Hertel (Landkreis Heidkreis)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hertel
Laag vun Hertel in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners:
Postleettall: 29643
Vörwahl: 05195
Geograafsche Laag:
Koordinaten:53° 2′ N, 9° 40′ O
53° 2′ N, 9° 40′ O

Cohrshoff in Hertel

Hertel (hoochdüütsch Hertel) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Neenkerken.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över’n Hahnenbeek na de Wiedau hen af.

De Naveröörd sünd Täwel in’n Noorden, Brochdörp un Delsen in’n Noordoosten, Neenkerken in’n Oosten, Holtmannshoff in’n Süüdoosten, Behningen in’n Süden, Drögenbossel in’n Süüdwesten un Hartböhn, Rutenmöhl un Platenkamp in’n Noordwesten.

Historie[ännern | Bornkood ännern]

1992 hebbt de Bethlehemsüstern in Hertel dat Klooster Marienheid grünnt. In dat Johr 2000 is dat Klooster aver ümtagen op den Goodshoff Wollstein bi Harmuthsachsen in Hessen.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Neenkerken in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort höört von öllers bi de Gemeen Neenkerken mit bi, de an’n 1. März 1974 mit de Gemeenreform in Neddersassen Deel von de vergrötterte Gemeen Neenkerken worrn is. Sietdem höört Hertel binnen de Gemeen to de Oortschop Neenkerken.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1812-00-001812[2] 39
1824-00-001824[3] 8 Füürsteden
1848-00-001848[4] 46 Lüüd. 9 Hüüs
1871-12-011. Dezember 1871[5] 46 Lüüd. 9 Hüüs
1885-12-011. Dezember 1885[6] 38 Lüüd. 7 Hüüs
1905-12-011. Dezember 1905[7] 36 Lüüd. 8 Hüüs

Religion[ännern | Bornkood ännern]

Hertel is evangeelsch-luthersch präägt un höört to dat Kaspel von de Bartholomäus-Kark in Neenkerken.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Weertschop un Infrastruktur[ännern | Bornkood ännern]

För Hertel is de freewillige Füürwehr Neenkerken mit tostännig.

Verkehr[ännern | Bornkood ännern]

De Straat dör Hertel föhrt in’n Oosten na Neenkerken an de Landsstraat 171 (un wieder an de Bundsstraat 71) un in’n Noordwesten över Rutenmöhl an de Kreisstraat 43. De K 43 löppt in’n Westen na Moordörp un in’n Oosten na Brochdörp an de B 71. De L 171 geiht von Neenkerken in’n Süüdwesten över Drögenbossel, Hiddingen un Schwitschen na Visselhöövd un in’n Noordoosten na Snevern. De B 71 löppt in’n Noordwesten över Brochdörp un Täwel na Rodenborg un in’n Süüdoosten na Soltau.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 18 Kilometer in’n Süüdoosten von Hertel an de B 3.

De nächste Bahnhoff is so bi ölven Kilometer wied weg in’n Süüdwesten de Bahnhoff Visselhöövd an de Bahnlien Langwedel–Ülzen. Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken weer in düsse Tied dree Kilometer in’n Noordoosten.

Scholen[ännern | Bornkood ännern]

De Kinner ut Hertel gaht na de Grundschool Neenkerken.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 105
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 270
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154

Weblenken[ännern | Bornkood ännern]

Commons-logo.svg Hertel (Landkreis Heidkreis). Mehr Biller, Videos oder Audiodateien to’t Thema gifft dat bi Wikimedia Commons.