Stellich

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Stellich
Laag vun Stellich in Düütschland
Basisdaten
Bundsland: Neddersassen
Landkreis: Heidkreis
Gemeen: Wasra
Flach: 18,28 km²
Inwahners: 623 (2015-07-011. Juli 2015)
Inwahnerdicht: 34,1 Inwahners pro km²
Hööchd: 44 m över NN
Postleettall: 29664
Vörwahl: 05168
Geograafsche Laag:
Koordinaten:52° 56′ N, 9° 31′ O
52° 56′ N, 9° 31′ O

Stellich (hoochdüütsch Stellichte) is en Dörp in de Gemeen Wasra in’n Landkreis Heidkreis, Neddersassen. Binnen de Gemeen billt de Oort en polietsche Oortschop.

Geografie[ännern | Bornkood ännern]

De Oort liggt in de Lümbörger Heid an dat Över von de Lehrde.

De Naveröörd sünd Jeddingen un Wehnsen in’n Noorden, Visselhöövd un Keernborg mit Fahlbeek un Griemen in’n Noordoosten, Hilligensehl in’n Oosten, Ebben in’n Süüdoosten, Full, Nünnen un Gakenhoff in’n Süden, Idsen un Sievern in’n Süüdwesten, Lehrden un Königshoff in’n Westen un Egenbossel, Tadel un Bleckwedel in’n Noordwesten.

Historie[ännern | Bornkood ännern]

Stellich in Matthäus Merian sien Topographia
Brügg bi dat Good
Hoff in dat Dörp

Dat Dörp kummt 1096 as Steinlaga toeerst in en Oorkunn von de Äbtissin Adelheid I. von dat Stift Queddelnborg vör. Bi dat Dörp liggt dat Good Stellich, dat von öllers de Familie von Behr tohöört.

De Oort harr twee Möhlen an de Lehrde: de Bövermöhl bi de Kark un de Neddermöhl in’n Westen von’n Oort.

In’n Eersten Weltkrieg sünd 20 Soldaten ut Stellich fullen oder vermisst.[1]

Stellich hett keen Stratennaams. De Hüüs sünd dör dat ganze Dörp dörnummereert.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Stellich in’n Kanton Wasra höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Stellich in’n Kanton Wasra.

De Oort hett vör 1852 to dat Gericht Cordingen in dat Amt Rethen tohöört un denn von 1852 bet 1885 to dat Amt Fambossel. Na 1885 weer dat in’n Kreis Fambossel. 1932 is dat för korte Tied Deel von’n Kreis Soltau-Fambossel worrn, de 1933 wedder oplööst worrn is, so dat de Oort to’n Kreis Fambossel höört hett. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.

De Oort hett von öllers de Gemeen Stellich billt. Dat Good Stellich hett aver eerst von 1928/1929 af an to düsse Gemeen tohöört. Vörher weer dat en egen Goodsbezirk. De Gemeen Stellich is an’n 1. März 1974 mit de Gemeenreform in Neddersassen Deel von de Gemeen Wasra worrn. Sietdem billt Stellich binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[2] 17 Füürsteden
1812-00-001812[3] 325
1824-00-001824[4] 39 Füürsteden
1848-00-001848[5] 341 Lüüd. 56 Hüüs
1871-12-011. Dezember 1871[6] 439 Lüüd. 73 Hüüs
1885-12-011. Dezember 1885[7] 434 Lüüd. 77 Hüüs
1905-12-011. Dezember 1905[8] 341 Lüüd. 69 Hüüs
1910-12-011. Dezember 1910[9] 339
1925-00-001925[10] 420
1933-00-001933[10] 393
1939-00-001939[10] 392

Religion[ännern | Bornkood ännern]

Kark in Stellich

Stellich is evangeelsch-luthersch präägt un hett mit de Georg-Christophorus-Jodokus-Kark en egen Kark. Düsse Kark weer fröher blots för dat Good dor. Dat Dörp hett to dat Kaspel von de Johannis-Kark in Wasra tohöört. Eerst von dat Johr 1754 af an dröffen ok de Lüüd ut dat Dörp Stellich de Goodskark besöken. De Kark in Stellich is 1802 Parrkark worrn un is dat bet 1975 bleven. In dat Johr hebbt de Goodsbesitters von Good Stellich de Kark an de Landskark afgeven un de Kark höört nu to’n Parrbezirk IV von de Johannis-Kark in Wasra.

För de Kathoolschen is de St.-Maria-Kark in Wasra tostännig.

De Karkhoff Stellich liggt in’n Westen von dat Dörp.

Oortsvörsteihers[ännern | Bornkood ännern]

  • opstunns (Stand 2018): Birgit Podlech

Kultur[ännern | Bornkood ännern]

Gedenktafeln för de Fullenen ut’n Eersten Weltkrieg hängt in Wasra in de Kark. De Oort hett aver ok en egen Denkmaal för de Fullenen.

Verenen[ännern | Bornkood ännern]

De Schüttenvereen Stellich is 1860 grünnt worrn un de Sportvereen TuSV Stellich 1910.

Weertschop un Infrastruktur[ännern | Bornkood ännern]

Stellich hett en egene freewillige Füürwehr, de 1910 grünnt worrn is. Vörher hett dat en Plichtfüürwehr geven, de 1901 grünnt worrn is.

Dat Heilpädagogische Heim Dr. Kruse is en Wahnheim för Behinnerte, in dat üm un bi 100 Lüüd leven doot.

Verkehr[ännern | Bornkood ännern]

Dör Stellich löppt de Kreisstraat 124, de in’n Noordoosten na Wehnsen an de Landsstraat 171 ran geiht un in’n Süüdwesten över Sievern, Idsen un Hamwie’e na Noordkampen un de L 160. In’n Süüdoosten geiht de K 128 na Ebben an de L 161 un in’n Noordoosten de K 127 na Keernborg an de L 161. De L 161 föhrt in’n Süden na Wasra un in’n Noorden na Visselhöövd an de Bundsstraat 440.

De nächste Autobahn is de Autobahn 27 (Afsnidd BremenWasra). De Opfohrt 27 Wasra-West liggt so twölv Kilometer in’n Süden von Stellich an de B 209.

De nächste Bahnhoff is so bi söss Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel.

Scholen[ännern | Bornkood ännern]

Dat eerste Schoolhuus hett Stellich 1770 kregen. De Volksschool in Stellich hett bet 1976 bestahn.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 219
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 578
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 102
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 90
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 99
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 48
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Stellich. Mehr Biller, Videos oder Audiodateien to’t Thema gifft dat bi Wikimedia Commons.