Kükenmoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 230 (2008) | |
| Postleettall: | 27308 | |
| Vörwahl: | 04236 | |
| Geograafsche Laag: | Koordinaten:52° 56′ N, 9° 23′ O52° 56′ N, 9° 23′ O | |
|
| ||
Kükenmoor (hoochdüütsch Kükenmoor) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln billt de Oort tohoop mit Gohbeek, Goldborn, Neenkroog un Veernermoor de polietsche Oortschop Kükenmoor.
Geografie
[ännern | Bornkood ännern]De Oort liggt op de Linnelner Geest in en Rebeed mit veel Moor. Dat Water ut dat Rebeed flütt över’n Veernermoorgraven na’n Gohbeek hen af. In’n Westen liggt dat Naturschuulrebeed Höhnermoor.
De Naveröörd sünd Gohbeek, Neenkroog un Kohlenföör in’n Noorden, Lüttjen Heinz un Bennbössel in’n Noordoosten, Groten Heinz in’n Oosten, Goldborn un Hamwie’e in’n Süüdoosten, Veernermoor in’n Süden, Neenföör, Saasloh, Specken un Ramels in’n Süüdwesten un Kerklinneln un Lüttjen Linneln in’n Noordwesten.
Historie
[ännern | Bornkood ännern]De Naam Kükenmoor warrt trüggföhrt op’n Eddelnaam von der Kück. De dree öllsten Hööv schöölt op de dree Söhns von’n Eddelmann von der Kück trügggahn: de Hinners-Hoff na Hinnerk, de Clasenhoff na Claas un de Illers-Hoff na Ehlers.
De Poppeermöhl von Kükenmoor weer en Watermöhl an’n Gohbeek un is von 1682 bet 1910 lopen.
In’n Eersten Weltkrieg sünd twee Soldaten ut Kükenmoor fullen oder vermisst un in’n Tweten Weltkrieg 15.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort is an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn. De beiden Gemenen Kükenmoor un Veernermoor hebbt dorbi tohoop de Oortschop Kükenmoor billt, de en Oortsvörsteiher wählt.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 4 Füürsteden |
| 1812[3] | 48 |
| 1824[4] | 4 Füürsteden |
| 1848[5] | 78 Lüüd, 12 Hüüs |
| 1. Dezember 1871[6] | 78 Lüüd, 13 Hüüs |
| 1. Dezember 1885[7] | 86 Lüüd, 14 Hüüs |
| 1. Dezember 1905[8] | 91 Lüüd, 12 Hüüs |
| 1. Dezember 1910[9] | 98* |
| 1925[10] | 100* |
| 1933[10] | 121* |
| 1939[10] | 115* |
- * tohoop mit Gohbeek un Neenkroog
Religion
[ännern | Bornkood ännern]Kükenmoor is evangeelsch-luthersch präägt un höört to dat Kaspel von de Petrus-Kark in Kerklinneln.
För de Kathoolschen is de St.-Josef-Kark in Veern tostännig.
Oortsvörsteihers
[ännern | Bornkood ännern]| Tied | Naam | Partei |
|---|---|---|
| 1996– | Fred Wischmann |
Kultur
[ännern | Bornkood ännern]In Kükenmoor steiht en Denkmaal för de Fullenen ut de twee Weltkrieg’.
Verenen
[ännern | Bornkood ännern]De Schüttenvereen Veernermoor-Kükenmoor is 1924 in Veernermoor grünnt worrn. De Heimat- un Kulturvereen Kükenmoor is an’n 10. April 2010 grünnt worrn.
Weertschop un Infrastruktur
[ännern | Bornkood ännern]An’n 25. November 1932 is en Plichtfüürwehr in Kükenmoor grünnt worrn, de 1934 en Füürlöschverband mit Veernermoor un Heinz grünnt hett. 1944 hett sik en freewillige Füürwehr grünnt un de Plichtfüürwehr is oplööst worrn. 1958 sünd de Füürwehren in Veernermoor un Kükenmoor as Freewillige Füürwehr Kükenmoor tohoopgahn.
Siet 1969 gifft dat den Campingplatz an’n Saasloh mit üm un bi 80 Stellplätz.
Verkehr
[ännern | Bornkood ännern]Dör Kükenmoor löppt de Kreisstraat 13, de in’n Noorden na Kohlenföör an de Landsstraat 171 ran geiht un in’n Süüdwesten na Neernabargen un an de L 160 ran. De L 171 föhrt in’n Westen na Kerklinneln un Veern un in’n Oosten över Jeddingen na Visselhöövd. Lüttjere Straten loopt na Groten Heinz, na Kerklinneln, na Veernermoor un na Neenföör un Ramels.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so acht Kilometer in’n Westen von Kükenmoor an de L 171.
De nächste Bahnhoff is so bi ölven Kilometer in’n Westen de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Amsen weer in disse Tied söven Kilometer in’n Süüdwesten. De Bahnhööv Kerklinneln un Bennbössel an de Bahnlien Ülzen–Langwedel (inricht 1873) weren söss Kilometer in’n Noordwesten/Noordoosten, sünd aver 1987 dichtmaakt worrn.
Scholen
[ännern | Bornkood ännern]Kükenmoor harr fröher en egene lüttje Volksschool. Vondaag gaht de Kinner op de Lintler Geest-School in Bennbössel.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 133
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 346
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Armsen | Bennbössel | Brouk | Heinz | Hogenabargen | Holbm | Kerklinneln | Kreepm | Kükenmoor | Lutten | Neernabargen | Odersen | Schepinkel | Zähln | Stemmen | Wetenmöhlen | Wittloh