Nindörp (Visselhöövd)
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 10 km² | |
| Inwahners: | ||
| Postleettall: | 27374 | |
| Vörwahl: | 04262 | |
| Geograafsche Laag: | Koordinaten:52° 59′ N, 9° 33′ O52° 59′ N, 9° 33′ O | |
|
| ||
Nindörp (hoochdüütsch Nindorf) is en Dörp in de Gemeen Visselhöövd in’n Landkreis Rodenborg, Neddersassen.
Geografie
[ännern | Bornkood ännern]De Naveröörd sünd Bookholt in’n Noordoosten, Visselhöövd in’n Oosten, Kettenborg un Nee Wehnsen in’n Süüdoosten, Wehnsen in’n Süden, Jeddingen in’n Süüdwesten un Wittörp in’n Noordwesten.
Historie
[ännern | Bornkood ännern]935 kummt in en Tuuschverdrag von Hinnerk I. twüschen dat Bisdom Hamborg un en Eddelmann mit Naam Willari en Oort vör, de Nenthorp schreven worrn is. Dat is aver nich seker rut, wat för Oort dor mit meent weer. Dat kann ok angahn, dat dor von en annern Oort snackt worrn is.
Nindörp leeg vör 1885 in’t Amt Rodenborg, denn bet 1977 in’n Kreis Rodenborg un vondaag in’n Landkreis Rodenborg.
1974 is Nindörp Deel von de Gemeen Visselhöövd worrn.
In’n Tweten Weltkrieg sünd 36 Soldaten ut Nindörp fullen oder vermisst[1].
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 18 Füürsteden |
| 1848[3] | 248 Lüüd, 39 Hüüs |
| 1. Dezember 1910[4] | 458 |
| 1925[5] | 619 |
| 1933[5] | 368 |
| 1939[5] | 350 |
| 1970 | 446 |
Religion
[ännern | Bornkood ännern]Nindörp is evangeelsch-luthersch präägt un höört to dat Kaspel von de Johannis-Kark in Visselhöövd.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Oortsvörstänn
[ännern | Bornkood ännern]- opstunns: Heinz-Friedrich Carstens
Kultur
[ännern | Bornkood ännern]En Denkmaal för de Fullenen ut Nindörp ut den Tweten Weltkrieg’ steiht in Visselhöövd bi de Kark.
Verenen
[ännern | Bornkood ännern]De Freewillige Füürwehr Nindörp is 1935 grünnt worrn un de Schützenvereen 1906.
Infrastruktur
[ännern | Bornkood ännern]Verkehr
[ännern | Bornkood ännern]Nindörp liggt an de Kreisstraat 207, de in’n Süden an de Landsstraat 171 ranlöppt un in’n Noorden na de Bundsstraat 440 rangeiht. Ans gifft dat noch Straten na de K 235 un na Visselhöövd.
De nächste Bahnhoff is de Bahnhoff Visselhöövd an de Bahnlien Ülzen–Langwedel.
Footnoten
[ännern | Bornkood ännern]- ↑ http://www.denkmalprojekt.org/2009/visselhoevede_kirche_wk2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 444: http://books.google.de/books?id=tG0AAAAAcAAJ&pg=PA444
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 154: http://books.google.de/books?id=eOI-AAAAcAAJ&pg=PA154
- ↑ http://www.gemeindeverzeichnis.de/gem1900/gem1900.htm?hannover/rotenburg.htm
- ↑ a b c http://www.verwaltungsgeschichte.de/rotenburg.html
Bleckwedel | Bookholt | Dreßel | Drögenbossel | Hiddingen | Jeddingen | Keernborg | Lürken | Nindörp | Oddingen | Roosbrook | Schwitschen | Visselhöövd | Wehnsen | Wittörp