Brochdörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Brochdörp
Laag vun Brochdörp in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners: 294 (2014-12-1515. Dezember 2014)
Postleettall: 29643
Vörwahl: 05195
Geograafsche Laag:
Koordinaten:53° 3′ N, 9° 41′ O
53° 3′ N, 9° 41′ O

Brochdörp (hoochdüütsch Brochdorf) is en Dörp in de Gemeen Neenkerken in’n Landkreis Heidkreis, Neddersassen. Binnen de Gemeen billt de Oort en egen polietsche Oortschop.

Bi de Oortschop Brochdörp höört ok de lüttjen Öörd Hartböhn un Rutenmöhl mit bi.

Geografie[ännern | Bornkood ännern]

Dörpstraat in Brochdörp

De Oort liggt in de Lümbörger Heid. Dat Water ut dat Rebeed flütt över lüttjere Waterlööp na’n Mehlandsbeek un de Wiedau hen af.

De Naveröörd sünd Siek in’n Noorden, Schworgen un Kempen in’n Noordoosten, Delsen un Neenkerken in’n Süüdoosten, Hertel un Drögenbossel in’n Süüdwesten, Rutenmöhl un Hartböhn in’n Westen un Täwel in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Brochdörp in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort weer fröher en egenstännige Gemeen, de an’n 1. März 1974 mit de Gemeenreform in Neddersassen Deel von de Gemeen Neenkerken worrn is. Sietdem billt Brochdörp binnen de Gemeen en Oortschop mit egen Oortsraad un Oortsbörgermeester.

Inwahnertall[ännern | Bornkood ännern]

Oort:

Johr Inwahners
1791-00-001791[1] 17 Füürsteden
1812-00-001812[2] 189
1824-00-001824[3] 33 Füürsteden
1848-00-001848[4] 275 Lüüd. 45 Hüüs
1871-12-011. Dezember 1871[5] 260 Lüüd. 52 Hüüs
1885-12-011. Dezember 1885[6] 229 Lüüd. 50 Hüüs
1905-12-011. Dezember 1905[7] 232 Lüüd. 46 Hüüs

Gemeen:

Johr Inwahners
1848-00-001848[8] 292 Lüüd. 47 Hüüs
1871-12-011. Dezember 1871[9] 284 Lüüd. 54 Hüüs
1885-12-011. Dezember 1885[10] 251 Lüüd. 53 Hüüs
1905-12-011. Dezember 1905[11] 260 Lüüd. 49 Hüüs
1910-12-011. Dezember 1910[12] 254
1925-00-001925[13] 268
1933-00-001933[13] 256
1939-00-001939[13] 265

Religion[ännern | Bornkood ännern]

Brochdörp is evangeelsch-luthersch präägt un höört to dat Kaspel von de Bartholomäus-Kark in Neenkerken.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Oortsraad[ännern | Bornkood ännern]

Oortsraad
Johr \ Partei Tall WG
2011 5 5
2016 5 5
Liddmaten
  • 2011: Rolf Baden, Jörg Delventhal, Friedel Freytag, Herwig Hagen, Dörthe Schneider
  • 2016: Jörg Delventhal, Mirco Johannes, Johann Kath, Markus Röhrs, Dörthe Schneider

Oortsbörgermeesters[ännern | Bornkood ännern]

  • –31. Oktober 2016: Jörg Delventhal
  • 1. November 2016–: Dörthe Schneider

Kultur[ännern | Bornkood ännern]

Kriegerdenkmaal

In Brochdörp steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schüttenvereen Brochdörp is 1881 grünnt worrn.

Weertschop un Infrastruktur[ännern | Bornkood ännern]

Brochdörp hett en egene freewillige Füürwehr.

Verkehr[ännern | Bornkood ännern]

Dör Brochdörp löppt de Bundsstraat 71, de in’n Noordwesten över Täwel, Söhlingen, Hemslingen un Brookel na Rodenborg geiht un in’n Süüdoosten över Delsen un Neenkerken na Soltau. Von de B 71 geiht na Westen de Kreisstraat 43 af, de an Rutenmöhl un Hartböhn langs na Roosbrook föhrt. In Delsen geiht von de B 71 de Landsstraat 171 af, de in’n Noordoosten över Sprengel un Schüllern na Snevern föhrt.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 18 Kilometer in’n Süüdoosten von Brochdörp an de B 3.

De nächste Bahnhoff is so bi 12 Kilometer wied weg in’n Noordoosten de Bahnhoff Snevern an de Heidbahn. De Bahnhööv Visselhöövd un Soltau sünd 14 Kilometer wied weg un doot an de Bahnlien Langwedel–Ülzen liggen.

Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken weer in düsse Tied twee Kilometer in’n Süüdoosten.

Scholen[ännern | Bornkood ännern]

De Kinner ut Brochdörp gaht na de Grundschool Neenkerken.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 37
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 90
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 100
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  8. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  9. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  10. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 100
  11. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  12. Inwahnertallen op gemeindeverzeichnis.de
  13. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Brochdörp. Mehr Biller, Videos oder Audiodateien to’t Thema gifft dat bi Wikimedia Commons.