Gohbeek (Beek)

Gohbeek
Laag	Landkreis Veern
Stroomsystem	Werser
Läng	24,34 km
Afströömrebeed	107 km²
Born	twüschen Odeweg un Dreßel (op 54 m över NHN)
Münn	bi Eitze in de Aller (op 11 m över NHN)
Water je Sekunn	0,7 m³/s
linke Blangenströöm	Veernermoorgraven, Luttener Graven
rechte Blangenströöm	Hakenbeek, Schmobeek, Gibbeek, Lindhooper Graven
schippbor	nee
De Gohbeek von de Brügg in Specken keken

De Gohbeek is en 24,34 Kilometer langen Beek, de von rechts in de Aller münnt.

De Born liggt in’t Moor twüschen Odeweg, Dreßel un Lürken. He flütt von dor na Süden un billt op dat eerste Stück de Grenz twüschen de Landkreise Veern un Rodenborg. Kort vör Schepinkel böögt de Beek na Süüdwesten af un lett den Oort jüst as Bennbössel op dat linke Över liggen. Op dat rechte Över sünd de Öörd Groten Zähln, Lüttjen Zähln un Brouk. Twüschen Brouk un Bennbössel geiht de Bahnlien Langwedel–Ülzen över’n Gohbeek. In Kohlenföör geiht de Landsstraat 171 mit en Brügg över’n Beek röver. Na Kohlenföör kaamt op dat linke Över de lütten Öörd Neenkroog, Gohbeek, Kükenmoor un Neenföör. Op dat rechte Över liggt dat Naturschuulrebeed Höhnermoor un de lütte Oort Ramels. Denn flütt de Gohbeek ünner de Autobahn 27 langs un dör Specken. Op dat rechte Över liggt nu Wetenmöhlen un op dat linke Över enkelte Hüüs, de to de Öörd Armsen un Lutten totellt. Op dat letzte Enn vör de Münn in’e Aller flütt de Beek dör dat Dörp Eitze. Dicht an de Aller geiht ok de Landsstraat 160 mit en Brügg över’ Gohbeek weg.

Dat Water flütt denn över Aller un Werser na de Noordsee.