Bookholt (Gemeen Visselhöövd)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Bookholt
Laag vun Bookholt in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Postleettall: 27374
Vörwahl: 04262
Geograafsche Laag:
Koordinaten:53° 1′ N, 9° 34′ O
53° 1′ N, 9° 34′ O

Bookholt (hoochdüütsch Buchholz) is en Dörp in de Gemeen Visselhöövd in’n Landkreis Rodenborg, Neddersassen. De Oort billt binnen de Gemeen de polietsche Oortschop Bookholt.

To Bookholt höört ok de lüttjen Öörd Affwinkel un Wööstenhoff mit bi.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över’n Visselbeek af.

De Naveröörd sünd Hütthoff in’n Noorden, Roosbrook un Moordörp in’n Noordoosten, Hiddingen, Schwitschen un Hälßen in’n Süüdoosten, Stölpenhoff, Affwinkel, Wööstenhoff, Visselhöövd un Nindörp in’n Süden, Wittörp in’n Westen un Düüsternheid, Bretel un Nee-Bretel in’n Noordwesten.

Historie[ännern | Bornkood ännern]

In Bookholt leeg dat Good Bookholt, dat fröher de Familie von Schlepegrell tohöört hett. Üm de Johrhunnertwenn von dat 19. to dat 20. Johrhunnert hebbt de Bookholter Buurn dat Good opköfft.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort hett fröher tohoop mit Affwinkel, Wööstenhoff, Roosbrook un Hütthoff de Buurschop Bookholt billt. In dat 19. Johrhunnert hebbt denn Roosbrook un Hütthoff en egen Gemeen billt un de Gemeen Bookholt hett ut Bookholt, Affwinkel un Wööstenhoff bestahn. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Sietdem billt de Oort de Oortschop Bookholt mit en egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[1] 10 Füürsteden
1812-00-001812[2] 124
1824-00-001824[3] 20 Füürsteden
1848-00-001848[4] 150 Lüüd. 25 Hüüs
1871-12-011. Dezember 1871[5] 160 Lüüd. 28 Hüüs
1885-12-011. Dezember 1885[6] 177 Lüüd. 33 Hüüs
1905-12-011. Dezember 1905[7] 156 Lüüd. 29 Hüüs
1910-12-011. Dezember 1910[8] 195
1925-00-001925[9] 188
1933-00-001933[9] 168
1939-00-001939[9] 169

Religion[ännern | Bornkood ännern]

Bookholt is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Oortsvörsteihers[ännern | Bornkood ännern]

  • 1991–: Friedemann Götz
  • –2008: Irmgard von Deylen
  • 2008–: Dominik Oldenburg

Weertschop un Infrastruktur[ännern | Bornkood ännern]

Bookholt hett en egene freewillige Füürwehr, de 1934 grünnt worrn is.

Verkehr[ännern | Bornkood ännern]

An Bookholt langs löppt de Kreisstraat 210, de in’n Noorden över Hutthoff, Roosbrook un Bellen na Brookel an de Bundsstraat 71 ran geiht un in’n Süden na de B 440. De B 440 löppt in’n Noordwesten över Wittörp na Rodenborg un in’n Süüdoosten över Visselhöövd un Oddingen na Derpmark.

De nächste Autobahn is de Autobahn 27 (Afsnidd BremenWasra). De Opfohrt 27 Wasra-West liggt so 20 Kilometer in’n Süden von Bookholt an de B 209. De Opfohrt 46 Derpmark op de Autobahn 7 (Afsnidd HamborgHannover) liggt 22 Kilometer in’n Süüdoosten an de B 440.

De nächste Bahnhoff is so bi veer Kilometer wied weg in’n Süden de Bahnhoff Visselhöövd an de Bahnlien Ülzen–Langwedel.

Scholen[ännern | Bornkood ännern]

De Kinner ut Bookholt gaht na de Grundschool Visselhöövd. Ganz fröher sünd se in Nindörp na School gahn. 1788 hett de Oort dat Recht kregen, en egen Schoolmeester intostellen. Dat Kunsistorjen harr aver de Oplaag maakt, dat Bookholt den Schoolmeester in Nindörp liekers mit betahlen mutt. Dorüm hett Bookholt eerst 1803 en egen Schoolmeester instellt, nadem de Schoolmeester in Nindörp doodbleven is. De Ünnerricht weer toeerst in en Hüßelhuus, 1807 hett de Oort dat eerste egene Schoolhuus kregen. Dat is bet 1960 bruukt worrn. In dat Johr is dat ne’e Schoolhuus trech worrn. De School harr 180.000 Mark köst. Se is aver blots negen Johr bruukt worrn. 1969 is se dichtmaakt worrn un de Kinner sünd op de School in Visselhöövd wesselt. Later sünd se en Tied lang na de Grundschool Wittörp gahn un siet 2015 na de Grundschool Visselhöövd.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 41
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 98
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de