Delsen (Landkreis Heidkreis)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Delsen
Laag vun Delsen in Düütschland
Basisdaten
Bundsland: Neddersassen
Landkreis: Heidkreis
Gemeen: Neenkerken
Inwahners: 733 (2014-12-1515. Dezember 2014)
Postleettall: 29643
Vörwahl: 05195
Geograafsche Laag:
Koordinaten:53° 2′ N, 9° 43′ O
53° 2′ N, 9° 43′ O

Delsen (hoochdüütsch Delmsen) is en Dörp in de Gemeen Neenkerken in’n Landkreis Heidkreis, Neddersassen. Binnen de Gemeen billt de Oort en egen polietsche Oortschop.

Dat ole Zentrum von dat Dörp liggt in’n Noorden. In dat 20. Johrhunnert hett sik dat Zentrum aver na Süden verlagert hen na de Grenz na Neenkerken.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt in’n Süden över Hahnenbeek un de Wiedau af un in’n Noorden över Delser Beek un Mehlandsbeek na de Wiedau.

De Naveröörd sünd Schworgen in’n Noorden, Kempen, Sprengel un Jillhorn in’n Noordoosten, Jilbern in’n Süüdoosten, Neenkerken in’n Süden, Hertel in’n Süüdwesten, Rutenmöhl in’n Westen un Brochdörp in’n Noordwesten.

Historie[ännern | Bornkood ännern]

Fröher hett dat in Delsen en Windmöhl geven.

In’n Eersten Weltkrieg sünd söven Soldaten ut Delsen fullen oder vermisst un in’n Tweten Weltkrieg 38.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Brochdörp in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.

De Oort weer fröher en egenstännige Gemeen, de an’n 1. März 1974 mit de Gemeenreform in Neddersassen Deel von de Gemeen Neenkerken worrn is. Sietdem billt Delsen binnen de Gemeen en Oortschop mit egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[2] 9 Füürsteden
1812-00-001812[3] 113
1824-00-001824[4] 20 Füürsteden
1848-00-001848[5] 146 Lüüd. 23 Hüüs
1871-12-011. Dezember 1871[6] 164 Lüüd. 31 Hüüs
1885-12-011. Dezember 1885[7] 182 Lüüd. 34 Hüüs
1905-12-011. Dezember 1905[8] 163 Lüüd. 32 Hüüs
1910-12-011. Dezember 1910[9] 181
1925-00-001925[10] 252
1933-00-001933[10] 252
1939-00-001939[10] 221

Religion[ännern | Bornkood ännern]

Delsen is evangeelsch-luthersch präägt un höört to dat Kaspel von de Bartholomäus-Kark in Neenkerken.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Oortsraad[ännern | Bornkood ännern]

Oortsraad
Johr \ Partei Tall WG
2011 5 5
2016 5 5
Liddmaten
  • 2011: Michael Bluhm, Holger Breier, Margitta Lepsien, Wilfried Meyer, Sebastian Stein
  • 2016: Michael Bluhm, Henning Garbers, Frauke Heuer, Gerhard Meyer (bet 19. Januar 2017, för em is an’n 8. Februar 2017 Frank Warstat narückt), Sebastian Stein

Oortsbörgermeesters[ännern | Bornkood ännern]

  • opstunns (Stand 2018): Sebastian Stein

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Delsen in’n Versemannsweg.

Dat Freebad Neenkerken liggt an’n Hahnenbeek an de Grenz twüschen Delsen un Neenkerken.

Verenen[ännern | Bornkood ännern]

De Schüttenvereen Delsen is 1898 grünnt worrn.

Weertschop un Infrastruktur[ännern | Bornkood ännern]

Delsen hett en egene freewillige Füürwehr.

Verkehr[ännern | Bornkood ännern]

An’n Süüdrand von Delsen löppt de Bundsstraat 71 langs, de in’n Noordwesten över Brochdörp, Täwel, Söhlingen, Hemslingen un Brookel na Rodenborg geiht un in’n Süüdoosten över Neenkerken na Soltau. De B 71 warrt krüüzt von de Landsstraat 171, de in’n Noordoosten över Sprengel un Schüllern na Snevern föhrt un in’n Süüdwesten över Neenkerken na Hiddingen un Visselhöövd.

De nächste Autobahn is de Autobahn 7 (Afsnidd HamborgHannover). De Opfohrt 45 Soltau-Süüd liggt so 16 Kilometer in’n Süüdoosten von Delsen an de B 3.

De nächste Bahnhoff is so bi teihn Kilometer wied weg in’n Noordoosten de Bahnhoff Snevern an de Heidbahn. De Bahnhööv Visselhöövd un Soltau sünd 13 Kilometer wied weg un doot an de Bahnlien Langwedel–Ülzen liggen.

Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken weer in düsse Tied direkt an de Süüdkant von Delsen.

Scholen[ännern | Bornkood ännern]

De Kinner ut Delsen gaht na de Grundschool Neenkerken.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 54
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 130
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de