Affwinkel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Affwinkel
Laag vun Affwinkel in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Postleettall: 27374
Vörwahl: 04262
Geograafsche Laag:
Koordinaten:52° 60′ N, 9° 35′ O
52° 60′ N, 9° 35′ O

Affwinkel (hoochdüütsch Affwinkel) is en lütten Oort in de Gemeen Visselhöövd in’n Landkreis Rodenborg, Neddersassen.

Geografie[ännern | Bornkood ännern]

De Oort liggt in’n Westen von de Lümbörger Heid. Dat Water ut dat Rebeed flütt över den Visselbeek af.

De Naveröörd sünd de Wööstenhoff un de Stölpenhoff in’n Noorden, Hälßen un Schwitschen in’n Noordoosten, Visselhöövd in’n Oosten un Süden, de fröhere Rollmannshoff in’n Süden, Nindörp in’n Süüdwesten un Grapenmöhlen un Bookholt in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

Affwinkel weer fröher Deel von de Buurschop Bookholt un hett in dat 19. Johrhunnert tohoop mit Wööstenhoff för en Tied en egen Gemeen billt. De Oort is denn aver Deel von de Gemeen Bookholt worrn. De Gemeen Bookholt is an’n 1. März 1974 mit de Gemeenreform in Neddersassen mit en Reeg annere Gemenen to de ne’e Gemeen Visselhöövd tohoopgahn. Binnen de Gemeen höört Affwinkel nu to’n Hauptoort Visselhöövd.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 12
1824-00-001824[3] 2 Füürsteden
1848-00-001848[4] 14 Lüüd. 2 Hüüs
1871-12-011. Dezember 1871[5] 16 Lüüd. 2 Hüüs
1885-12-011. Dezember 1885[6] 13 Lüüd. 2 Hüüs
1905-12-011. Dezember 1905[7] 23 Lüüd. 2 Hüüs

Religion[ännern | Bornkood ännern]

Affwinkel is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Straat an Affwinkel langs löppt in’n Noorden na Bookholt un dor an de Kreisstraat 210 un in’n Süden in Visselhöövd an de Bundsstraat 440 ran. De B 440 geiht in’n Noordwesten över Wittörp na Rodenborg un in’n Süüdoosten na Dörpmark. Von de B 440 geiht in Visselhöövd na Süden de Landsstraat 161 af, de na Wasra föhrt. Tosätzlich geiht de L 171 in’n Süüdwesten över Jeddingen un Kerklinneln na Veern un in’n Noordoosten na Neenkerken un Snevern.

De nächsten Autobahnen sünd de Autobahn 27 (Afsnidd BremenWasra) un de Autobahn 7 (Afsnidd HamborgHannover). De Opfohrt 27 Wasra-West op de A 27 liggt so 17 Kilometer in’n Süden von Affwinkel an de B 209. De Opfohrt 46 Dörpmark op de A 7 liggt 19 Kilometer in’n Süüdoosten an de B 440.

De nächste Bahnhoff is so bi twee Kilometer wied weg in’n Süüdwesten de Bahnhoff Visselhöövd an de Bahnlien Ülzen–Langwedel.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 5
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 6
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150