Bleckwedel
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 15 km² | |
| Inwahners: | ||
| Postleettall: | 27374 | |
| Vörwahl: | 04262 | |
| Geograafsche Laag: | Koordinaten:52° 57′ N, 9° 30′ O52° 57′ N, 9° 30′ O | |
|
| ||
Bleckwedel (hoochdüütsch Bleckwedel) is en Dörp in de Gemeen Visselhöövd in’n Landkreis Rodenborg, Neddersassen.
Geografie[ännern | Bornkood ännern]
De Lehrde flütt so bi een Kilometer in’n Süden an Bleckwedel langs.
De Naveröörd sünd Jeddingen un Wehnsen in’n Noordoosten, Kedenborg un Griemen in’n Oosten, Stellich in’n Süüdoosten, Sievern in’n Süden (de letzten beiden in’n Landkreis Heidkreis), Königshoff un Lehrden in’n Süüdwesten un Egenbossel, Tadel un Sankt Pauli (Landkreis Veern) in’n Westen.
Historie[ännern | Bornkood ännern]
Bleckwedel kummt üm un bi 1320 as Bleckwede toeerst in de Oorkunnen vör.[1]
1651 hett Bleckwedel ut dree Hööv bestahn, de to de Grundherrschop von de Familie von Kedenborg tohöört hebbt.
In’n Tweten Weltkrieg sünd 19 Soldaten ut Bleckwedel fullen oder vermisst[2].
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en grötteren Landkreis Rodenborg worrn.
Bi de fröhere Gemeen Bleckwedel hebbt ok de Öörd Lehrden un Egenbossel un de Hööv Tadel un Königshoff bihöört.
De Gemeen weer von 1969 bet 1974 Maat von de Samtgemeen Visselhöövd. An’n 1. März 1974 is de Oort mit de Gemeenreform in Neddersassen Deel von de Gemeen Visselhöövd worrn. Bleckwedel is nu een von de 15 Oortschoppen binnen de Gemeen Visselhöövd.
Inwahnertall[ännern | Bornkood ännern]
| Johr | Inwahners |
|---|---|
| 1812[3] | 35 |
| 1824[4] | 6 Füürsteden |
| 1848[5] | 66 Lüüd, 9 Hüüs |
| 1. Dezember 1910[6] | 214 |
| 1925[7] | 231 |
| 1933[7] | 238 |
| 1939[7] | 242 |
Religion[ännern | Bornkood ännern]
Bleckwedel is evangeelsch-luthersch präägt un höört to dat Kaspel von de Johannis-Kark in Visselhöövd.
En Karkhoff hett de Oort 1921 kregen. Vörher sünd de Lüüd bi de Kark in Visselhöövd begraven worrn.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Oortsvörstehers[ännern | Bornkood ännern]
Kultur[ännern | Bornkood ännern]
En Gedenktafel för de Fullenen ut den Tweten Weltkrieg hängt in Visselhöövd in de Kark.
Weertschop un Infrastruktur[ännern | Bornkood ännern]
För Bleckwedel is de freewillige Füürwehr Jeddingen mit tostännig.
Verkehr[ännern | Bornkood ännern]
Bleckwedel liggt an de Kreisstraat 228, de in’n Westen na Lehrden un Sankt Pauli föhrt un in’n Noordoosten na Jeddingen an de Landsstraat 171. De L 171 wedder geiht in’n Süüdwesten na Kerklinneln un Veern un in’n Noordoosten över Jeddingen na Visselhöövd an de Bundsstraat 440 ran. En lüttjere Straat gifft dat ans noch na Stellich un na Tadel.
De nächste Autobahn is de Autobahn 27. De Opfohrt 27 Wasra-West liggt so 15 Kilometer in’n Süüdoosten von Bleckwedel.
De nächste Bahnhoff is so bi acht Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel.
Scholen[ännern | Bornkood ännern]
De Kinner ut dat Dörp gaht na de Grundschool Jeddingen. Fröher harr de Oort ok en egen Volksschool. De eerste School hett Bleckwedel 1848 kregen. Dat Schoolhuus stünn twüschen Bleckwedel un Egenbossel. Düsse School is 1965 dichtmaakt worrn un de Kinner kemen denn na Jeddingen.
Footnoten[ännern | Bornkood ännern]
- ↑ Ulrich Scheuermann: Die Flurnamen des westlichen und südlichen Kreises Rotenburg (Wümme). C. Bösendahl, 1971, Sied 306
- ↑ http://www.denkmalprojekt.org/2009/visselhoevede_kirche_wk2_ns.htm
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 115: http://books.google.de/books?id=Q 5OAAAAcAAJ&pg=PA115
- ↑ C. H. Jansen: Statistisches Handbuch des Königreichs Hannover. 1824, Sied 62: http://books.google.de/books?id=tG0AAAAAcAAJ&pg=PA62
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 153: http://books.google.de/books?id=eOI-AAAAcAAJ&pg=PA153
- ↑ http://www.gemeindeverzeichnis.de/gem1900/gem1900.htm?hannover/rotenburg.htm
- ↑ a b c http://www.verwaltungsgeschichte.de/rotenburg.html
Bleckwedel | Bookholt | Dreßel | Drögenbossel | Hiddingen | Jeddingen | Keernborg | Lürken | Nindörp | Oddingen | Roosbrook | Schwitschen | Visselhöövd | Wehnsen | Wittörp