Jürshoff

Vun Wikipedia
Wapen/Flagg Koort
hett keen Wapen
Jürshoff
Laag vun Jürshoff in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Postleettall: 27374
Vörwahl: 04262
Geograafsche Laag:
Koordinaten:53° 0′ N, 9° 38′ O
53° 0′ N, 9° 38′ O

Karte

Jürshoff (hoochdüütsch Jürshof) is en lütten Oort in de Gemeen Visselhöövd in’n Landkreis Rodenborg, Neddersassen. De Oort höört polietsch al von öllers bi Hiddingen mit bi.

Geografie[ännern | Bornkood ännern]

De Oort liggt in’n Westen von de Lümbörger Heid. Dat Water ut dat Rebeed flütt över den Kriedbeek af hen na de Rodau.

De Naveröörd sünd Battenbrook in’n Noorden, Drögenbossel in’n Noordoosten, Behningen in’n Süüdoosten, Riepholm in’n Süden, Delvendaal in’n Süüdwesten un Schwitschen un Hiddingen in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

Jürshoff weer fröher Deel von de Buurschop Hiddingen. Hiddingen is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Binnen de Gemeen höört Jürshoff nu to de polietsche Oortschop Hiddingen.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 21
1824-00-001824[3] 4 Füürsteden
1848-00-001848[4] 26 Lüüd, 4 Hüüs
1871-12-011. Dezember 1871[5] 22 Lüüd, 4 Hüüs
1885-12-011. Dezember 1885[6] 22 Lüüd, 6 Hüüs
1905-12-011. Dezember 1905[7] 22 Lüüd, 2 Hüüs

Religion[ännern | Bornkood ännern]

Jürshoff is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Jürshoff liggt an de Landsstraat 171, de in’n Noordoosten över Drögenbossel un Neenkerken (dor an de Bundsstraat 71 anslaten) na Snevern geiht un in’n Süüdwesten över Schwitschen un Visselhöövd (dor an de Bundsstraat 440 anslaten) na Kerklinneln un Veern. Von Hiddingen na Süden löppt de Kreisstraat 208, de na Riepholm un Oddingen föhrt. De B 440 löppt von Visselhöövd na Rodenborg in’n Noordwesten un Dörpmark in’n Süüdoosten un de B 71 von Neenkerken na Soltau in’n Süüdoosten.

De nächsten Autobahnen sünd de Autobahn 7 (Afsnidd HamborgHannover) un de Autobahn 27 (Afsnidd BremenWasra). De Opfohrt 46 Dörpmark op de A 7 liggt so 19 Kilometer in’n Süüdoosten von Jürshoff an de B 440. De Opfohrt 27 Wasra-West op de A 27 liggt 21 Kilometer in’n Süüdwesten an de B 209.

De nächste Bahnhoff is so bi fiev Kilometer wied weg in’n Süüdwesten de Bahnhoff Visselhöövd an de Bahnlien Ülzen–Langwedel.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 124
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 322
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151