Moordörp (Visselhöövd)

Vun Wikipedia
Wapen/Flagg Koort
hett keen Wapen
Moordörp
Laag vun Moordörp in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Postleettall: 27374
Vörwahl: 04266
Geograafsche Laag:
Koordinaten:53° 3′ N, 9° 36′ O
53° 3′ N, 9° 36′ O

Karte

Moordörp (hoochdüütsch Moordorf) is en Dörp in de Gemeen Visselhöövd in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Roosbrook.

Geografie[ännern | Bornkood ännern]

De Oort liggt in dat Rebeed twüschen Wiedau un Hahnenbeek. Fröher weer dat allens Moor.

De Naveröörd sünd Hemslingen un Söhlingen in’n Noorden, Täwel in’n Noordoosten, Platenkamp in’n Oosten, Hartböhn un Rutenmöhl in’n Süüdoosten, Hiddingen un Schwitschen in’n Süden, Hütthoff, Roosbrook un Nee-Bretel in’n Süüdwesten un Bellen un Trochel in’n Noordwesten.

Historie[ännern | Bornkood ännern]

Moordörp is 1779/1780 as Moorkolonie un Stratendörp mit teihn Steden grünnt worrn.

In’n Tweten Weltkrieg sünd veer Soldaten ut Moordörp fullen oder vermisst.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Neenkerken in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher en egen Buurschop un later en egen Gemeen. 1928/1929 is Moordörp denn aver Deel von de Gemeen Roosbrook worrn. Roosbrook weer von 1969 bet 1974 Maat von de Samtgemeen Visselhöövd un is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Sietdem höört de Oort binnen de Gemeen to de Oortschop Roosbrook.

Inwahnertall[ännern | Bornkood ännern]

Johr Inwahners
1791-00-001791[2] 10 Füürsteden
1812-00-001812[3] 51
1824-00-001824[4] 10 Füürsteden
1848-00-001848[5] 59 Lüüd, 10 Hüüs
1871-12-011. Dezember 1871[6] 49 Lüüd, 10 Hüüs
1885-12-011. Dezember 1885[7] 48 Lüüd, 11 Hüüs
1905-12-011. Dezember 1905[8] 49 Lüüd, 10 Hüüs
1910-12-011. Dezember 1910[9] 58

Religion[ännern | Bornkood ännern]

Moordörp is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

De Oort hett en egen Karkhoff.

Kultur[ännern | Bornkood ännern]

Gedenktafeln för de Fullenen ut’n Tweten Weltkrieg hängt in de Kark in Visselhöövd.

Weertschop un Infrastruktur[ännern | Bornkood ännern]

För Moordörp is de freewillige Füürwehr Bookholt mit tostännig.

Verkehr[ännern | Bornkood ännern]

An Moordörp langs löppt de Kreisstraat 223, de in’n Noordoosten na Söhlingen an de Bundsstraat 71 ran geiht un in’n Süüdwesten in Roosbrook an de K 210. De B 71 föhrt in’n Noordwesten över Brookel na Rodenborg un in’n Süüdoosten över Täwel un Neenkerken na Soltau. De K 210 löppt von Roosbrook in’n Noordwesten na Bellen un na Brookel an de B 71 un in’n Süden över Hütthoff un Bookholt bi Visselhöövd an de B 440. In de Neegd von Moordörp geiht von de K 223 na Westen de K 246 af, de in’n Landkreis Heidkreis löppt, dor to de K 43 warrt un na Brochdörp föhrt.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 25 Kilometer in’n Süüdoosten von Moordörp an de B 3. De Opfohrt 27 Wasra-West op de Autobahn 27 liggt 27 Kilometer in’n Süüdwesten an de B 209.

De nächste Bahnhoff is üm un bi ölven Kilometer wied weg in’n Süden de Bahnhoff Visselhöövd an de Bahnlien Ülzen–Langwedel.

Scholen[ännern | Bornkood ännern]

Nadem de Kolonie Moordörp anleggt worrn is, hett de Oort ok glieks en School kregen. De Ünnerricht weer ümschichtig in de Buurnhüüs. Eerst 1875 hett dat en egen Schoolhuus för de Volksschool geven. Dor sünd ok de Kinner ut Roosbrook na School gahn. 1898 is de School na Roosbrook ümtagen un hett 1964 dichtmaakt. De Kinner ut Moordörp sünd denn na de School in Hemslingen/Söhlingen wesselt. Von 1969 af an sünd de Kinner op de Grundschool Visselhöövd gahn.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 156
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 414
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  9. Inwahnertallen op gemeindeverzeichnis.de