Hartböhn

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hartböhn
Laag vun Hartböhn in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners:
Postleettall: 29643
Vörwahl: 05195
Geograafsche Laag:
Koordinaten:53° 2′ N, 9° 38′ O
53° 2′ N, 9° 38′ O

Hartböhn (hoochdüütsch Hartböhn) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Brochdörp.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över’n Hahnenbeek na de Wiedau hen af.

De Naveröörd sünd Jerusalem, Täwel un Platenkamp in’n Noordoosten, Brochdörp un Rutenmöhl in’n Oosten, Hertel un Drögenbossel in’n Süüdoosten, Battenbrook, Hiddingen un Hütthoff in’n Süüdwesten, Roosbrook in’n Westen un Moordörp un Söhlingen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Neenkerken in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort höört von öllers bi de Buurschop un later de Gemeen Brochdörp mit bi. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Neenkerken worrn. Sietdem höört Hartböhn to de Oortschop Brochdörp, de en egen Oortsraad un Oortsbörgermeester hett.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 19
1824-00-001824[3] 2 Füürsteden
1848-00-001848[4] 9 Lüüd. 1 Huus
1871-12-011. Dezember 1871[5] 9 Lüüd. 1 Huus
1885-12-011. Dezember 1885[6] 11 Lüüd. 2 Hüüs
1905-12-011. Dezember 1905[7] 9 Lüüd. 1 Huus

Religion[ännern | Bornkood ännern]

Hartböhn is evangeelsch-luthersch präägt un höört to dat Kaspel von de Bartholomäus-Kark in Neenkerken.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Kultur[ännern | Bornkood ännern]

In de Neegd von Hartböhn steiht de Arbeid Keepalive von’n Künstler Aram Bartholl. Dat is en Findling, an den de Besöker en Füür ansteken kann, üm Togang to en WLAN-Hotspot mit Överlevenstipps to kriegen.

Weertschop un Infrastruktur[ännern | Bornkood ännern]

För Hartböhn is de freewillige Füürwehr Brochdörp mit tostännig.

Verkehr[ännern | Bornkood ännern]

En Stück in’n Noorden von Hartböhn löppt de Kreisstraat 43 langs, de in’n Westen na Roosbrook an de K 223 föhrt un in’n Oosten na Brochdörp an de Bundsstraat 71. De B 71 föhrt von Brochdörp in’n Noordwesten över Täwel, Söhlingen, Hemslingen un Brookel na Rodenborg un in’n Süüdoosten över Delsen un Neenkerken na Soltau.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 23 Kilometer in’n Süüdoosten von Hartböhn an de B 3.

De nächste Bahnhoff is so bi 14 Kilometer wied weg in’n Süüdwesten de Bahnhoff Visselhöövd an de Bahnlien Langwedel–Ülzen. De Bahnhoff Snevern an de Heidbahn liggt 17 Kilometer in’n Noordoosten.

Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken weer in düsse Tied söven Kilometer in’n Süüdoosten.

Scholen[ännern | Bornkood ännern]

De Kinner ut Hartböhn gaht na de Grundschool Neenkerken.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 97
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 248
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 100
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152