Gakenhoff

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Gakenhoff
Laag vun Gakenhoff in Düütschland
Basisdaten
Bundsland: Neddersassen
Landkreis: Heidkreis
Gemeen: Wasra
Inwahners:
Postleettall: 29664
Vörwahl: 05161
Geograafsche Laag:
Koordinaten:52° 53′ N, 9° 32′ O
52° 53′ N, 9° 32′ O

Gakenhoff (hoochdüütsch Gakenhof) is en lütten Oort in de Gemeen Wasra in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Full.

Geografie[ännern | Bornkood ännern]

De Oort liggt in de Lümbörger Heid an dat Över von de Full. In’n Noorden liggt dat Naturschuulrebeed Grundloos Moor.

De Naveröörd sünd Stellich in’n Noorden, Ebben un Hünzen in’n Noordoosten, Dreekronen un Söhren in’n Oosten, Wasra un Full in’n Süüdoosten, Nünnen un Sneeheid in’n Süden, Helmsen in’n Süüdwesten un Hamwie’e, Idsen un Sievern in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hünzen in’n Kanton Wasra höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Wasra in’n Kanton Wasra.

De Oort hett vör 1852 to dat Gericht Cordingen in dat Amt Rethen tohöört un denn von 1852 bet 1885 to dat Amt Fambossel. Na 1885 weer dat in’n Kreis Fambossel. 1932 is dat för korte Tied Deel von’n Kreis Soltau-Fambossel worrn, de 1933 wedder oplööst worrn is, so dat de Oort to’n Kreis Fambossel höört hett. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.

De Oort hett von öllers bi de Gemeen Full mit bihöört, de an’n 1. März 1974 mit de Gemeenreform in Neddersassen Deel von de Gemeen Wasra worrn is. Sietdem höört de Oort binnen de Gemeen to de Oortschop Full, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 14
1824-00-001824[3] 2 Füürsteden
1848-00-001848[4] 17 Lüüd. 2 Hüüs
1871-12-011. Dezember 1871[5] 14 Lüüd. 2 Hüüs
1885-12-011. Dezember 1885[6] 17 Lüüd. 2 Hüüs
1905-12-011. Dezember 1905[7] 15 Lüüd. 2 Hüüs

Religion[ännern | Bornkood ännern]

Gakenhoff is evangeelsch-luthersch präägt un höört to dat Kaspel von de Johannes-de-Döper-Kark in Wasra. De Oort höört dor to’n Parrbezirk III.

För de Kathoolschen is de St.-Maria-Kark in Wasra tostännig.

Weertschop un Infrastruktur[ännern | Bornkood ännern]

För Gakenhoff is de freewillige Füürwehr Full mit tostännig.

Verkehr[ännern | Bornkood ännern]

An Gakenhoff langs löppt de Kreisstraat 120, de in’n Noordwesten na Idsen geiht un in’n Süüdoosten över Full na Wasra an de Bundsstraat 209. Von Full ut geiht in’n Süden de K 127 na Sneeheid un dor ok an de B 209. De B 209 föhrt in’n Süüdwesten över Kerkboitzen un Rethen op Neenborg to un in’n Oosten na Fambossel un an de Autobahn 7.

De nächste Autobahn is de Autobahn 27 (Afsnidd BremenWasra). De Opfohrt 27 Wasra-West liggt so veer Kilometer in’n Süden von Gakenhoff an de B 209.

De nächste Bahnhoff is so bi fiev Kilometer wied weg in’n Noorden de Bahnhoff Wasra an de Heidbahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 79
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 200
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 102
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 90
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 97
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 45