Hiddingen

Vun Wikipedia
Wapen/Flagg Koort

Wapen vun

Hiddingen
Laag vun Hiddingen in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Hööchd: 58 m över NN
Postleettall: 27374
Vörwahl: 04262
Geograafsche Laag:
Koordinaten:53° 0′ N, 9° 37′ O
53° 0′ N, 9° 37′ O

Karte

Hüüs in Hiddingen

Hiddingen (hoochdüütsch Hiddingen) is en Dörp in de Gemeen Visselhöövd in’n Landkreis Rodenborg, Neddersassen. Binnen de Gemeen billt de Oort de polietsche Oortschop Hiddingen, to de ok de twee lüttjeren Öörd Jürshoff un Battenbrook tohöört.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över lüttjere Beken na de Rodau hen af. In de Neegd doot de Elmhorstbarg (88 m hoog) un de Höllenbarg (93 m hoog) liggen.

De Naveröörd sünd Hartböhn, Rutenmöhl, Hertel, Neenkerken un Drögenbossel in’n Noordoosten, Battenbrook un Jürshoff in’n Oosten, Behningen, Frielingen un Eitze in’n Süüdoosten, Riepholm, Oddingen un Delvendaal in’n Süden, Schwitschen un Visselhöövd in’n Süüdwesten, Hälßen in’n Westen un Bookholt, Hütthoff, Roosbrook un Moordörp in’n Westen.

Historie[ännern | Bornkood ännern]

In’n Eersten Weltkrieg sünd twölv Soldaten ut Hiddingen fullen oder vermisst un in’n Tweten Weltkrieg 32.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en grötteren Landkreis Rodenborg worrn.

De Oort hett fröher tohoop mit Battenbrook, Drögenbossel un Jürshoff de Buurschop Hiddingen billt un weer later ahn Drögenbossel, aver mit Battenbrook un Jürshoff en egen Gemeen. Düsse Gemeen weer von 1969 bet 1974 Maat von de Samtgemeen Visselhöövd un is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Hiddingen is nu een von de 15 Oortschoppen binnen de Gemeen Visselhöövd un hett en egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[2] 31 Füürsteden
1812-00-001812[3] 304
1824-00-001824[4] 46 Füürsteden
1848-00-001848[5] 385 Lüüd, 61 Hüüs
1871-12-011. Dezember 1871[6] 389 Lüüd, 71 Hüüs
1885-12-011. Dezember 1885[7] 352 Lüüd, 69 Hüüs
1905-12-011. Dezember 1905[8] 362 Lüüd, 65 Hüüs
1910-12-011. Dezember 1910[9] 435*
1925-00-001925[10] 470*
1933-00-001933[10] 428*
1939-00-001939[10] 393*
* tohoop mit Battenbrook un Jürshoff

Religion[ännern | Bornkood ännern]

Hiddingen is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Oortsraad[ännern | Bornkood ännern]

Oortsraad
Johr \ Partei Tall WG
2016 5 5
Liddmaten
  • 2016:
    WG: Manuel Bremer, Holger Eimer, Andreas Friedrich, Beke Marquard, Michael Senkbeil

Oortsbörgermeesters[ännern | Bornkood ännern]

Tied Naam Partei
opstunns Holger Eimer WG

Wapen[ännern | Bornkood ännern]

Dat Wapen von Hiddingen wiest en Neddersassenhuus un en Soot.

Kultur[ännern | Bornkood ännern]

In Hiddingen steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schüttenvereen Hiddingen is 1921 grünnt worrn.

Weertschop un Infrastruktur[ännern | Bornkood ännern]

Radaranlaag op’n Elmhorstbarg

Hiddingen hett en egene freewillige Füürwehr, de 1921 grünnt worrn is.

Op’n Elmhorstbarg liggt en Radarstatschoon von de Bundswehr.

Verkehr[ännern | Bornkood ännern]

Dör Hiddingen löppt de Landsstraat 171, de in’n Noordoosten in Neenkerken an de Bundsstraat 71 ran un wieder na Snevern geiht un in’n Süüdwesten över Schwitschen na Visselhöövd an de B 440 un wieder över Jeddingen na Kerklinneln un Veern. Von de L 171 na Süden geiht de Kreisstraat 208 af, de över Riepholm na Oddingen an de B 440 föhrt.

De nächste Autobahn is de Autobahn 7 (Afsnidd HamborgHannover). De Opfohrt 46 Derpmark liggt so 19 Kilometer in’n Süüdoosten von Hiddingen an de B 440. De Opfohrt 27 Wasra-West op de Autobahn 27 (Afsnidd BremenWasra) liggt 20 Kilometer in’n Süüdwesten an de B 209.

De nächste Bahnhoff is so bi fiev Kilometer wied weg in’n Süüdwesten de Bahnhoff Visselhöövd an de Bahnlien Ülzen–Langwedel.

Scholen[ännern | Bornkood ännern]

Hiddingen harr fröher sien egen Volksschool, de aver dichtmaakt worrn is. Vondaag gaht de Kinner ut dat Dörp na de Grundschool Visselhöövd.

Lüüd[ännern | Bornkood ännern]

De Theologin Marlene Crüsemann is 1953 in Hiddingen boren.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 106
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 274
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de

Weblenken[ännern | Bornkood ännern]

Hiddingen. Mehr Biller, Videos oder Audiodateien to’t Thema gifft dat bi Wikimedia Commons.