesters[ännern | Bornkood ännern]

Tied Naam Partei
–31. Oktober 2011 Hans-Dieter Platkowski CDU
1. November 2011– Thomas Stöckmann CDU

Kultur[ännern | Bornkood ännern]

Kriegerdenkmaal in Neenkerken

Siet 1992 gifft dat en Kartuffelfest in Neenkerken.

Dat Freebad Neenkerken liggt an’n Hahnenbeek an de Grenz twüschen Delsen un Neenkerken.

Op’n Scheperhoff gifft dat en Butenmuseum.

Op en Deelafsnidd von de fröhere Bahnlien Soltau-Neenkerken warrt siet 2014 en Draisinenbahn bedreven.

Siet 1977 gifft dat de Kunst-Landschop Springhoornhoff mit en ganze Reeg Kunstwarken in Neenkerken un in de Dörper ümto.

In Neenkerken gifft dat en Denkmaal för de Fullenen ut’n Düütschen Krieg un ut’n Krieg von 1870/1871.

Verenen[ännern | Bornkood ännern]

Dat Schüttencorps Neenkerken is 1844 grünnt worrn un de Sportvereen TSV Neenkerken 1921. För de regionale Geschicht sett sik de Stichter Heimaatvereen in.

Weertschop un Infrastruktur[ännern | Bornkood ännern]

Neenkerken hett en egene freewillige Füürwehr, de 1913 grünnt worrn is.

Dat Dörp gellt as Luftkuuroort.

Neenkerken hett twee Gewarvrebeden. Een an de Siemenstraat (an de L 171 na Drögenbossel) un dat annere an de Robert-Koch-Straat twüschen Delsen un Brochdörp (an de B 71).

Verkehr[ännern | Bornkood ännern]

Dör Neenkerken löppt de Bundsstraat 71, de in’n Noordwesten över Delsen, Brochdörp, Täwel, Söhlingen, Hemslingen un Brookel na Rodenborg geiht un in’n Süüdoosten över Levern un Wiegen na Soltau. De B 71 warrt krüüzt von de Landsstraat 171, de in’n Noordoosten över Sprengel un Schüllern na Snevern föhrt un in’n Süüdwesten över Drögenbossel na Hiddingen un Visselhöövd. In’n Süüdwesten löppt de Kreisstraat 18 na Behningen un in’n Süden de K 17 över Frielingen na Bommessen an de B 440. In’n Oosten föhrt de K 40 över Jilbern un Wieheholt na Woltern.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 16 Kilometer in’n Süüdoosten von Neenkerken an de B 3.

De nächste Bahnhoff is so bi teihn Kilometer wied weg in’n Oosten de Bahnhoff Woltern an de Heidbahn. De Bahnhööv Visselhöövd un Soltau sünd ölven Kilometer wied weg un doot an de Bahnlien Langwedel–Ülzen liggen.

Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken leeg in düsse Tied an de Noordoostkant von Neenkerken.

Scholen[ännern | Bornkood ännern]

De Kinner ut Neenkerken gaht na de Grundschool Neenkerken un later na de Oberschool Neenkerken.

Lüüd[ännern | Bornkood ännern]

De Künstler Hawoli arbeidt op’n Springhoornhoff in Neenkerken.

Literatur[ännern | Bornkood ännern]

  • Neuenkirchen 1283–1983. Beiträge zur älteren Geschichte eines Kirchspiels im ehemaligen Stift und Herzogtum Verden. Sülvsverlag von de Gemeen Neenkerken, Neenkerken 1983

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 162
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 432
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de