Sankt Pauli (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Sankt Pauli

Sankt Pauli
Laag vun Sankt Pauli in Düütschland
Basisdaten
Bundsland: Neddersassen
Landkreis: Veern
Gemeen: Kerklinneln
Inwahners:
Postleettall: 27308
Vörwahl: 04237
Geograafsche Laag:
Koordinaten:52° 58′ N, 9° 28′ O
52° 58′ N, 9° 28′ O

Sankt Pauli (hoochdüütsch Sankt Pauli) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen höört de Oort to de polietsche Ortschop Schepinkel.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt in’n Noorden na’n Gohbeek hen af un in’n Süden na de Lehrde hen.

De Naveröörd sünd Dreßel un Jeddingen in’n Noordoosten, de Hoff Tadel in’n Oosten, Bleckwedel un Königshoff in’n Süüdoosten, Egenbossel un Lehrden in’n Süden, Groten Heinz un Lüttjen Heinz in’n Süüdwesten, Bennbössel in’n Westen un Schepinkel, Geerkenhoff un Odeweg in’n Noordwesten.

Historie[ännern | Bornkood ännern]

De Oort is eerst in dat 20. Johrhunnert as Siedlung anleggt worrn. Vör allen na’n Tweten Weltkrieg hebbt dor Verdrevene ut de Oostrebeden Hüüs boot.

De Oort höört von Anfang an to de Gemeen Odeweg, de 1954 ehren Naam op Schepinkel ännert hett. Düsse Gemeen is an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn. Sietdem höört de Oort to de Oortschop Schepinkel binnen de Gemeen.

Religion[ännern | Bornkood ännern]

Sankt Pauli is evangeelsch-luthersch präägt un höört to dat Kaspel von de Bartholomäus-Kark in Karkwals.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

För Sankt Pauli is de freewillige Füürwehr Schepinkel tostännig.

Verkehr[ännern | Bornkood ännern]

An Sankt Pauli langs löppt de Landsstraat 171, de in’n Süüdwesten över Kerklinneln na Veern an de Bundsstraat 215 geiht un in’n Noordoosten över Jeddingen na Visselhöövd an de B 440. In’n Süden (al op Rebeed, dat to’n Landkreis Rodenborg höört), löppt de Kreisstraat 240 na Egenbossel un Bleckwedel. In’n Noordwesten löppt en lüttjere Straat na Schepinkel an de K 18, de von dor wiedergeiht na Odeweg, Groten Zähln un Lüttjen Zähln.

De nächste Autobahn is de Autobahn 27 (Afsnidd BremenWasra). De Opfohrt 26 Veern-Oost liggt so 13 Kilometer in’n Süüdwesten von Sankt Pauli an de L 171.

De nächste Bahnhoff is so bi acht Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel. Bet 1987 hett dat ok noch an de Bahnhööv Bennbössel un Jeddingen Personenverkehr geven. Düsse beiden Bahnhööv weren blots veer Kilometer weg.