Full (Beek)

Vun Wikipedia
Zur Navigation springen Zur Suche springen
Full
Laag Landkreis Heidkreis
Stroomsystem Werser
Läng 11 km
Afströömrebeed 31,2 km²
Born bi Ebben (op 73 m över NN)
Münn in Wasra in de Böhm (op 30 m över NN)
rechte Blangenströöm Moorgraven, Ossenmoorgraven
schippbor nee
De Full in de Eckernworth

De Full is en ölven Kilometer langen Beek in de Gemeen Wasra in’n Landkreis Heidkreis, Neddersassen, de von rechts in de Böhm münnt.

De Born von de Full liggt in dat Naturschuulrebeed Grundloos Moor dicht bi dat Dörp Ebben. Von dor flütt de Waterloop toeerst na Süüdwesten. In de Neegd von Gakenhoff geiht de Kreisstraat 120 över de Full röver. Kort achter de Kreisstraat dreiht de Beek na Süüdoosten un flütt twüschen Gakenhoff un Nünnen dör. Bi Nünnen münnt von rechts en Beek in de Full, de sien Born bi Helmsen hett. In dat Dörp Full geiht de Kreisstraat 121 över de Beek. Dor münnt von rechts de Moorgraven, de sien Water vör allen ut dat Vehmsmoor kriggt. De Full löppt denn dör dat Holt von de Eckernworth un kummt in dat Stadtrebeed von Wasra. Dor münnt von rechts de Ossenmoorgraven in de Full. In Wasra gaht de Bundsstraat 209 un de Landsstraat 190 mit Brüggen över de Full röver. Twüschen düsse beiden Straten liggt de Fullpark. En Stück achter de Landsstraat flütt de Full in de Kökenwischen un münnt dor in’n Süden von’n Kloostersee von dat Klooster Wasra in de Böhm.

Dat Water ut de Böhm flütt wieder in de Aller, de Werser un toletzt in de Noordsee.


Koordinaten:52° 51′ N, 9° 36′ O