Brammer (Gemeen Kerklinneln)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Brammer
Laag vun Brammer in Düütschland
Basisdaten
Bundsland: Neddersassen
Landkreis: Veern
Gemeen: Kerklinneln
Inwahners:
Postleettall: 27308
Vörwahl: 04236
Geograafsche Laag:
Koordinaten:52° 58′ N, 9° 20′ O
52° 58′ N, 9° 20′ O

Brammer (hoochdüütsch Brammer) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Kreepm.

Geografie[ännern | Bornkood ännern]

De Oort liggt op de Linnelner Geest. Dat Water ut dat Rebeed flütt över Kreepmer Beek un Schmobeek na’n Gohbeek hen af.

De Naveröörd sünd Rahnhorst un Kreepm in’n Noordoosten, Lüttjen Zähln in’n Oosten, Brouk un Lüttjen Linneln in’n Süüdoosten, Kerklinneln un Deelsen in’n Süüdwesten, Wall in’n Westen un Holbm in’n Noordwesten.

Historie[ännern | Bornkood ännern]

De Brammer Mann

Brammer kummt 1437 as Bromer toeerst in de Oorkunnen vör.

En Stück in’n Süden von dat Dörp is an’n 12. Juni 1903 bi’t Törfsteken de Brammer Mann funnen worrn, en Moorliek.

In’n Eersten Weltkrieg sünd söss Soldaten ut Kreepm un Brammer fullen oder vermisst un in’n Tweten Weltkrieg 23.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört von öllers bi de Gemeen Kreepm mit bi, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.

Inwahnertall[ännern | Bornkood ännern]

Johr Inwahners
1791-00-001791[2] 5 Füürsteden
1812-00-001812[3] 56
1824-00-001824[4] 6 Füürsteden
1848-00-001848[5] 56 Lüüd. 10 Hüüs
1871-12-011. Dezember 1871[6] 41 Lüüd. 7 Hüüs
1885-12-011. Dezember 1885[7] 35 Lüüd. 8 Hüüs
1905-12-011. Dezember 1905[8] 56 Lüüd. 8 Hüüs

Religion[ännern | Bornkood ännern]

Brammer is evangeelsch-luthersch präägt un höört to dat Kaspel von de Petrus-Kark in Kerklinneln.

För de Kathoolschen is de St.-Josef-Kark in Veern tostännig.

De Karkhoff Kreepm-Brammer liggt twüschen de beiden Dörper un is 1942 anleggt worrn.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht op’n Karkhoff Kreepm-Brammer.

Verenen[ännern | Bornkood ännern]

De Schüttenvereen Kreepm-Brammer is an’n 19. Mai 1901 grünnt worrn.

Weertschop un Infrastruktur[ännern | Bornkood ännern]

Elektrischen Stroom hett de Oort 1912 kregen.

Verkehr[ännern | Bornkood ännern]

Dör Brammer löppt de Kreisstraat 18, de in’n Süüdwesten na Kerklinneln an de Landsstraat 171 geiht un in’n Westen na de Dörper Kreepm, Lüttjen Zähln, Groten Zähln un Odeweg. Von Kreepm ut geiht in’n Noorden de K 25 (in’n Landkreis Rodenborg K 233) na Süderwals un Westerwals. En lüttjere Straat gifft dat ans noch na Deelsen. De L 171 föhrt von Kerklinneln in’n Süüdoosten na Veern an de Bundsstraat 215 un in’n Noordoosten na Jeddingen un Visselhöövd.

De nächste Autobahn is de Autobahn 27 (Afsnidd BremenWasra). De Opfohrt 26 Veern-Oost is söss Kilometer wied weg in’n Süüdwesten von Brammer an de L 171.

De nächste Bahnhoff is so bi teihn Kilometer in’n Süüdwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. De Bahnhoff Kerklinneln an de Bahnlien Ülzen–Langwedel (inricht 1873) weer veer Kilometer in’n Süüdwesten, is aver 1987 dichtmaakt worrn.

Scholen[ännern | Bornkood ännern]

De Kinner ut Brammer sünd fröher in Kreepm na de Volksschool gahn. Nadem de School 1962 dichtmaakt hett, gaht se vondaag op de Lintler Geest-School in Bennbössel.

Literatur[ännern | Bornkood ännern]

  • Udo Freitag: Chronik der Ortschaften Kreepen und Brammer, 1998

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 34
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 82
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181