Kreepm

Vun Wikipedia
Wapen/Flagg Koort
Wapen unbekannt
Kreepm
Laag vun Kreepm in Düütschland
Basisdaten
Bundsland: Neddersassen
Landkreis: Veern
Gemeen: Kerklinneln
Flach: 8,84 km²
Inwahners: 187 (2009-05-1414. Mai 2009)
Inwahnerdicht: 21,2 Inwahners pro km²
Hööchd: 50 m över NN
Postleettall: 27308
Vörwahl: 04236
Geograafsche Laag:
Koordinaten:52° 59′ N, 9° 21′ O
52° 59′ N, 9° 21′ O

Karte

Kreepm (hoochdüütsch Kreepen) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln billt de Oort tohoop mit Brammer de polietsche Oortschop Kreepm.

Geografie[ännern | Bornkood ännern]

De Oort liggt op de Linnelner Geest. Dat Water ut dat Rebeed flütt över Kreepmer Beek un Schmobeek na’n Gohbeek hen af.

De Naveröörd sünd Rahnhorst un Süderwals in’n Noorden, Lüttjen Zähln un Groten Zähln in’n Oosten, Brouk, Schmomöhlen un Lüttjen Linneln in’n Süüdoosten, Kerklinneln, Deelsen un Brammer in’n Süüdwesten un Holbm un Weehoff in’n Noordwesten.

Historie[ännern | Bornkood ännern]

Kreepm kummt wohrschienlich 1320 in en Oorkunn von’n Veerner Bischop Nikolaus as Cregenhob toeerst in de Oorkunnen vör. Aver dat is nich ganz düüdlich, wat mit düt Cregenhob ok würklich dat Dörp Kreepm meent weer. As dat Dörp Huckfelde in de Neegd von Kreepm un Brammer in dat 15. Johrhunnert verswunnen is, dor is de Feldmark von düt Dörp twüschen Kreepm un Brammer opdeelt worrn.

In’n Eersten Weltkrieg sünd söss Soldaten ut Kreepm un Brammer fullen oder vermisst un in’n Tweten Weltkrieg 23.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort billt von öllers tohoop mit Brammer de Gemeen Kreepm, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is. Sietdem billt Kreepm en Oortschop mit egen Oortsvörsteiher binnen de Gemeen Kerklinneln.

Inwahnertall[ännern | Bornkood ännern]

Johr Inwahners
1791-00-001791[2] 5 Füürsteden
1812-00-001812[3] 67
1824-00-001824[4] 5 Füürsteden
1848-00-001848[5] 66 Lüüd, 13 Hüüs
1871-12-011. Dezember 1871[6] 89 Lüüd, 14 Hüüs
1885-12-011. Dezember 1885[7] 77 Lüüd, 14 Hüüs
1905-12-011. Dezember 1905[8] 89 Lüüd, 16 Hüüs
1910-12-011. Dezember 1910[9] 150*
1925-00-001925[10] 205*
1933-00-001933[10] 211*
1939-00-001939[10] 210*
* tohoop mit Brammer

Religion[ännern | Bornkood ännern]

Kreepm is evangeelsch-luthersch präägt un höört to dat Kaspel von de Petrus-Kark in Kerklinneln.

För de Kathoolschen is de St.-Josef-Kark in Veern tostännig.

De Karkhoff Kreepm-Brammer liggt twüschen de beiden Dörper un is 1942 anleggt worrn.

Börgermeesters/Oortsvörsteihers[ännern | Bornkood ännern]

Börgermeesters:

  • –30. Juni 1972: Heinrich Bunke

Oortsvörsteihers:

  • opstunns: Karin Wiedemann (CDU)

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht op’n Karkhoff Kreepm-Brammer.

Verenen[ännern | Bornkood ännern]

De Schüttenvereen Kreepm-Brammer is an’n 19. Mai 1901 grünnt worrn.

Weertschop un Infrastruktur[ännern | Bornkood ännern]

Elektrischen Stroom hett de Oort 1912 kregen.

Verkehr[ännern | Bornkood ännern]

Dör Kreepm löppt de Kreisstraat 18, de in’n Süüdwesten över Brammer na Kerklinneln an de Landsstraat 171 geiht un in’n Westen na de Dörper Lüttjen Zähln, Groten Zähln un Odeweg. Von Kreepm ut geiht in’n Noorden de K 25 (in’n Landkreis Rodenborg K 233) na Süderwals un Westerwals. De L 171 föhrt von Kerklinneln in’n Süüdoosten na Veern an de Bundsstraat 215 un in’n Noordoosten na Jeddingen un Visselhöövd.

De nächste Autobahn is de Autobahn 27 (Afsnidd BremenWasra). De Opfohrt 26 Veern-Oost is acht Kilometer wied weg in’n Süüdwesten von Kreepm an de L 171.

De nächste Bahnhoff is so bi ölven Kilometer in’n Süüdwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. De Bahnhoff Kerklinneln an de Bahnlien Ülzen–Langwedel (inricht 1873) weer fiev Kilometer in’n Süüdwesten, is aver 1987 dichtmaakt worrn.

Scholen[ännern | Bornkood ännern]

Kreepm harr fröher en egen Volksschool. Nadem de School 1962 dichtmaakt hett, gaht de Kinner vondaag op de Lintler Geest-School in Bennbössel.

Literatur[ännern | Bornkood ännern]

  • Udo Freitag: Chronik der Ortschaften Kreepen und Brammer. 1998

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 131
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 342
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de