Battenbrook

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Battenbrook
Laag vun Battenbrook in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Postleettall: 27374
Vörwahl: 04262
Geograafsche Laag:
Koordinaten:53° 1′ N, 9° 38′ O
53° 1′ N, 9° 38′ O

Battenbrook (hoochdüütsch Battenbrock) is en lütten Oort in de Gemeen Visselhöövd in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Hiddingen.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över lüttjere Beken na de Rodau hen af.

De Naveröörd sünd Hartböhn in’n Noorden, Rutenmöhl, Hertel, Neenkerken un Drögenbossel in’n Noordoosten, Behningen un Eitze in’n Süüdoosten, Jürshoff, Riepholm un Delvendaal in’n Süden, Schwitschen in’n Süüdwesten un Hiddingen in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher Deel von de Buurschop un later de Gemeen Hiddingen, de an’n 1. März 1974 mit de Gemeenreform in Neddersassen Deel von de Gemeen Visselhöövd worrn is. Sietdem is Battenbrook binnen de Gemeen Deel von de Oortschop Hiddingen.

Inwahnertall[ännern | Bornkood ännern]

Johr Inwahners
1791-00-001791[1] 4 Füürsteden
1812-00-001812[2] 38
1824-00-001824[3] 5 Füürsteden
1848-00-001848[4] 51 Lüüd. 9 Hüüs
1871-12-011. Dezember 1871[5] 48 Lüüd. 9 Hüüs
1885-12-011. Dezember 1885[6] 50 Lüüd. 8 Hüüs
1905-12-011. Dezember 1905[7] 54 Lüüd. 5 Hüüs

Religion[ännern | Bornkood ännern]

Battenbrook is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Weertschop un Infrastruktur[ännern | Bornkood ännern]

För Battenbrook is de freewillige Füürwehr Hiddingen mit tostännig.

Verkehr[ännern | Bornkood ännern]

An Battenbrook löppt de Landsstraat 171 langs, de in’n Noordoosten in Neenkerken an de Bundsstraat 71 ran un wieder na Snevern geiht un in’n Süüdwesten över Schwitschen na Visselhöövd an de B 440 un wieder över Jeddingen na Kerklinneln un Veern. Von de L 171 na Süden geiht de Kreisstraat 208 af, de över Riepholm na Oddingen an de B 440 föhrt.

De nächste Autobahn is de Autobahn 7 (Afsnidd HamborgHannover). De Opfohrt 46 Derpmark liggt so 20 Kilometer in’n Süüdoosten von Battenbrook an de B 440. De Opfohrt 27 Wasra-West op de Autobahn 27 (Afsnidd BremenWasra) liggt 21 Kilometer in’n Süüdwesten an de B 209.

De nächste Bahnhoff is so bi söss Kilometer wied weg in’n Süüdwesten de Bahnhoff Visselhöövd an de Bahnlien Ülzen–Langwedel.

Scholen[ännern | Bornkood ännern]

De Kinner ut Battenbrook gaht na de Grundschool Visselhöövd. Fröher sünd se in Hiddingen na de Volksschool gahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 18
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 42
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151