Ramels (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Ramels
Laag vun Ramels in Düütschland
Basisdaten
Bundsland: Neddersassen
Landkreis: Veern
Gemeen: Kerklinneln
Inwahners:
Postleettall: 27308
Vörwahl: 04236
Geograafsche Laag:
Koordinaten:52° 55′ N, 9° 21′ O
52° 55′ N, 9° 21′ O

Ramels (hoochdüütsch Ramelsen) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Wetenmöhlen.

Geografie[ännern | Bornkood ännern]

De Oort liggt op de Linnelner Geest dicht bi’t Över von’n Gohbeek. Dat Naturschuulrebeed Höhnermoor liggt direkt in’n Oosten von Ramels.

De Naveröörd sünd Lüttjen Linneln, Huxhaal, Kohlenföör, Neenkroog un Gohbeek in’n Noordoosten, Kükenmoor in’n Oosten, Neenföör un Saasloh in’n Süüdoosten, Armsen un Specken in’n Süüdwesten, Wetenmöhlen in’n Westen un Kerklinneln in’n Noordwesten.

Historie[ännern | Bornkood ännern]

In Ramels an’n Gohbeek hett dat en Watermöhl geven, de 1929 stillleggt worrn is.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett von öllers to de Gemeen Wetenmöhlen mit bihöört, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 11
1824-00-001824[3] 1 Füürsteed
1848-00-001848[4] 14 Lüüd. 2 Hüüs
1871-12-011. Dezember 1871[5] 18 Lüüd. 2 Hüüs
1885-12-011. Dezember 1885[6] 13 Lüüd. 2 Hüüs
1905-12-011. Dezember 1905[7] 14 Lüüd. 2 Hüüs

Religion[ännern | Bornkood ännern]

Ramels is evangeelsch-luthersch präägt un höört to dat Kaspel von de Petrus-Kark in Kerklinneln.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

För Ramels is de freewillige Füürwehr Wetenmöhlen mit tostännig.

Verkehr[ännern | Bornkood ännern]

Dör Ramels löppt en lüttje Straat, de in’n Noordwesten na Kerklinneln an de Kreisstraat 12 un an de Landsstraat 171 ran föhrt un in’n Oosten an Neenföör langs un bi Kükenmoor an de K 13. De L 171 föhrt in’n Süüdwesten na Veern un in’n Noordoosten över Jeddingen na Visselhöövd. De K 13 geiht in’n Süüdwesten na Neernabargen un wieder an de L 160.

De nächste Autobahn is de Autobahn 27 (Afsnidd BremenWasra). Ofschoonst de Autobahn direkt an’n Oort langs löppt, is de Opfohrt 26 Veern-Oost söss Kilometer wied weg in’n Noordwesten von Ramels an de L 171.

De nächste Bahnhoff is so bi negen Kilometer in’n Westen de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Armsen weer in disse Tied söss Kilometer in’n Süüdwesten. De Bahnhoff Kerklinneln an de Bahnlien Ülzen–Langwedel (inricht 1873) weer veer Kilometer in’n Noordwesten, is aver 1987 dichtmaakt worrn.

Scholen[ännern | Bornkood ännern]

De Kinner ut Ramels güngen fröher in Kerklinneln na School. Vondaag gaht se na de Grundschool Lutten.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 186
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 498
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 182