Süderwals

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Süderwals
Laag vun Süderwals in Düütschland
Basisdaten
Bundsland: Neddersassen
Landkreis: Rodenborg
Samtgemeen: Bootel
Gemeen: Westerwals
Inwahners:
Postleettall: 27386
Vörwahl: 04269
Geograafsche Laag:
Koordinaten:53° 0′ N, 9° 22′ O
53° 0′ N, 9° 22′ O

Süderwals (hoochdüütsch Süderwalsede) is en Dörp in de Gemeen Westerwals (Samtgemeen Bootel) in’n Landkreis Rodenborg, Neddersassen.

Bi Süderwals höört ok de Oort Rahnhorst mit to.

Geografie[ännern | Bornkood ännern]

De Oort liggt op de Geest. Dat Water ut dat Rebeed flütt in’n Noorden över Gravens na’n Fedderlohmöhlenbeek un in’n Süden över’n Kreepener Beek un Schmobeek na’n Gohbeek.

De Naveröörd sünd Westerwals in’n Noorden, Karkwals in’n Noordoosten, Wittenmoor un Lürken in’n Oosten, Odeweg un Groten Zähln in’n Süüdoosten, Lüttjen Zähln un Kreepm in’n Süden, Brammer un Holbm in’n Süüdwesten, Weehoff in’n Westen un Ebersen in’n Noordwesten.

Historie[ännern | Bornkood ännern]

In dat Johr 1981 is Süderwals Bundswinner in’n Weddstried Uns Dörp schall schöner warrn worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Karkwals in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Karkwals in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher en egen Buurschop un Gemeen un is an’n 1. März 1974 mit de Gemeenreform in Neddersassen Deel von de Gemeen Westerwals worrn.

Inwahnertall[ännern | Bornkood ännern]

Johr Inwahners
1791-00-001791[1] 13 Füürsteden
1812-00-001812[2] 149
1824-00-001824[3] 28 Füürsteden
1848-00-001848[4] 190 Lüüd. 35 Hüüs
1871-12-011. Dezember 1871[5] 165 Lüüd. 32 Hüüs
1885-12-011. Dezember 1885[6] 170 Lüüd. 35 Hüüs
1905-12-011. Dezember 1905[7] 202 Lüüd. 35 Hüüs
1910-12-011. Dezember 1910[8] 284
1925-00-001925[9] 292
1933-00-001933[9] 303
1939-00-001939[9] 285

Religion[ännern | Bornkood ännern]

Süderwals is evangeelsch-luthersch präägt un höört to dat Kaspel von de Bartholomäus-Kark in Karkwals.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Süderwals is 1897 grünnt worrn.

Weertschop un Infrastruktur[ännern | Bornkood ännern]

Süderwals hett en egene freewillige Füürwehr.

Verkehr[ännern | Bornkood ännern]

Dör Süderwals löppt de Kreisstraat 206, de in’n Noordoosten över Karkwals na de Bundsstraten B 440 un B 71 bi Rodenborg geiht un in’n Süüdwesten in’n Landkreis Veern as K 11 na Holbm un in Wall an de B 215 ran. De K 206 krüüzt sik in Süderwals mit de K 233, de in’n Noorden na Westerwals geiht un in’n Süden in’n Landkreis Veern as K 25 na Kreepen.

De nächste Autobahn is de Autobahn 27 (Afsnidd BremenWasra). De Opfohrten 25 Veern-Noord (an de B 215) un 26 Veern-Oost (an de L 171) doot all beid so ölven Kilometer in’n Süüdwesten von Süderwals liggen.

De nächsten Bahnhööv sünd so bi 14 Kilometer wied weg in’n Süüdwesten de Bahnhoff Langwedel an de Bahnlienen Wunsdörp–Bremen un Ülzen–Langwedel un de Bahnhoff Veern an de Bahnlien Wunsdörp–Bremen. Disse Bahnhööv sünd ok inbunnen in dat Nett von de Regio-S-Bahn Bremen/Neddersassen. De Bahnhoff Rodenborg an de Bahnlien Hamborg–Bremen liggt 14 Kilometer in’n Noorden.

Scholen[ännern | Bornkood ännern]

De Kinner gaht na de Grundschool Karkwals.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 223
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 634
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]