Düüsternheid

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Bootel/- Gemeen: Karkwals/Visselhöövd
Inwahners:
Postleettall:	27374, 27386
Vörwahl:	04260
Geograafsche Laag:	53° 2′ N, 9° 30′ O

Düüsternheid (hoochdüütsch Düsternheide) is en lütten Oort, de to dat Dörp Riekenbossel in de Gemeen Karkwals (Samtgemeen Bootel) in’n Landkreis Rodenborg, Neddersassen, tohöört. En Deel von’n Oort höört ok to de Oortschop Wittörp in de Gemeen Visselhöövd.

Geografie

Dat Water ut dat Rebeed flütt över Gravens na’n Visselbeek un de Rodau hen af.

De Naveröörd sünd Bootel in’n Noorden, Bretel un Nee-Bretel in’n Noordoosten, Hütthoff, Bookholt un Wittörp in’n Süüdoosten, Lürken in’n Süüdwesten, Riekenbossel in’n Westen un Hassel in’n Noordwesten.

Historie

Düüsternheid is in dat 19. Johrhunnert as Siedlung nee anleggt worrn.

Verwaltungsgeschicht

De Oort hett vör 1885 to dat Amt Rodenborg tohöört. De Riekenbossler Deel hett to de Amtsvaagdie Karkwals höört un de Wittörper Deel to de Amtsvaagdie Visselhöövd. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort hett fröher to de Gemenen Riekenbossel un Wittörp tohöört. Mit de Gemeenreform in Neddersassen an’n 1. März 1974 is Riekenbossel Deel von de Gemeen Karkwals worrn un Wittörp von de Gemeen Visselhöövd.

Inwahnertall

Riekenbossler Deel:

Johr	Inwahners
1885-12-011. Dezember 1885	11 Lüüd, 2 Hüüs
1905-12-011. Dezember 1905	8 Lüüd, 2 Hüüs

Religion

Düüsternheid is evangeelsch-luthersch präägt un de Riekenbossler un Wittörper Deel höört all beid to dat Kaspel von de Johannis-Kark in Visselhöövd.

För de Kathoolschen is in’n Riekenbossler Deel de Corpus-Christi-Kark in Rodenborg tostännig. För’n Wittörper Deel weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Weertschop un Infrastruktur

För Düüsternheid sünd de freewilligen Füürwehrn Karkwals un Wittörp mit tostännig.

Verkehr

Dör Düüsternheid löppt de Bundsstraat 440, de in’n Noordwesten över Hassel na Rodenborg geiht un in’n Süüdoosten över Wittörp un Visselhöövd na Derpmark. Twee Kilometer in’n Noordwesten von Düüsternheid warrt de B 440 von de Kreisstraat 209 krüüzt, de in’n Noordoosten na Bootel un in Brookel an de B 71 ran geiht un in’n Süüdwesten na Riekenbossel un Karkwals.

De nächste Autobahn is de Autobahn 27 (Afsnidd Bremen–Wasra). De Opfohrten 25 Veern-Noord (an de B 215) un 26 Veern-Oost (an de L 171) doot al beid so 22 Kilometer in’n Süüdwesten von Düüsternheid liggen. De Opfohrt 49 Bokel op de Autobahn 1 (Afsnidd Hamborg–Bremen) liggt 24 Kilometer in’n Noordwesten an de B 71 un de Opfohrt 46 Derpmark op de Autobahn 7 (Afsnidd Hamborg–Hannover) 27 Kilometer in’n Süüdoosten an de B 440.

De nächste Bahnhoff is so bi negen Kilometer wied weg in’n Süüdoosten de Bahnhoff Visselhöövd an de Bahnlien Ülzen–Langwedel. De Bahnhoff Rodenborg an de Bahnlien Hamborg–Bremen liggt ölven Kilometer in’n Noordwesten. Von 1906 bet 1958 hett dat ok Personenverkehr op de Bahnlien Bremervöör–Wasra geven. De Bahnhoff Wittörp weer in düsse Tied veer Kilometer in’n Süüdoosten.

Scholen

De Kinner ut’n Riekenbossler Deel gaht na de Grundschool Karkwals un de ut’n Wittörper Deel na de Grundschool Jeddingen. Vör Januar 2017 sünd de Kinner ut’n Wittörper Deel na de Grundschool Wittörp gahn, de denn aver dichtmaakt hett.