Wetenmöhlen

Vun Wikipedia
Wapen/Flagg Koort
Wapen unbekannt
Wetenmöhlen
Laag vun Wetenmöhlen in Düütschland
Basisdaten
Bundsland: Neddersassen
Landkreis: Veern
Gemeen: Kerklinneln
Inwahners: 418 (2008-00-002008)
Hööchd: 24 m över NN
Postleettall: 27308
Vörwahl: 04236
Geograafsche Laag:
Koordinaten:52° 55′ N, 9° 18′ O
52° 55′ N, 9° 18′ O

Karte

Wetenmöhlen (hoochdüütsch Weitzmühlen) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln billt de Oort de polietsche Oortschop Wetenmöhlen.

To Wetenmöhlen höört ok de lüttjeren Öörd Ramels un Specken mit to.

Geografie[ännern | Bornkood ännern]

De Oort liggt op de Achem-Veerner Geest. Dör’n Oort flütt de Gibbeek, de an’n Süüdrand von’n Oort in’n Gohbeek münnt.

De Naveröörd sünd Kerklinneln in’n Noorden, Ramels un Specken in’n Oosten, Armsen in’n Süüdoosten, Lutten in’n Süden, Eitze in’n Süüdwesten, Bössel in’n Westen un Oosterkroog, Schnuckenstall, Hoost un Lindhoop in’n Noordwesten.

Historie[ännern | Bornkood ännern]

De Oort geiht trügg op de Watermöhl an’n Gohbeek, de eerst 1957 op en Elektromotoor ümstellt worrn is. De Naam von’n Oort kummt üm 1320 as Wethemolen toeerst in de Oorkunnen vör.

In’n Eersten Weltkrieg sünd acht Soldaten ut Wetenmöhlen fullen oder vermisst un in’n Tweten Weltkrieg 19.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort is an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn un billt sietdem en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[2] 3 Füürsteden
1812-00-001812[3] 56
1824-00-001824[4] 4 Füürsteden
1848-00-001848[5] 99 Lüüd, 17 Hüüs
1871-12-011. Dezember 1871[6] 102 Lüüd, 18 Hüüs
1885-12-011. Dezember 1885[7] 140 Lüüd, 20 Hüüs
1905-12-011. Dezember 1905[8] 130 Lüüd, 23 Hüüs
1910-12-011. Dezember 1910[9] 175
1925-00-001925[10] 153
1933-00-001933[10] 154
1939-00-001939[10] 146

Religion[ännern | Bornkood ännern]

Wetenmöhlen is evangeelsch-luthersch präägt un höört to dat Kaspel von de Petrus-Kark in Kerklinneln.

För de Kathoolschen is de St.-Josef-Kark in Veern tostännig.

Oortsvörsteihers[ännern | Bornkood ännern]

Tied Naam Partei
1981–2009 Hans-Heinrich Müller
2009– Fred Martens CDU

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht an de Wetenmöhlener Dörpstraat.

2014 is dat Möhlener Hus inwieht worrn, in dat nu de Füürwehr, de Schüttenvereen un de Dörpgemeenschop ehr Tohuus hebbt.

Verenen[ännern | Bornkood ännern]

Schüttensport warrt in’n Schüttenvereen Wetenmöhlen bedreven.

Weertschop un Infrastruktur[ännern | Bornkood ännern]

Wetenmöhlen hett en egene freewillige Füürwehr, de 1943 grünnt worrn is.

Verkehr[ännern | Bornkood ännern]

Dör Wetenmöhlen löppt de Kreisstraat 21, de in’n Noorden na Kerklinneln an de Landsstraat 171 ran geiht un in’n Süüdwesten na Eitze an de L 160. De L 171 föhrt von Kerklinneln in’n Süüdwesten na Veern un in’n Noordoosten över Jeddingen na Visselhöövd. De L 160 löppt von Eitze in’n Noordwesten na Veern un in’n Süüdoosten över Lutten un Hogenabargen na Süüdkampen un Kerkboitzen. Von de K 21 geiht in Wetenmöhlen na Süüdoosten de K 38 af, de na Lutten, Armsen un Neernabargen föhrt.

De nächste Autobahn is de Autobahn 27 (Afsnidd BremenWasra). De Opfohrt 26 Veern-Oost is veer Kilometer wied weg in’n Noordwesten von Wetenmöhlen an de L 171.

De nächste Bahnhoff is so bi söss Kilometer in’n Westen de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Eitze weer in disse Tied veer Kilometer in’n Süüdwesten. De Bahnhoff Kerklinneln an de Bahnlien Ülzen–Langwedel (inricht 1873) weer dree Kilometer in’n Noorden, is aver 1987 dichtmaakt worrn.

Scholen[ännern | Bornkood ännern]

Fröher sünd de Kinner ut Wetenmöhlen in Kerklinneln na de Volksschool gahn. Vondaag gaht se op de Lintler Geest-School in Bennbössel.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 244
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 646
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 182
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de